KELUARAN 20:15 - Susula Malalaok Hehelu Palak Ma Hehelu Beuk

¹⁵ Boso mamanako.

KELUARAN 20:15 ပူးပေါင်းရင်းမြစ်များ

KELUARAN 21:16

See noo neok hataholi esa soona, muse hukunisan, leomae fafa'kama hataholi ndia nananase'ok so, do bei nai uman.

AMSAL 11:1

Manetualain nahiik hataholi fo, ana pake tatais ta matetuk fa tehu nahiik hataholi fo, ana pake tatais matetuk.

IMAMAT 19:11

Boso mamanako, boso tipu-dai, ma boso masapepeko-masandandali.

IMAMAT 19:13

Boso lumu-ese emi nonoo hataholim-ma do malaka-ma bua-lo'an. Boso ho'u mahele hataholi fo naue-nale'di fe emi-a, ngga'din-na, leomae ka'da le'odaek esa boe.

AMOS 3:10

Manetualain nafa'da nae, “Hataholi-la tao lahenu sila uma manen-nala nenik bua-lo'as fo ala hapus neme lumu-esek ma tatao-nono'i susue-lalai taak-ka mai. Lena-lenak ala ta tao tunga ndoon-na makandondook fa.

MIKHA 7:3

Basa-basas lalelak lanseli nai tatao-nono'i mangalauk-ka dalek. Manapaleta ma manakee-manafula loke doi sosolok, ma lasi nggolok-kala lakaseti laun-na tunga hihii-nanaun-nala, lalahalak sama-sama leondiak.

MATEOS 15:19

Nanahu dudu'a-aafi mangalau ka da'di neme dale ka mai, fo ana tao na hataholi a nanisa, hohonge, sosoa-piao, namanako, fe sakasii pepekok ma nakasasa'ek dede'ak neu hataholi.

MATEOS 19:18

“Paleta bee ka nde ndia?” Hataholi ndia natane Yesus nai leondia. Boema Yesus nataa nae, “Boso manisa, boso hohonge, boso mamanako, boso sakasii pepekok,

MATEOS 21:13

Boema nafa'da hataholi sila la nae, “Nai Susula Malalaok dale nana sulak nae, Manetualain nafa'da nae, ‘loke Au Uma nga soona lae Uma fo mamana huhule-haladoik.’ Tehu emi taon da'di mana bonga uma la ndunun!”

YOHANIS 12:6

Yudas kokolak nae leondia nana, ta hu ka nde ana taoafik neu hataholi nu ta kala fa, tehu hu ka nde ndia hataholi nakodaa. La'iesa-la'iesa ana ho'i doik neme kas doi nakabubua ka mai. Ndia nde ho'u kas doik nakabubua ka.

ROMA 13:9

Nana agama Yahudi, hoholo-lalanen nafa'da ae, boso hohonge, boso manisa, boso mamanako, boso dale he'di hataholi hata-heton; basa sila la lakabubua lo hoholo-lalanek fe'e kala, fo huu na ka'da hoholo-lalanek esa mesa kana, fo nde, “Sue-lai o nonoo hataholi ma sama leo o sue-lai o aoina ma.”

1 KORINTUS 6:10

manamamana'ko kala, manatenepeta kala, manamafu kala, hataholi fo ana nau ka'da tao langgenggeo hataholi fe'ek na'de na, manadidina-nenene hataholi fe'e ka, basa hataholi leo sila kala, neukose ala ta da'di lima eik neme Manetualain hataholi kamahehele nala mai fa.

EFESUS 4:28

Hataholi fo ana biasa namanako, muse ana hahae namanako leona. Dede'a nasafali na, ana muse naue-nale'di, fo ana hapu tei-buin no matetu na, fo daenga ana hapu tulu-fali hataholi mana to'a-taa kala.

ULANGAN 24:7

Metema, hataholi esa, namanako neok neni leoinan esa, fo ana taon da'di ata, do nase'ohenin soona, muse hukunisa hataholi ndia. No enok ndia, emi tao mamopo tatao-nono'i mangalauk ndia.

ULANGAN 5:19

Boso mamanako.

1 TESALONIKA 4:6

Nai basa tatao-nono'ik sila la dalek, emi boso ke'dindiu do tao mangalauk neu emi tolanoo ma do tipu dain. Makahulu na ami fe basa emi nasnene'dak mae, neukose Lamatua ka huku hataholi mana tao-no'i tatao-nono'i masalak leo sila kala.