KELUARAN 20:14 - Susula Malalaok Hehelu Palak Ma Hehelu Beuk

¹⁴ Boso hohonge.

KELUARAN 20:14 ပူးပေါင်းရင်းမြစ်များ

KEJADIAN 39:9

Nai ia, au koasang-nga matua sama no koasan-na. Ta hapu hata esa boen, fo au ta ito-ato fan ta'da fe'e Ina. Hapu nai bee, au tao tatao-nono'i mangalauk ndia ma asala-asingo neu Manetualain?”

2 SEMUEL 11:27

Basa fai susan-na boema, Dauk nadenu hataholi neu nala inak ndia, leo uma manek-ka mai, de ana taon da'di ndia saoinan. Basa bulak de'ubee boema, ana bongi-na ni'iana touanak esa. Tehu Manetualain ta hii Dauk tatao-nono'in ndia fa.

IMAMAT 18:20

Boso sungu moo hataholi fe'ek saon; nana tatao-nono'ik ndia, ana tao-na o da'di manggenggeo.

IMAMAT 20:10

Metema, hataholi Israel esa, ana hohonge no hataholi fo bei sila leoina esa saoinan-na soona, muse hukunisan no inak ndia.

MALEAKHI 2:15

Ade, Manetualain Fo Kisak-ka, ta nakadada'dik emi aok esa, ma samanek esa moo inak ndia fa do? Ade, Manetualain dudu'an la'eneu dede'ak ndia, leo beek? Ta fe'ek fa, fo ela emi hapu anak, fo ala da'di Manetualain ana matetun. Da'di, manea aoinam-ma, fo boso nalosak nai emi dalek, hapu nggelok ta lilineka neu saoinan-na fa.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

BILANGAN 5:12

fe hataholi Israel-la nakanenetek ia-la. Bole da'di touk esa ana neo saoinan-na. Naedaenga saoinan ndia ta lilineka neu fan, de ana tao nanggenggeo aoinan-na, nanahu ana sungu no tou fe'ek. Tehu saotouk ndia ta nanuu buti fa, nanahu saoinan-na tao tataos ndia no nafufunik; sakasiin ta, ma ana ta ho'un-na fan. Do bole da'di saotouk esa ana neo saoinan-na, te se'kona saoinan ndia ta la'ok sala fa.

MATEOS 19:18

“Paleta bee ka nde ndia?” Hataholi ndia natane Yesus nai leondia. Boema Yesus nataa nae, “Boso manisa, boso hohonge, boso mamanako, boso sakasii pepekok,

ROMA 13:9

Nana agama Yahudi, hoholo-lalanen nafa'da ae, boso hohonge, boso manisa, boso mamanako, boso dale he'di hataholi hata-heton; basa sila la lakabubua lo hoholo-lalanek fe'e kala, fo huu na ka'da hoholo-lalanek esa mesa kana, fo nde, “Sue-lai o nonoo hataholi ma sama leo o sue-lai o aoina ma.”

ULANGAN 5:18

Boso hohonge.

IBRANI 13:4

Basa hataholi lala'ena, muse latu'du heo-hilu ha'da-holomata soaneu uma lo a, hu ndia de ela leo bee na saotou saoinak, esa lilineka nahele no esa. Hataholi mana sosoa-piao ka ma manahohonge ka, neukose Manetualain naketu-nala'dis.

YAKOBIS 2:11

Nana ndia fo mana mafa'dak nae, “Boso hohonge,” ndia boeo nde nafa'da nae, “Boso manisa.” Da'di metema emi ta hohonge fa, tehu emi manisa soona, emi hataholi mana la'o lena hoholo-lalanek boe.

YAKOBIS 4:4

Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”