KELUARAN 20:13 - Susula Malalaok Hehelu Palak Ma Hehelu Beuk

¹³ Boso manisa.

KELUARAN 20:13 ပူးပေါင်းရင်းမြစ်များ

2RAJA-RAJA 21:16

Fe'ek neme ana taon-na, hataholi Yehuda-la lasala-lasingo neu Manetualain, nenik ala sene-do'ok neu sosongo-tatangok-ka, Manasye boeo, ana taonisa hataholi sala tak makadotok nanseli, nalosa nai Yerusalem, daak-ka faa su'di leo bee neu.

KELUARAN 21:12

“See fepa hataholi fe'ek losa maten soona, muse hukunisan.

KELUARAN 21:14

Tehu metema hataholi esa daak-ka sa'en, fo ta name'da fa, te ana taonisa hataholi fe'ek, de basa boema, nalai leo Au mei tunu-hotung-nga neu, fo ana hapu nasulu-nahapak soona, muse hela heni hataholi ndia neme mei tunu-hotuk-ka mai, fo hukunisan.

KELUARAN 21:20

See fepa-li'u ata toun, do ata inan-na, losa ata ndia maten tu'tik soona, muse hukun.

KELUARAN 21:29

Metema sapi mane ndia, biasa nafoi, de masapik-ka nanafe nasanene'dak so, tehu ta nanea sapi ndia fa, boema sapi ndia foi hataholi esa losa maten, soona muse tapanisa bana ndia nenik batu, ma muse hukunisa masapik-ka.

KELUARAN 23:7

Madook aoinam-ma neme kalaak pepekok-ka mai, ma boso hu kande o tatao-nono'im de hataholi sala taak-ka nanahukunisak, nanahu Au fe salak neu hataholi manatao tatao-nono'i mangalauk matak leondiak-ka.

AMSAL 1:11

Metema lafa'da lae, “Ayo, mai fo ata teu sanga hataholi, fo ata tutu-fepan. Mai fo ata teu sapu-ta, hataholi sala taak-ka.

AMSAL 1:18

tehu hataholi mangalauk sila-la, lakahihi'ik seluk aoinan-nala – hihi'ik-ka nde, neukose tao namopo-namates-sala.

YESAYA 26:21

Neukose Manetualain kona neme mamana leleon-na, nai nusa so'dak-ka, fo Ana huku laun manai daebafak-ka, nanahu sila sala-singon-nala. Kanisak fo, ala taon no nafufunik-ka, neukose nanabubuluk. Dae-a ta poti ketu hataholi nanatao nisak-ka so'on.

YEREMIA 26:15

Tehu mafandendelek te, metema emi tao misa au soona,, emi ma kota ia laun-nala neukose lu'a-lepa sala singok neme hataholi sala taak ndia nakanisan-na mai. Nana, Manetualain nde nadenu au soaneu fe nasanene'dak ndia neu emi.”

IMAMAT 24:17

Ba'eneu see, fo ana taonisa hataholi fe'ek soona, muse hukunisan.

IMAMAT 24:21

Ba'eneu see, fo ana taonisa bana soona, muse ana nggatin, tehu ba'eneu see, fo ana taonisa hataholi soona, muse hukunisan.

MATEOS 19:18

“Paleta bee ka nde ndia?” Hataholi ndia natane Yesus nai leondia. Boema Yesus nataa nae, “Boso manisa, boso hohonge, boso mamanako, boso sakasii pepekok,

MARKUS 10:19

O bubuluk basa, Manetualain paleta nala nae, ‘Boso manisa, boso hohonge, boso mamanako, boso sakasii pepekok, boso ke'dindiu, fe ha'da-holomata neu o ina amam.’ ”

LUKAS 18:20

O malelak basa Manetualain paleta na nae: ‘Boso hohonge, boso manisa, boso mamanako, boso sakasii pepekok, ma fe ha'da-holomata neu o inam ma o amam.’ ”

HATAHOLI 16:28

Tehu Paulus nalo napane'e nae, “Boso do'doaom te ami basa-basa mala bei nde ia!”

HATAHOLI 28:4

Lelek fo pulu ndia lau nala lita menge doko-doko nai Paulus lima na boema, esa naa'da esa nae, “Hataholi ia tao leo bee o hataholi kanisak, de leomae naso'da neme soe tasi mai, tehu Nitu Lalais Inak fo Mana Maketu-Mala'di tunga ndo na, ana ta po'ilota kana naso'da fa.”

ROMA 13:9

Nana agama Yahudi, hoholo-lalanen nafa'da ae, boso hohonge, boso manisa, boso mamanako, boso dale he'di hataholi hata-heton; basa sila la lakabubua lo hoholo-lalanek fe'e kala, fo huu na ka'da hoholo-lalanek esa mesa kana, fo nde, “Sue-lai o nonoo hataholi ma sama leo o sue-lai o aoina ma.”

GALATIA 5:21

boema nape'da dale ka, mana mafuk, feta-dote, ma bei nggelok seluk bai. Hu ka nde basa dede'ak sila la de, besak ia au fe emi nasanene'dak sama na leo makahulu na boeo, au fe emi nasanene'dak ae, basa hataholi mana tao-no'i tatao-nono'i leondia ka, neukose ana ta da'di lima-eik nai Manetualain hataholi kamahehele nala dalek fa.

ULANGAN 5:17

Boso manisa.

1 TIMOTIUS 1:9

Ita muse tafandendelek te, ala ta tao hoholo-lalanek sila la, soaneu hataholi mana tunga hoholo-lalane kala fa, tehu soaneu hataholi mana la'olena hoholo-lalane kala, basa hataholi mana tao tatao-nono'i mangalau kala, hataholi fo ana ta lili neka neu Lamatua ka fa, hataholi masala-masingo kala, hataholi agama ta kala, hataholi mana tunga daebafa ka hihii-nanaun, hataholi mana taonisa inan do aman, ma basa hataholi kanisak lala'ena,

YAKOBIS 2:11

Nana ndia fo mana mafa'dak nae, “Boso hohonge,” ndia boeo nde nafa'da nae, “Boso manisa.” Da'di metema emi ta hohonge fa, tehu emi manisa soona, emi hataholi mana la'o lena hoholo-lalanek boe.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.