KELUARAN 20:12 - Susula Malalaok Hehelu Palak Ma Hehelu Beuk

¹² Fe ha'da-holomata neu emi amam ma emi inam, fo ela emi tetu-temak, ma teu manalu nai nusak fo Au fen neu emi-a.

KELUARAN 20:12 ပူးပေါင်းရင်းမြစ်များ

KEJADIAN 48:12

Basa boema Yusuf ko'o nalas leme Yakob ifan lain mai, boema ndia mesak-kana sene-do'ok neu aman matan-na.

KEJADIAN 50:12

Leondiak, Yakob anan-nala tao tunga hata fo Yakob elu neus.

1RAJA-RAJA 2:19

Boema Batsyeba neu leo manek-ka no nahiik kokolak dede'ak ndia soaneu Adonia. Manek-ka fo'a napadeik de ana sipok inan ma senek neun, boema nagatuuk seluk neu kandela manen lain. Basa boema nadenu hataholi sadia fe inan kandela neu boboa konan-na.

2RAJA-RAJA 2:12

Elisa nitan boema, naloo bou-bou nae, “Elia, fo au Amang-ngonei! Manamasulu-mahapa Israel, fo makadelek! Ama tak-kana so!.” Boema, Elia mopok-kana, de Elisa ta nitan so'on. No dale he'dik, Elisa sii ba'e ba'du manalun-na neu dua,

KELUARAN 21:15

See fepa-li'u aman do inan soona, muse hukunisan.

KELUARAN 21:17

See supa-soo aman do inan soona, muse hukunisan.

AMSAL 15:5

Hataholi nggoak-ka, nakadadaek aman nanoli-nafa'dan; tehu hataholi manatee-tenok-ka, taoafik neu kekena-kaka'ik.

AMSAL 17:6

Hataholi fo namalasi so, dale namatutuan-na nde been-na, nde upu-anan; ma ni'iana-la, dale namatutuan-na nde ina-aman.

AMSAL 20:20

Hataholi fo, ana soo-supa ina-aman-na, neukose mopo-mates, sama leo banuk-ka maten, nai fai makahatun-na.

AMSAL 28:24

Hataholi fo namanako neme ina-aman mai, ma naedaenga sala-singok ta ndia fa, sama leo nakodaa fe'ek-kala boe.

AMSAL 3:16

Manatee-tenok-ka, ana fe o teu naluk, su'i-betes ma ha'da-holomata.

AMSAL 30:11

Hapu hataholi nggelok soo-supa aman, ma ala ta fe ha'da-holomata neu inan fa.

AMSAL 30:17

Hataholi fo, ana hakinonoli ina-aman fo lamalasi so, nandaa tapan leo deak neu, fo manupui kaa, ana tutu matan-na, fo manupui kaka'ka, na'a popolan-na.

YEREMIA 35:18

Boema Au afa'da neu Rekhab hataholin-nala ae, Manetualain Fo Manakoasa, fo Israel Manetualain-na, nafa'da nae leo ia, “Emi mahele neu emi bei ba'ikai manamatem Yonadab; basa paletan-nala emi tungas mamakalala'ok-kasa.

YEREMIA 35:7

Ami ta bole foi-fala dae, ma ta bole maue-maosa do manuu osi angol fa. Nai ami fai maso'dam-ma, ami boeo ta bole tao uma fa. Ami muse leo ka'da nai lala temak dale, fo ela ami leo mahele nai nusak ia, da'di leo hataholi nusa dea.

YESKIAL 22:7

Nai o laum-ma dalek, ta hapu hataholi esa boen fo, ana fe ha'da-holomata neu ina-aman fa. O ke'di-ndiu hataholi nusa dea-la, ma o ho'i nanalak, nai faluina anamaak-kala fai susan-na dalek.

IMAMAT 19:3

Hataholi-a esa-esak, muse fe ha'da-holomata neu ina-aman, ma taoafik neu fai Sabat-ta, sama leo hata fo Au paletan. Au nde emi Manetualain.

IMAMAT 19:32

Bii-mamata'u ma fe ha'da-holomata neu hataholi lasik-kala. Ela leo been-na, emi fe ha'da-holomata, ma bii-mamata'u neu Au, nana Au nde Manetualain-na.

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’

MATEOS 19:19

fe ha'da-holomata neu o inam no amam; ma sue-lai o nonoo hataholi ma sama na leo o sue-lai o ao ina ma mesa kana.”

MARKUS 10:19

O bubuluk basa, Manetualain paleta nala nae, ‘Boso manisa, boso hohonge, boso mamanako, boso sakasii pepekok, boso ke'dindiu, fe ha'da-holomata neu o ina amam.’ ”

MARKUS 7:10

Musa fe basa paleta nde ia nae, ‘Fe ha'da-holomata neu inam no amam,’ boema ‘Ba'eneu see fo ana soo-supa ina aman soona, muse hukunisan.’

LUKAS 18:20

O malelak basa Manetualain paleta na nae: ‘Boso hohonge, boso manisa, boso mamanako, boso sakasii pepekok, ma fe ha'da-holomata neu o inam ma o amam.’ ”

EFESUS 5:21

Soaneu fe ha'da-holomata neu Kristus de, ela leo bee na, emi esa nakatele neu esa.

ULANGAN 11:8

“Tunga la'iesak hoholo-lalanek fo, faik ia au fen neu emi, soona emi bisa lena lee-a, fo masok leo nusak fo, ta dooanak so'on te, emi leo nai dalek ndia.

ULANGAN 11:9

Ma neukose, emi maso'da mala dook-ka, nai nusa kamasu'ik ma maoe-maisik fo, Manetualain helu basa, Ana fen leo emi bei-ba'i kaima-mala no tititi-nonosin-nala neu.

ULANGAN 21:18

“Metema, ni'iana touanak esa, nalanga batu de ana hii ka'da lena-la'ban, ma ana ta nau tunga ina-aman paletan-na fa, leomae ina-aman huku hain so.

ULANGAN 25:15

Pake tatais ma uuku-susu'di matetuk, fo ela emi maso'da maladook-ka, nai emi Manetualaim-ma fe emi nusak-ka.

ULANGAN 27:16

‘Nanasoo-supak ba'eneu hataholi fo, ana ta fe ha'da-holomata neu ina-aman fa, boema ana po'ilotak-kasa laleu-lalaak.’ Hataholi Israel-la, lataa lae, ‘Tete'ek-ka!’ ‘Amin!’

ULANGAN 32:47

Nana, nanolik sila-la, ta hala kokola louk fa, te emi so'dam-ma nde ndia. Tunga basa paleta sila-la, fo ela emi hapu teunaluk nai nusak fo, ta dook-ka so'on te, emi mangatuu-man nai Lee Yarden-na selik.”

ULANGAN 4:26

Ela leo been-na, nai faik ia, lalai-a no daebafak-ka da'di sakasii, lae metema emi ta nau tunga au fa soona, neukose no lai-laik, mopok emi neme dae fo emi leon nai Lee Yarden-na selik eli.

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”

ULANGAN 5:16

Fe ha'da-holomata neu emi amam ma emi inam, fo ela emi hapu tetu-temak ma teu manalun-nai emi Manetualaim-ma fe emi nusak-ka.

ULANGAN 5:33

Tao-no'i basa hata fo emi Manetualaim-ma paletan neu emi, fo ela emi so'dam-ma tetu-temak, fo emi hapu leo mahele nai nusak fo neukose emi leo nai dalek ndia.”

ULANGAN 6:2

Ela leo been-na, emi ma emi tititi-nonosim-mala, nai emi fai maso'dam-ma dalek, fe ha'da-holomata neu emi Manetualaim-ma, ma tunga basa au fe emi hoholo-lalanan-nala, fo ela emi hapu fai nalu-le'do loak nai nusak ndia.

KOLOSE 3:20

Ni'i ana la lemin! Emi da'di hataholi kamahehelek soona, emi manuu bela-ba'uk soaneu tunga ina amak paleta na tataas esa, nana hada-tataok leondia ka nde, nandaa no Manetualain dale na.

RUT SUSULAN-NA 3:6

Boema, Rut neu leo hataholi-la, mamana fepa gandum-ma neu. Nai ndia, ana tao tunga basa hata fo aliinan-na nadenun ana taon.

SEMUEL SUSULAK-KA ESAN-NA 22:3

Dauk la'o neme leak ndia mai, de neu leo Mizpa, fo nai Moab, boema nafa'da nusa Moab-pa manen-na nae, “Fe atam-ma ina-aman loak, fo ala leo loo Tuan, losa atam-ma bubuluk, Manetualain tao atam-ma le'e.”