KELUARAN 20:10 - Susula Malalaok Hehelu Palak Ma Hehelu Beuk

¹⁰ tehu fai ka hitun-na nde been-na fai hahaeaok, fo fai hehelik soaneu Manetualain. Nai faik ndia, hataholi esa boen, ta bole tao bela-ba'uk, nau emi do emi anam-mala, emi atam-mala, emi bana-manum do hataholi nusa dea fo manaleo nai emi nusam dale.

KELUARAN 20:10 ပူးပေါင်းရင်းမြစ်များ

NEHEMIA 10:31

Metema hapu leoina nusa dea fo nase'o gandum do su'di bua-lo'a beek ndia neu ami nai fai Sabat-ta, do fai malalao-malalafu fe'ek soona, neukose ami ta asa fa. Neu tunga-tunga teu ka hitun-na, neukose ami ta tao tina do neukose ami ta la'ok hutak fa.

KELUARAN 16:26

Faik nee dalen-na, emi muse hele nana'ak, tehu fai ka hitun-na nde been-na, fai hahaeaok, de ta hapu nana'ak kona mai, nai faik ndia dalen-na fa.”

KELUARAN 31:13

fo po'a-benga neu leoina Israel-la nae, “Makaboboi fai Sabat, faik fo Au aketu basan da'dileo fai hahaeaok. Faik ndia da'di nasanene'dak neu emi ma Au losa dodoon-na, fo ela emi bubuluk mae Au nde Manetualain, ma mae Au tao emi da'di Au leoinang so.

KELUARAN 34:21

Hapu faik nee soaneu naue-nale'di; boso maue-male'di nai faik-ka hitun-na, leomae nai fai sele-nggalik do fai ketu-koluk.

KELUARAN 35:2

Hapu faik nee soaneu naue-nale'di, tehu nai faik-kahitun-na nde been-na, faik soaneu hahaeaok, fai malole fo nanahele hehelik ba'eneu Manetualain. See naue-nale'di lae fai Sabat-ta soona, muse nanahukunisak.

YESKIAL 14:7

Ba'eneu hataholi Israel do hataholi nusa dea fo, manaleo manai leoina Israel-la tala'da, fo dook-ka leme Au mai, ma lase'o aoinan-nala neu sosongo-tatangok, boema loke nanoli-nafa'dak neme nabi esa mai soona, nemen-na fo Au nde fe natataan-na.

IMAMAT 23:3

Hapu faik 6 soaneu naue-nale'di, tehu fai ka hitun-na, fai Sabat, de fai hahaeaok, fo faik ndia nanahele hehelik ba'eneu Manetualain. Nai faik ndia, emi muse makabubua, fo sene-do'ok, ma ta bole maue-male'di fa.

LUKAS 23:56

Basa boema ala fali de ala sadia bunga-henasina ma mina kaboominik fo ala pisi neu Yesus popola na. Nai fai Saba ta ala hahae ue-le'dis, fo tao tunga agama hoholo-lalanen.