KELUARAN 2:23 - Susula Malalaok Hehelu Palak Ma Hehelu Beuk

²³ Teuk lamalala boema, mate manek Masir-ra. Tehu leoina Israel-la bei hoo-nggu'u, nanahu ala taos da'di ata, nalosa ala nggasi loke tutulu-fafalik. Sila hoo-nggu'un losa Manetualain.

KELUARAN 2:23 ပူးပေါင်းရင်းမြစ်များ

KEJADIAN 16:11

Ta dook-ka so'on, te neukose o bongi anatouk; de foin na'de Ismael, nanahu Manetualain namanene o kikiim-ma so.

KEJADIAN 4:10

Boema, Manetualain nae, “Tao le'e de, o tao tatao-nono'ik fo maneni bibii-namata'uk ndia? O fa'dim-ma, daan-na naloo bou-bou neu Au, neme dae lain mai, sama leo halak esa noke balas.

NEHEMIA 9:9

O mita ami bei-ba'i kaim doi-doson nai fai maneuk-ka; O mamanene kii-makaleleun nai Masir ma nai Tasi Teberau.

AYUB 35:9

Hataholi nanatuni-ndenik-ka, neukose nakadii-nakau; ala nggasi, loke tutulu-fafalik.

MAZMUR 102:1

Hataholi manadoi-dosok-ka, huhule-haladoin nai sosota-mamanguk-ka dalek, ana dokodoe neu Manetualain.

MAZMUR 102:2

Ou Manetualain, mamanene au huhule-haladoing, nemen-na fo, au dokodoeng-nga losa O matam.

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 18:6

Susa soe mamates-sa, okofefeon-na au so, hihi'i mamates-sala, nanalonak nai au matang-nga.

KELUARAN 1:14

ma ala tao-la maso'dan-nala doi-doso. No dale susue-lalai taak, lakasetis fo ala tao bela-ba'u mabelaina-la nai mamana ue-le'dis, ma nai tina-la dalek.

KELUARAN 4:19

Lelek Musa bei nai dae Midian-na, te Manetualain nafa'dan nae, “Fali leo Masir muu leona. Te mate la'iesak hataholi, fo ala nau taolisa o-a so.”

KELUARAN 6:5

Da'di, po'a-benga neu leoina Israel-la, mae Au afa'das ae, Au nde Manetualain; neukose Au soi-po'i emi neme leoina Masir-ra tuni-ndenin mai. Neukose Au atu'du Au koasa matuainang-nga, soaneu soi-tefa emi, ma Au aketu huhuku-dodoki mabelaina neu leoina Masir-ra.

KELUARAN 6:9

Basa boema, Manetualain nafa'da Musa nae,

KELUARAN 7:7

Nai lelek Musa no Harun leu leo manek-ka leu ndia, Musa teun faluhulu, ma Harun teun faluhulu telu.

YESAYA 19:20

Mei tutunu-hohotuk ma dii batu ndia, nalupa dulak neme Manetualain Fo Manakoasa, mamain-na nai Masir. Metema leoina ndia nanatuni-ndenik, fo naloo bou-bou noke tutulu-fafalik neu Manetualain soona, neukose nadenu hataholi esa neu fo ana tulu-falis.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

BILANGAN 20:16

de ami maloo bou-bou neu Manetualain fo moke tutulu-fafalik. Boema namanene ami dokodoem-ma, de Ana nadenu ata nusa so'dak esa mai. Ata nusa so'dak ndia, nauli-nalanga ami kalua meme dae Masir-ra mai. Besak ia, ami nai Kades, fo kota esa nai dae too no Tuan nusan-na.

HATAHOLI 7:30

Basa teuk hahulu boema, ata nusa so'dak esa natu'du ao na neu Musa neme mo malo a, fo deka no Lete Sinai. Ata nusa so'dak ndia ana mai nai ha'i mana pilak dale, fo ana kalua neme telaanak dale mai.

ULANGAN 24:15

Tunga faik, fo le'do beita temak fa te, emi muse bae ngga'din faik ndia dalen-na; ana namahena doik ndia, nanahu ana paluun. Metema, emi ta bae ngga'din-na fa soona, neukose ana naloo bou-bou neu Manetualain fo, noke tutulu-fafalik soaneu emi, fo emi da'di hataholi masala-masingok.

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.

HAKIM-HAKIM 4:3

Yabin nanuu kaleta musu besi natun sio. Ana paleta hataholi Israel-la no balakaik, teuk duahulu dalen-na. Basa boema, laloo bou-bou loke tutulu-fafalik neu Manetualain.

SEMUEL SUSULAK-KA ESAN-NA 12:8

Lelek Yakob no teidalen-nala mai lo Masir mai, ma hataholi Masir-ra tuni-ndenis-sala, emi bei-ba'i kaim-mala dokodoe tutulu-fafalik neu Manetualain, boema Manetualain nadenu Musa no Harun. Hataholi ka duak sila-la loo emi bei-ba'i kaim-mala kalua leme Masir mai, de ala tulu-falis fo ala leo lahele nai nusak ia.

SEMUEL SUSULAK-KA ESAN-NA 9:16

“Balahaa fafaik, fafa'kama li'u ba'u ia, neukose Au adenu hataholi esa neme leo Benyamin-na mai, neu natongo no o. So'u hataholi ndia, nenik lose mina neun, fo ana da'di manek neu Au anang Israel. Neukose ana soi-tefa-na Au anang-ngala leme hataholi Filistin-nala mai. Au ita basa Au anang-ngala doi-doson ma kikii-makaleleun loke tutulu-fafalik so.”