KELUARAN 2:11 - Susula Malalaok Hehelu Palak Ma Hehelu Beuk

¹¹ Lelek Musa da'di touinak so boema, neu leo hataholi fo ndia leoinan-na. Ana mete nita, lakasetis tao leo beek, fo ala tao bela-ba'uk mabelaina-la. Boeo nita hataholi Masir esa, taonisa hataholi Israel esa.

KELUARAN 2:11 ပူးပေါင်းရင်းမြစ်များ

KELUARAN 1:11

Boema hataholi Masir-rala so'u manamanea, fo lanea leoina Israel-la, fo tao susa so'dan-nala nenik bela-ba'u mabelaina-la. Lakasetis, fo lafofo'a fe manek Masir-ra kota Pitom ma Raamses, fo da'di mamana pepe'da bua-lo'as.

KELUARAN 3:7

Boema, Manetualain, nafa'da nae, “Au ita basa Au anang manai Masir-rala doi-doson, ma Au amanene basa, ala nggasi loke soi-po'is leme hataholi fo manatuni-ndenis-sala. Te'e-te'e, Au bubuluk sila doi-doson lala'en-na.

KELUARAN 5:14

Basa manamanea sila-la, ala fepa mandol Israel fo manamanea ue-le'dis ndia. Latane mandol Israel-lala lae, “Tao le'e de, besak ia emi leoinam-ma, ta tao-la sila batu batan-nala, dede'un-na sama-na leo makahulun-na fa?”

KELUARAN 5:4

Boema, manek-ka nafa'da Musa no Harun nae, “Emi mapalani manseli, taom-ma hataholi sila-la hahae ue-le'din-nala? Madenu ata sila-la, fo laue-lale'di lakandoo!

KELUARAN 5:5

Hataholi sila-la dede'un-na makadotok nanseli so. Besak ia emi nau, fo ela ala hahae ue-le'dis-sa!”

KELUARAN 5:9

Makasetis nenik ue-le'di mabelaina seluk, fo ela lasapute ue-le'dis-sa, fo ala ta hapu loak, soaneu lamanene tutui pepekok sila fa.”

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

YESAYA 58:6

Au ahiik okaaok-ka, nde ia: Se'iheni, lange tuni-ndenik-ka, ma lulu'a-lelepa ta ndoos ma matetuk-ka, ma soi-po'i hataholi fo nanatuni-ndenik-kala.

MATEOS 11:28

Mai leo Au mai leona, emi fo mana sota-mangu kala, ma mana lu'a-lepa mabela la lemin; neukose Au fe emi namahoko-sete leek.

LUKAS 4:18

“Lamatua ka Dula Dale na nai Au dalek, nana Ana so'u basa Au, soaneu tui-benga Hala Malole neu hataholi nuu ta-hata ta ka. Nadenu Au soaneu po'a-benga soi-po'i ka neu hataholi nanahuku kala ma nakahahai ka ba'eneu hataholi poke kala; soaneu soi-po'i hataholi nanatuni-ndeni kala