KELUARAN 19:8 - Susula Malalaok Hehelu Palak Ma Hehelu Beuk

^8-9 Basa-basas lataa landaa lae, “Ami nau tao basa hata lala'en fo Manetualain nafa'dan,” de Musa nanduku-nalosak hala natataak ndia neu Manetualain. Boema Manetualain nafa'da Musa nae, “Neukose Au mai leo o mai, nai ko'as makate dale; neukose hataholi-la lamanene Au kokolak o o, de mulai hatematak ndia, neukose lamahele o tataas esa.

KELUARAN 19:8 ပူးပေါင်းရင်းမြစ်များ

NEHEMIA 10:29

Ami basa-basam-mala makabubua moo basa ami mauli-malangam-mala, ma ami soo-supa soaneu maso'da tunga Manetualain hoholo-lalanen fo Ana fe basan tunga atan Musa. Sa'di leo been-na Manetualain supa-soo ami, metema ami ta tao matetu hehelu-balataak ia fa. Ami soo-supa, neukose ami tunga basa Manetualain fo ami Manetualaim-ma paletan, hoholo-lalanen ma nakaneneten lala'en-na.

KELUARAN 20:19

Lafa'da Musa lae, “Nemen-na, fo o nde kokolak moo ami, te neukose ami mamanene; tehu Manetualain boso kokolak no ami te neukose mate ami.”

KELUARAN 24:3

Boema Musa neu de ana po'a-benga basa Manetualain paletan ma nakaneneten-nala neu leoina ndia. Sila basa-basas lataa landaa lae, “Ami nau tao basa hata fo Manetualain nafa'dan.”

KELUARAN 24:7

Basa boema, ana ho'i-na susula hehelu-balataak fo Manetualain paletan-nala nanasulak nai dalek-ka, de ana lees napane'en neu leoina ndia. Lafa'da lae, “Ami nau tunga Manetualain ma tao basa paletan lala'en-na.”

KELUARAN 4:31

Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.

YOSUA 24:21

Boema hataholi Israel sila-la lataa lae, “Ta! Neukose ami ta makaluku-makatele neu lamatua daebafak fe'ek-kala fa. Neukose, ami mamahele ka'da neu Manetualain!”

YOSUA 24:24

Boema, hataholi sila-lafa'da Yosua lae, “Neukose ami makaluku-makatele ka'da neu Manetualain, fo ita Manetualain-na. Neukose, ami tunga paletan-nala.”