KELUARAN 19:4 - Susula Malalaok Hehelu Palak Ma Hehelu Beuk

⁴ nae, “Emi mita basa hata fo Au tao-no'in neu hataholi Masir-ra, ma tao leo beek de Au oo emi leo Au mai, nai mamanak ia no koasa matuaina, sama leo manupui kaka'ka no anan-na nai li'dan lain.

KELUARAN 19:4 ပူးပေါင်းရင်းမြစ်များ

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

HOSEA 11:1

Manetualain nafa'da nae, “Au sue-lai Israel neme lelek bei anan-na mai, Au aloo Au anang sila-la, kalua leme Masir mai.

HAGAI 2:5

Lelek emi kalua meme Masir mai-a, Au aheluk basa ae neukose, Au asulu-ahapa ahele emi. Ma besak ia boeo, Au bei asulu-ahapa emi. Da'di ta palu emi bii-mamata'u fa.

MALEAKHI 2:10

Ade, ita basa-basa-tala, ta tanuu ka'da Amak esa fa do? Ade, ita ta nananakadada'dik neme Manetualain fo sama fa do? Metema leondiak, soona tao le'e de, ita esa bei nalelesi hehelu-balataak no esa, de no enok ndia, ade ita ta talelesi hehelu-balataak fo Manetualain taon no ita bei-ba'i kain-nala fa do?

ULANGAN 1:30

Emi Manetualaim-ma, neukose nauli-nalanga emi, fo natee-nata'ti soaneu emi, sama leo emi mita matam neme Masir so,

ULANGAN 1:31

ma neme moo solokaek-ka. Emi mita, tao leo beek de, emi Manetualaim-ma no emi no so'dak, ma Ana ko'o emi sama leo amak esa ko'o anan-na, su'di enok ndia nanalun-na, losa mamanak ia.

ULANGAN 29:1

Dede'a-kokolak hehelu-balataak ia-la nde, no Manetualain paletan-na de, Musa taon no leoina Israel-la, nai lelek bei leme dae Moab-pa. Hehelu-balataak sila-la, nalupa tatamak neme hehelu-balataak fo Manetualain taon no leoina Israel-la, neme Letek Sinai-a.

ULANGAN 29:2

Musa nadenu basa hataholi Israel-la fo, ala lakabubua, boema nafa'das nae, “Emi mita matam, hata fo Manetualain taon soaneu mane Masir-ra, no basa manapaletan manai nusak ndia lala'en-na so.

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

YOSUA 23:3

Emi mita basa emi Manetualaim-ma, tao basa hata lala'en-na soaneu basa leoina manai ia-la, hu ka nde emi. Fo manamatatik soaneu emi nde been-na, Manetualain, fo emi Manetualaim-ma, mesak-kana.

NINITAK 12:14

Tehu ala fe inak ndia manupui kaka'ka li'da matuainan dua, fo ela ana laa leo mamana na nai mo maloa. Mamanak fo nai bee lakaboboin teuk telu seselik, fo daenga naga ndia boso boe tao nahe'di bain.