KELUARAN 19:24 - Susula Malalaok Hehelu Palak Ma Hehelu Beuk

²⁴ Manetualain nataa nae, “Kona leona, fo basa soona, fali ma'im-ma leo ia mai, sama-sama moo Harun. Tehu imam-imam-mala, ma laun-na ta bole lena dae too-a, fo ala mai leo Au mai fa. Metema, ala lenan soona, neukose Au hukus.”

KELUARAN 19:24 ပူးပေါင်းရင်းမြစ်များ

1 TAWARIKH 13:9

Lelek ala losa Kidon mamana fefepa gandum ma boema, sapi-sapi manahela kaleta ndia lakatunu, boema Uza look liman-na neu fo ana ho'u nahele Peti Hehelu-balataak ndia, fo ela boso tu'dahenin.

KELUARAN 19:12

Tao ta'du okofefeok letek ia, da'di leo too-lane, fo leoina ndia, ta bole lena fan. Ka'i leoina ndia, fo ala boso kae leo letek lain mai, lena-lenak ala boso deka letek ndia. Ba'eneu see, fo ana lena dae too-a soona, neukose nanahuku nisak;

KELUARAN 19:25

Boema Musa kona, de neu natongo no leoina ndia, de nanduku-nalosak Manetualain hala hehelun-na neus.

KELUARAN 24:1

Basa boema, Manetualain nafa'da Musa nae, “Kae leo lain mai fo mataa Au, sama-sama moo Harun, Nadab ma Abihu, ma leoina mauli-malanagan ka hituhulun-nala, fo sene-do'ok neu Au, tehu boso deka Au.

KELUARAN 24:9

Basa boema, Musa, Harun, Nadab, Abihu ma mauli-malangan ka hituhuluk sila-la kae leo letek lain leu,

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

MATEOS 11:12

Mulai neme Yohanis tui-benga tutui-bebengan losa besak ia, boema Manetualain hataholi kamahehele nala nanalena la'bak neme hataholi mana sanga enok ninik be'i-balakai kala mai.

LUKAS 13:24

“Sanga enok leona fo masok tunga lelesu makabi'a ka, Nana hataholi ba'u ka te'e-te'e ala sanga enok masok, tehu ala ta bisa fa.

LUKAS 16:16

Hoholo-lalanek fo Musa fe ka ma nabi la nanoli nala nanapakek nahelek losa Yohanis Mana Salani ka tepo lele na. Neme lelek ndia, Hala Malole la'eneu tao leo beek fo Manetualain paleta da'dileo Mane ka, nanatui-bengak nakandoo. Boema hataholi a da'di Manetualain hataholi kamahehelen no nakasetik.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

ROMA 4:15

Agama Yahudi a hoholo-lalanen nini Manetualain huhuku-dodokin. Tehu metema hoholo-lalanek ta soona, la'olena ko ta boe.

GALATIA 3:19

Metema leondiak soona, sosoak hata de, agama hoholo-lalanen nanafek mai? Natataa na nae, hoholo-lalanek ndia nanatamak, soaneu nafa'da hataholi daebafa ka la'olena na. Agama hoholo-lalanen ndia, nanapakek losa ka'da Abraham tititi-nonosin esa ana mai, fo nanaseseik nai Manetualain hala hehelun no Abraham ma, dalek. Agama hoholo-lalanen ndia, ata nusa so'da kala nde landuku-lalosa kana, fo hataholi esa da'di mana makalala'ok.

GALATIA 3:22

Tehu nai Susula Malalaok dale nanasulak nae, basa hataholi daebafa ka lala'ena, lai sala-singo ka koasa na dae. Hu ndia de, fe feek fo nanaheluk tunga namahehelek neu Yesus Kristu sa, nanafek neu hataholi fo namahele a.

IBRANI 12:29

Nana ita Manetualain ndia, sama leo ha'i fo manahotu naputu ka.

IBRANI 4:16

Hu ndia de mai leona, fo no tene henuk, ata teu tataa Manetualain, fo Ana paleta no dale malole ndia. Neukose Manetualain sue-lai ita, ma Ana ba'e-pala ita, fo ela ita hapu tutulu-fafalik nandaa neu fai na.