KELUARAN 19:18 - Susula Malalaok Hehelu Palak Ma Hehelu Beuk

¹⁸ Ha'imasuk-ka potin-na la'iesak letek ndia, nanahu Manetualain kona nai letek lain, nai ha'i dale. Ha'imasuk ndia masu-masu, sama leo ha'imasuk-ka namasu neme la'o dale mai, de letek ndia nanggengo matuaina nanseli.

KELUARAN 19:18 ပူးပေါင်းရင်းမြစ်များ

KEJADIAN 11:5

Boema, Manetualain kona mai, fo Ana mete kota, ma uma puni madema fo, hataholi daebafak-ka tao-nak ndia.

KEJADIAN 15:17

Lelek le'odae boema, no kaiboik la'o esa masu-masu, ana to'da mai no obol manapilak, boema ala la'ok tunga paa bibiak sila-la tala'da.

KEJADIAN 19:28

Ana mete leo Sodom ma Gomora neu, ma leo basa bafak ndia lala'en-na neu, de nita ha'imasuk-ka masu-masu, neme kota ndia mai, sama leo ha'imasuk-ka neme la'o matuaina dale mai.

NEHEMIA 9:13

O kona meme lalai mai, leo Lete Sinai lain, boema O kokolak moo O ana mesam-ma. O fes hoholo-lalanek, nakanenetek ma paleta fo ndoos ma matetuk ma masosoa-ndandaak.

MAZMUR 104:32

Ana mete daebafak-ka, de Ana tao-nan dele, ana koila'e letek-kala, nalosa masun-nala kalua.

MAZMUR 114:4

Letek-kala lakaboboku, sama leo bi'ihiik-ka, pupukuk-kala lakabibiti sama leo bi'ilopo ana.

MAZMUR 114:7

Hai daebafak, dele ngge'be-ngge'be nai Manetualain matan, ma nai Yakob Manetualain matan,

MAZMUR 144:5

Ou Manetualain, soiheni O lalaim-ma, fo kona leona, fo koila'e letek-kala, fo ela lamasu.

MAZMUR 18:9

Ha'imasuk-ka, namasu poka-poka neme pana bolon-na mai, ha'i-a pila nasalolo'de neme bafan na mai, ha'ikaak manapilak-kala kalua neme aon-na mai.

MAZMUR 68:9

daebafak-ka dele, nakalenak u'dan-na mai nai O matam-ma, nanahu Manetualain Sinai, fo Israel Manetualain mamain-na.

MAZMUR 77:18

Ko'as-sa fe u'dan, ma mangguluk-ka nanggunggulu; Ndelas-sa tuti nato leo basa mamanak lala'ena.

MAZMUR 77:19

Mangguluk-ka nanggunggulu, ndelas-sa pila beelo'a, daebafak-ka nanggengo ma ana dele.

KELUARAN 19:13

muse pia hataholi ndia nenik batu, do koun, ma ta bole koila'e fan. Paleta ia la'e, nau soaneu hataholi do soaneu bana-manu boe; basa hata lala'en fo manalena dae too ndia, muse nanahuku nisak. Nai lelek pupuuk-ka nalii naladook-ka soona, hataholi sila-la muse nda'e letek-ka.”

KELUARAN 19:17

Musa noos kalua, fo leu latongo loo Manetualain, boema lapadeik lai letek ndia huun-na.

KELUARAN 20:18

Lelek hataholi Israel-la lamanene mangguluk-ka, ma pupuuk-ka liin-na, boema lita ndelas-sa ma letek-ka namasu boema, ala dele beengge'be, ma ala bii-lamata'u ma lapadeik lai dook-ka.

KELUARAN 3:2

Nai ndia, Manetualain ata nusa so'dan esa, natu'du aoinan-na neun, nai ha'i manapilak-ka dalek, fo ha'i manapilak ndia, ana kalua neme makatemak-ka tala'da mai. Musa nita makatemak-ka pila, tehu ha'i-a, ta na'a makatemak ndia fa.

KELUARAN 34:2

Balahaa fafaik soona, maheheleaom soaneu kae Letek Sinai fo muu mataa Au nai letek ndia poin-na.

YESAYA 6:4

Halan-nala taon-na Manetualain Uman-na laten-na dele, ma Manetualain Uman ndia mesak-kana, henuk no ha'imasuk-ka.

YESAYA 64:1

Ou Manetualain, siba'e lalai, fo kona mai leona, taom-ma letek-kala langgengo, nai O matam,

YEREMIA 4:24

Au ita letek ma pupuku mademaina-la langgengo matuainan-nanseli

HABAKUK 3:6

Metema O hahae soona, daebafak-ka dele. Metema O mete soona, leoina-la lakalupu-lakasee. Lete matea-mahelek-kala hea ba'es, pupukuk fo namadema neme doon losa doon-na boeo, ala kaba'o, nai pupukuk sila-la lain nde O la'ok neme tepo-lelek makahulun eli mai.

ZAKHARIA 14:5

Neukose, emi malai tunga bafak fo manaba'e letek ndia neu 2. Neukose emi malai sama leo emi bei-ba'i kaim-mala, nai lelek dae manggengok-ka, ana da'di nai tepo-lelek, Uzia fo mane Yehuda paleta. Boema, Manetualain fo Manetualaing-nga, Ana mai, no basa ata nusa so'dan-nala tungan.

MATEOS 24:7

Neukose leoina esa natati no leoina esa, ma dedeo esa natati no dedeo esa, neukose la'a-ndoe sa nai basa mamanak lala'ena, ma dae manggengo ka ana da'di.

ULANGAN 33:2

“Manetualain Ana mai neme Letek Sinai mai; Ana tii nai Edom lain, sama leo le'do-a, ma neme Letek Paran-na mai, de nasalaa-na anan-nala. Ata nusa so'dak, lifun sanahulu, ala mai sama-sama loon; ma ha'i pila nai boboa konan-na.

ULANGAN 4:36

Ana fe emi mamanene halan-na neme lalai mai, soaneu nanoli emi; Natu'du basa ha'i matuainan-na neu emi nai daebafak ia so, de ana kokolak no emi neme ha'i ndia dalek mai.

ULANGAN 5:22

Nai lelek emi makabuba meme letek lain-na, Manetualain fe emi paleta-la nde sila. Nai lelek Ana kokolak no hala-na nanggunggulu neme ha'i dale, ma koas makate dale mai-a, Ana fe paleta-la nde ndia, te ta paleta fe'ek fa. Boema, Ana sulak-kana neu batu lei dua lain, de Ana fen leo au mai.”

ULANGAN 5:4

Manetualain nau kokolak no ita, matak no matak neme ha'i dale, nai letek ndia lain.

2 TESALONIKA 1:7

Boema ba'eneu emi fo mana doidosok besak ia la ma ami boe neukose Manetualain tao namalola ita basa tala dale nala, nai faik fo Lamatuak Yesus no ata nusa so'dan mana koasa nala, leme nusa so'da ka mai, fo latu'du ao nala,

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

IBRANI 12:18

Tolano-tolanoo kala ta masasale matak mo hata esa, sama leo leoina Israe la makahulu na lasasale matak lo nana. Ala lasasale matak lo hata esa, fo bisa nafaloen, fo nde Lete Sinai no ha'i mana pila lo'a-lo'a na; ala lasasale matak lo makahatu ka, makahatu nggeoina ma ani sangu a;

IBRANI 12:26

Nai lelek ndia, hala na tao nanggengek daebafa ka. Tehu besak ia Ana helu nae, “La'iesa seluk soona, neukose Au tao anggenge kana, ta ka'da daebafa ka mesa kana fa, tehu lalai a boe.”

2 PETRUS 3:10

Tehu Lamatua ka Fai mamai na, neukose ana losa, sama leo nako ka. Nai faik ndia te, neukose lalai a mopo kana, no manggulu matua ina, ana da'di nai lalai, ma basa hata manai lalai a, neukose putu la'i esa kasa, boema daebafa ka no basa oe isin lala'e na, neukose mopo la'i esa kasa.

NINITAK 15:8

Boema Manetualain Uman ndia henuk no ha'imasuk maneme Manetualain matua-mademan ma koasa na mai. Ata nusa so'da kahituk fo manini susa-soe kahituk sila la beita nate'e fa soona, ta hapu hataholi esa boen hapu masok leo Manetualain Uman dale neu.

NINITAK 9:2

Boema nduuk ndia soiheni faka mamates ndia lelesu na de ha'imasu ka kalua neme dalek mai a sama leo ha'imasu ka neme la'o matuaina dale mai. Le'do ma lalai maloa ala da'di makahatuk, hu ka nde ha'imasuk maneme fakak ndia dalek mai.

HAKIM-HAKIM 5:5

Letek-kala langgengo nai manakoasa Sinai matan, nai Manetualain, fo Israel Manetualain-na matan.