KELUARAN 19:16 - Susula Malalaok Hehelu Palak Ma Hehelu Beuk

¹⁶ Nai fai ka telun-na fafaik boema, mangguluk-ka no ta'tas-sa da'di. Ko'a makateina ana da'di nai letek lain, ma lamanene pupuuk-ka liin-na, tanen-na seli. Basa hataholi manai ofu dale-la ala bii, de ala dele beengge'be.

KELUARAN 19:16 ပူးပေါင်းရင်းမြစ်များ

2 SEMUEL 22:10

Ana ta'tiba'e lalai-a, boema Ana kona mai, no ko'as makahatuk-ka, nai ein-na dae.

AYUB 38:25

See kande, kali oelolok ba'eneu u'dan matuaina, ma ana fe mangguluk-ka no ndelas-sa enok?

MAZMUR 50:3

Ita Manetualain-na, Ana mai te Ana ta pe'dak lima-ein fa, Ha'i manapila masalolo'dek-ka, ana mai nakahuluk-kana, ma ani-sangu matuaina, okofefeo-nan.

MAZMUR 77:18

Ko'as-sa fe u'dan, ma mangguluk-ka nanggunggulu; Ndelas-sa tuti nato leo basa mamanak lala'ena.

MAZMUR 81:8

Nai emi fai susam-ma dalek, emi maloo bou-bou, de Au soi-tefa-ala emi Au ataa emi neme mangguluk, fo mamanak Au ke'ke. Au so'ba su'dik emi neme oemata Meriba.

MAZMUR 97:4

Mandelan-na, nangale'do-na daebafak-ka, daebafak-ka nitan, de ana dele ngge'be-ngge'be.

KELUARAN 19:11

Binesak te, sila muse laheheleaon basa so. Nai faik ndia, neukose Au kona leo Letek Sinai lain u, nai mamanak fo nai bee, basa hataholi-la bisa lita Au.

KELUARAN 19:17

Musa noos kalua, fo leu latongo loo Manetualain, boema lapadeik lai letek ndia huun-na.

KELUARAN 20:18

Lelek hataholi Israel-la lamanene mangguluk-ka, ma pupuuk-ka liin-na, boema lita ndelas-sa ma letek-ka namasu boema, ala dele beengge'be, ma ala bii-lamata'u ma lapadeik lai dook-ka.

KELUARAN 20:21

Tehu hataholi sila-la, lapadeik lahele lai dook-ka, de ka'da Musa neu deka no ko'a makahatuk-ka, nai mamanak fo Manetualain nai ndia.

KELUARAN 40:34

Basa boema, ko'as-sa kona mai, de ana potiketu Manetualain Lalaa Teman-na, de Lalaa Temak ndia henuk no Manetualain ndela-sa'an.

KELUARAN 9:23

Boema Musa so'uk aitete'en-na leo lain neu, de Manetualain nakona mangguluk-ka, ma u'da eis-sa, ma ta'tas-sa teen-na daebafak. Manetualain fe

YEREMIA 5:22

Au nde Manetualain-na; te tao le'e de, emi ta bii-mamata'u neu Au fa? Tunga ndoon-na, emi muse dele ngge'be-ngge'be neu Au! Au nde tao tasi su'un-na, da'di tasi too-lanen, fo ta hapu la'o lena fan, losa dodoon-na. Tasi fo'a, fo lii-la napoponu, tehu ana ta hapu lena dae too ndia fa.

NAHUM 1:3

Memak Manetualain ta haelai namanasa fa; tehu koasa-na, ba'un-na seli boe nalosa ba'eneu see fo ana tao salak soona Ana ta po'in neme huhukuk-ka mai fa. Manetualain la'ok nai bee soona, ani-sangu da'di nai ndia; Ana heta ein-na nai mamanak bee soona, daesopuk-ka da'di ko'as nai ndia.

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

ULANGAN 5:5

Tehu, hu kande emi bii ha'i, ma emi ta mapalani kae leo letek ndia lain meu fa, de nai lelek ndia, au apadeik nai emi ma Manetualain tala'da, fo au anduku-alosak Manetualain hala-kokolan ndia neu emi. Manetualain po'a-benga nae,

IBRANI 12:21

Hata fo hataholi Israe lala litak ndia mangalau nanseli, losa Musa nae, “Au bii-amata'u ma au dele ngge'be-ngge'be!”

NINITAK 1:10

Nai Lamatua ka fai na, Manetualain Dula Dale na koasa na au, boema au amanene halak matuaina kokolak nai au dea nga sama leo pupuu ka lii na.

NINITAK 11:19

Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.

NINITAK 4:1

Basa ndia boema, au ita seluk ninitak esa. Au ita lelesu esa natahuka nai nusa so'da ka. Basa boema au amanene seluk halak fo nai makasoso na ana kokolak basa no au sama leo pupuu ka lii na. Halak ndia nae, “Mai, kae leoia mai. Neukose Au atu'du o hata fo mahani te neukose ana da'di.”

NINITAK 4:5

Ndela sa nandela neme kandela manek ndia mai, ma ta'tas a nata'ta nakadedelek. Ma nai kandela manek ndia mata na, hapu obor manapilak hitu; fondia nde Manetualain Dula Dale kahitu nala.

NINITAK 8:5

Basa boema, ata nusa so'dak ndia ho'i na mango tutunu boominik ndia de, ana ho'i ha'i manai mei tutunu-hohotuk ndia lai na de, ana taon leo dalek neu, boema ana tapan leo daebafa ka neu. Tutika ta'ta sa boeo nata'ta lain, ma ndela sa tuti-nato, boema dae manggengo ka da'di.