KELUARAN 18:21 - Susula Malalaok Hehelu Palak Ma Hehelu Beuk

²¹ Tehu fe'ek neme ndia mai, o muse hele-ma touk manatee-tenok de'ubee, fo fes da'di malangan neu hataholi lifun esa, natun esa, limahulu, ma sanahulu. Hataholi sila-la, muse hataholi fo ala bii Manetualain, ma ala tunga Manetualain, hapu nananamahelek, ma ala ta nau sipo doi sosolo dalek fa.

KELUARAN 18:21 ပူးပေါင်းရင်းမြစ်များ

KEJADIAN 22:12

Manetualain kokolak tunga ata nusa so'dak ndia nae, “Boso tao mahe'di ni'iana ndia, do taon le'e esa boen. Besak ia, Au bubuluk, o fe ha'da-holomata, ma o tunga Au, nanahu, o nau fe o ana kisam-ma neu Au.”

KEJADIAN 42:18

Neu faik ka telun-na boema, Yusuf nafa'das nae, “Au hataholi fo bii ma tunga neu Manetualain. Neukose au po'i emi no nonokek esa.

KEJADIAN 47:6

Dae Masir ia, nanasoik soaneu o. Nemen-na fo ala leo lahele leme nusa Gosyen-na, nusak fo malolen-na seli nai nusak ia. Ma metema o bubuluk nai sila dalek, hapu hataholi manamaue-male'di malelak soona, fes da'di au manamanea bana-manung.”

2 SEMUEL 18:1

Mane Dauk-ka naloo nakabubua basa solda'dun-nala lala'en-na, boema ana ba'es neu bubua-bubuak-kala, fo bubuak nggelok solda'du lifun esa, ma nggelok natun esa. Basa boema, ana so'u malanga solda'du matuaina, fo lauli-lalanga solda'du bubuak sila-la.

2 SEMUEL 23:3

Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu Manetualain,

1RAJA-RAJA 18:12

Metema au la'o eme ia mai soona, neukose Manetualain Dula dalen-na fafa'kama no Ama leo mamanak fo au ta bubuluk-kana fa! Ma metema au afa'da Ahab-pae Ama nai ia, fo ta natongon-no Ama fa soona, taoleo bee o neukose ana taonisa au. Fo ela Ama bubuluk, te au ia te'e-te'e hule-haladoi neu Manetualain neme au bei anang-nga mai!

1RAJA-RAJA 18:3

Hu ndia de Ahab naloo Obaja fo mai nataa. (Obaja nde been-na uma manek-ka malanga uma loon-na. Hataholi ia nde been-na hataholi esa, te'e-te'e ana hule-haladoi neu Manetualain.

EZRA 7:25

Tolanook Ezra, pake manatee-tenok fo, Manetualain fe basan neu Tolanook-ka so, fo so'u mauli-malangan, ma manakee-manafula-la, fo ala paleta basa hataholi manai propensi Efrat Muli, fo laso'da tunga Tolanook-ka Manetualain-na, Hoholo-lalanen. Ela leo ben-na, Tolanook-ka manoli Hoholo-lalanek ndia, neu basa hataholi fo, ala beita bubuluk-kana fa.

NEHEMIA 5:9

Boema au afa'da seluk-kasa ae, “Emi tatao-nono'im ndia, ta malole fa! Emi muse maso'da no mame'da bibii-namata'uk neu Manetualain. No enok ndia, ita musun fo lamatua tak sila, emi ta fes loak soaneu lakamumulu-lakamamaek ita fa.

NEHEMIA 7:2

Au fe au tolanoong Hanani paleta kota Yerusalem ma, ma au fe Hananya da'di malanga solda'du manai lain soaneu kota musu-a, nanahu ndia lena neme hataholi fe'ek-kala mai, ana bii-namata'u neu Manetualain ma hapu nananamahelek.

AYUB 1:1

Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

AYUB 29:16

Au da'di amak, ba'eneu hataholi nuu-taa hata-taak-ka; au da'di manamasala'e, ba'eneu hataholi manamai-a.

AYUB 31:13

Lelek au atang-nga haladoi, hu kande au tao sala ndia hak-ka, de au amanenen, ma au taon no dale ndoos.

MAZMUR 15:1

Dauk kokoa-kikiok. Manetualain, see kande bole leo nai O Lalaa temam dale, ma ana leo nai O pupuku malalao-malalafum-ma.

MAZMUR 15:5

ma ana fe hataholi nakatotonak doik, ta pake bunak fa; fo ana ta nau sipo doi sosolo dalek, soaneu nakatutu'dak hataholi sala tak-ka. Hataholi fo, manatao leondiak-ka, neukose tetu-temak tataas esa.

KELUARAN 17:9

Musa nafa'da Yosua nae, “Hele-ma hataholi de'ubee, fo latee-lata'ti loo hataholi Amalek-kala. Balahaa soona, neukose au apadeik nai pupukuk lain, fo au ho'u aitete'ek fo Manetualain nadenu au ho'i inik-ka.”

KELUARAN 18:25

de ana hele-na, leoina Israel-la hataholi manatee-tenon de'ubee. Ana fes da'di mauli-malangan neu hataholi lifun esa, natun esa, limahulu, ma sanahulu.

AMSAL 28:2

Metema, leoina nasala-nasingo soona, manakoasan-na nggati-nggati; metemamauli-malangan manatee-tenok soona, neukose leoina nakatatakak, ma tetu-temak nahele.

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

YESAYA 16:5

Basa soona, hataholi esa neme Dauk tititi-nonosin mai, neukose ana da'di manek, ma neukose ana paleta leoinan no susue-lalaik ma lilinekak. Neukose napadedeik natetu ndoos ma matetuk-ka, ma no lai-laik, ana tao hata fo ndoos-sa.)

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

YESAYA 59:4

Emi kalaak dede'ak, te ne'ek ta, ma maketu-mala'di no ta ndoos ma matetuk fa. Emi masapepeko-masandandali ma emi matea-mahele neu hata fo, manada'di tak-ka; emi manuu dale tutu'uk, soaneu tao soe hataholi fe'ek, ma tao tatao-nono'i mangalauk.

YEREMIA 5:1

Hei laun Yerusalem-mala lemin, la'ok ndolo-ndolo eno-enok manai emi kotam-ma! Sanga nai basa mamanak lala'en-na, fo mita matam. Palisak mook manai uma manek-ka so'dan-na, ade hapu hataholi manatao ndoos esa, ana sanga enok fo ana lilineka neu Manetualain do ta. Metema hapu, soona neukose Manetualain fe do'o do ampon neu Yerusalem.

YESKIAL 18:8

Ana ta fe hataholi manatonak-kala, fe bunak fa. Ana ta nau tao, tatao-nono'i mangalauk fa, ma naketu tunga ndoon-na, nai basa nale'a-napilik lala'en-na dalek.

YESKIAL 22:12

Hapu nggelok boe, hataholi se'ba-baen, fo ana taonisa hataholi, ana da'di kelumatuk fo ana musi hataholi daan, ma ana lumu-ese nonoo hataholin-na. Sila basa-basas lafansele heni Au so. Au, Manetualain Fo Mademaina, nde manakokolak-ka.

ZAKHARIA 7:9

“Teu-teu maneuk-ka, Au fe Au anang-ngala, paleta nde ia nae, ‘Emi muse maso'da tunga matetun-na, masue-malai ao, madale malole neu emi nonoo hataholim-ma.

ZAKHARIA 8:16

Emi muse tao tunga paleta-la nde ia nae: Metema emi kokolak soona, kokolak ndos neu emi nonoo hataholim-ma. Ho'i nakeketuk tunga ndoos ma matetuk, ma neni mole-dame.

BILANGAN 1:4

Moke mauli-malanga leo-ingu esa neme leo-la esa-esak mai, fo ala fali emi.”

BILANGAN 10:4

Tehu metema puu ka'da esa soona, sosoan-na nae, ka'da lasi-lasik-kala nde muse lakabubua lai o boboa-kaisum.

LUKAS 18:2

Yesus nae, “Nai kota esa hapu manamaketu-mala'dik esa, ana ta bii Manetualain ma ta nafaduli neu su'di see a boen.

LUKAS 18:4

Faik de'ubee dale na, manamaketu-mala'dik ndia ana ta nau tulu-fali inafalu ndia fa. Tehu mate'e na manamaketu-mala'dik ndia dodoo nae, ‘Leomae au ta bii Manetualain ma au ta afaduli neu su'di see a boen,

HATAHOLI 20:33

Beita la'iesa boen fo au oke doik, do bua papakek, neme hataholi esa mai boen.

HATAHOLI 6:3

Da'di malole lenak, tolanoo kala hele ma emi hataholim hitu, tehu hataholi kahituk sila la na'de nala ta langgenggeo faa anak boen, ma Manetualain Dula Dale na, ana koasa na hataholi sila la, boema hataholi sila la, hataholi manatee teno kala, fo ami fes ala ito-ato tutulu-fafalik ia la;

ULANGAN 22:18

Soona, kota ndia lasi-lasin-nala, muse laloo touk ndia, fo ala fepan.

1 TIMOTIUS 3:3

ana ta hii natutu-nafepa fa. Te hataholi ndia, hala-kokolan mangana'uk, ana hii ka'da mole-dame. Ana ta bole tene peta doik fa.

YOSUA 22:14

Leoina Israel-la, lasi ha'dan sanahulu, sama-sama loo Pinehas, – leo esa soona, hataholi esa neme leo-leo manai lee Yarden-na boboan muli mai. Hataholi sila-la, malanga uma loo nai sila leo-ingu dale.

SEMUEL SUSULAK-KA ESAN-NA 8:12

Ana so'u nggelok da'di malanga solda'du matuaina neu solda'du lifun esa, ma nggelok nalanga solda'du limahulu. Neukose manek ndia nakaseti emi foi-fala tinan-na, pe'da-fua ndia keketu-kokolun buna-boan, tao tafa-sisilo ma kaleta musun-nala taka-besin.

SEMUEL SUSULAK-KA ESAN-NA 8:3

Tehu ala ta tunga sila aman ha'da-tataon fa, te ala sanga ka'da nanalak soaneu sila aoinan-na mesak-kana. Ala sipo doi sosolo dalek, ma laketu-lala'di laun-na dede'an-nala ta tunga eno-dalak matetun-na fa.