KELUARAN 18:20 - Susula Malalaok Hehelu Palak Ma Hehelu Beuk

²⁰ O muse manolis Manetualain paletan-nala, ma mafa'da mangalele'dos, so'da malole-a eno-dalan, ma hata fo ala muse taon.

KELUARAN 18:20 ပူးပေါင်းရင်းမြစ်များ

MAZMUR 143:8

Tunga-tunga fafain-na, fe au nasanene'dak la'eneu O susue-lalaim, nana, au amahena neu ka'da O mesam-ma. Matu'du au enok fo, au muse tungan, nana, au hule-haladoi neu ka'da O mesam-ma.

MAZMUR 32:8

Manetualain nae, “Neukose Au atu'du o enok fo, o muse la'ok tungan, neukose Au hela-nole o, ma Au anoli-afa'da o.

KELUARAN 18:16

Metema, lale'a-lapilik soona, ala mai leo au mai, fo ela au aketu sila dede'an-na, ma au tui-benga fes, Manetualain paletan ma hoholo-lalanen-nala.”

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

YEREMIA 42:3

fo ela Amak Manetualain natu'du fe ami lo be neu fo ami muse meu, ma hata fo am muse tao-no'in.”

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

YESKIAL 3:17

“Hai, hataholi daebafak fo, manasapu-manalalok-konei, Au so'u o da'di manamanea neu leoina Israel-la. Manduku-malosak nasanene'dak fo, Au fek ia-la neus.

MIKHA 4:2

Neukose basa-basas lafa'da lae, “Mai fo ata kae leo Manetualain pupukun lain teu leo Israel Manetualain Uman-na teu! Neukose nanoli ita hata fo ita muse taon. Neukose ita tunga eno-dalan nana Manetualain nanolin-na neme Yerusalem mai; ana kokolak no anan-nala neme Sion mai.”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

MARKUS 13:34

Dede'ak ndia lakasasama kana sama leo hataholi esa la'oela uma na, fo neu leo mamanak dook neu. Nadenu malalau-maoono nala lanea uma na, ma ana ba'e fe esa-esak nok ndia bela-ba'un. Ana helu manamanea lelesu fo nanea matalolole.

ULANGAN 1:18

Nai lelek ndia boe, au fe emi natutu'duk, la'eneu dede'a fe'ek lala'en fo emi muse maketu-mala'din.”

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

ULANGAN 4:5

Au anoli basa hoholo-lalanek sila-la neu emi, sama leo au Manetualaing-nga paletan neu au-a. Tunga basa sila-la nai nusak fo, neukose emi masok-kana, fo emi leon ndia.

ULANGAN 5:1

Musa naloo nakabubua basa leoina Israel-la lala'en-na, boema nafa'das nae, “Tolano-tolanoong-ngala lemin, Mamanene hoholo-lalanek fo au fen neu emi, nai faik ia. Manoli hoholo-lalanek sila-la, fo tungas no lilinekak.

ULANGAN 5:27

Hu ndia de, muu leon Musa, fo namanene basa hata lala'en fo, itaManetualain nafa'dan, boema manduku-malosak-kana neu ami, hata fo Manetualain nafa'dan neu o. Neukose ami mamanenen, fo ami tao tungan.’

ULANGAN 7:11

Da'di, tunga basa hoholo-lalanek fo faik ia, au anduku-alosak-kana neu emi.”

1 TESALONIKA 4:1

Tolano-tolanoo ngala lemin! Mate'e na, ami fe basa emi natutu'duk la'eneu emi muse maso'da tao leo beek fo, nandaa no Manetualain dale na. Memak emi maso'da leondiak so. Tehu besak ia, no Lamatuak Yesus koasa na, ami moke manseli, ma ami makaseti emi, fo ela emi boetai sanga enok seluk, nai basa dede'ak sila la dalek.

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.