KELUARAN 18:19 - Susula Malalaok Hehelu Palak Ma Hehelu Beuk

¹⁹ Mamanene au nanoli-nafa'dang, fo neukose Manetualain tulu-fali o. Memak malole, nana o mapadeik nggati leoina ia, nai Manetualain matan, fo o meni leoina ia dede'an-na neun.

KELUARAN 18:19 ပူးပေါင်းရင်းမြစ်များ

KEJADIAN 39:2

Manetualain tulu-fali Yusuf, nalosa ana hapu buna-boak tataasesa nai ue-le'din na dalek. Ana leo nai Tuan na, fo hataholi Masir ndia uman.

2 SEMUEL 14:17

Atam-ma namahele te'e-te'e, nae au Ama Maneng hehelu-balataan ndia, neukose neni so'da-molek fe atam-ma, nana au Ama Maneng nde been-na, sama leo Manetualain ata nusa so'dan-na, fo ana hapu mete kofe'ek, beek-ka nde malole, ma beek-ka nde mangalauk. Sa'di leo been-na, Manetualain fo au Ama Maneng Manetualain-na, nok au Ama Maneng!”

KELUARAN 18:15

Musa nataa nae, “Hataholi sila-la ala mai leo au mai, fo ala bubuluk Manetualain hihii-nanaun.

KELUARAN 18:20

O muse manolis Manetualain paletan-nala, ma mafa'da mangalele'dos, so'da malole-a eno-dalan, ma hata fo ala muse taon.

KELUARAN 18:24

Musa tunga Yitro nanoli-nafa'dan,

KELUARAN 20:19

Lafa'da Musa lae, “Nemen-na, fo o nde kokolak moo ami, te neukose ami mamanene; tehu Manetualain boso kokolak no ami te neukose mate ami.”

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

KELUARAN 4:12

Besak ia, muu leona, te neukose Au tulu-fali o, fo o kokolak, ma Au anoli o, hata fo o muse mafa'dan.”

KELUARAN 4:16

Ana muse kokolak pake o na'dem-ma, nai laun-na matan. Neukose, ana da'di o hataholi manakokolam, de ana tao o da'di sama leo Manetualain, fo nafa'da hata fo ana muse kokolak-kana.

AMSAL 9:9

Metema o manoli-mafa'da hataholi manatee-tenok-ka soona, neukose ana da'di manatee-tenok lena seluk bai. Ma metema o manoli-mafa'da hataholi fo ana tunga Manetualain paletan-na soona, malelan-na boe tama seluk.

BILANGAN 27:5

Boema, Musa nanduku-nalosak dede'ak ndia neu Manetualain,

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

ULANGAN 5:5

Tehu, hu kande emi bii ha'i, ma emi ta mapalani kae leo letek ndia lain meu fa, de nai lelek ndia, au apadeik nai emi ma Manetualain tala'da, fo au anduku-alosak Manetualain hala-kokolan ndia neu emi. Manetualain po'a-benga nae,

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”