KELUARAN 18:12 - Susula Malalaok Hehelu Palak Ma Hehelu Beuk

¹² Basa boema, Yitro neni bana tutunu-hohotu nanatunuk, ma bana tutunu-hohotu nanado'dok de'ubee, fo da'di leo tutunu-hohotuk fe Manetualain. Harun ma basa leoina Israel-la mane leon-nala mai, de la'a sama-sama loo Yitro nai Manetualain matan.

KELUARAN 18:12 ပူးပေါင်းရင်းမြစ်များ

KEJADIAN 12:7

Boema, Manetualain natu'du aoinan-na neu Abram, de nafa'dan nae, “Nusak ia, nde neukose Au fen neu o tititi-nonosim-mala.” Boema, Abram taon-na mei tunu-hotuk esa, neu mamanak ndia, soaneu Manetualain, fo natu'du aoinan-na neun-na.

KEJADIAN 26:25

Boema Isak napadedeik mei tunu-hotuk de ana sene-do'ok Manetualain nai mamanak ndia. Ana ofu neme ndia de atan-nala kali oedolu fe'ek.

KEJADIAN 26:30

Basa boema Isak sadia fes nana'ak de la'a-linu.

KEJADIAN 31:54

Ana do'do bana esa, de ana tunu-hotun nai pupukuk ndia lain. Boema ana ka'i basa hataholin-nala, fo la'a sama-sama. La'a basa boema, ala sungu leme pupukuk ndia lain.

KEJADIAN 4:4

Habel boeo, ho'un-na bi'ilopon esa ana ulun-na, de ana do'don, boema ana ho'i-na paa neulauk-kala, de ana tunu-hotu fen neu Manetualain. Boema Manetualain namahoko nanseli neu Habel no tutunu-hohotun,

KEJADIAN 43:25

Basa ndia boema, ala sadia sila bua palsen soaneu ala fen neu Yusuf metema Yusuf mai nai lelek le'dohana, nanahu sila nananafa'da basak lae neukose ala la'a sama-sama loon.

KEJADIAN 8:20

Boema, Noh taon-na mei tunu-hotuk esa, soaneu Manetualain. Ana ho'un-na manupui mata-matak-kala beke esak, ma bana fe'e-fe'ek fo bole na'a paan-na, beke esak, boema ana tunu-hotun da'di leo tutunu-hohotuk nanatunuk nai mei tunu-hotuk ndia lain.

2 SEMUEL 9:7

Boema, Dauk nae, “Boso bii, te neukose, au daleng-nga malole neu o, nanahu o amam Yonatan. Neukose, au fe falik basa o ba'im Saul daen-nala leo o neu, ma o bole mu'a-minu nai uma manek-ka, losa dodoon-na.”

2TAWARIKH 30:22

Hataholi Lewi sila-la mauli-malangan malelak nai makaluku-makatele neu Manetualain, nalosa Hizkia koa-kios. Faik hitu dalen-na ala la'a-linu nana'a-nininuk neme feta ndia mai, ma ala tunu-hotu tutunu-hohotuk soaneu loke makasi neu Manetualain, fo sila bei-ba'i kain-nala Manetualain-na,

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

AYUB 42:11

Basa Ayub ka'an-nala, ma feton-na, boema basa hataholi nalela palaan-nala, ala mai donge-daman, boema ala feta sama-sama lon, nai uman. Lafa'da lae sila boeo, tunga susa neu basa susa-soe lala'en fo, Manetualain fen neu Ayub, boema ala fen kokoe-nanasik. Sila esan-na, fe Ayub doik, ma ndeli lilopilas beke esak.

AYUB 42:8

Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

KELUARAN 18:13

Balahaa boema, Musa palisak hataholi Israel-la dede'a nale'a-napilin-nala. Ana palisak dede'ak ndia, neme fafaik losa le'odae.

KELUARAN 2:20

Yitro natane anan-nala nae, “Besak ia, hataholi ndia nai bee? Tao le'e de, emi la'oela hataholi ndia? Meu maloon leona, fo daenga na'a sama-sama no ita.”

KELUARAN 20:24

Tao fe Au mei tunu-hotuk esa, taon neme dae-a mai, boema tunu-hotu emi bi'ilopom ma emi sapim-ma nai ndia, soaneu tutunu-hohotu nanatunuk, ma tutunu-hohotu mole-dame. Nai basa mamanak fo Au aketu basan ba'eneu emi, da'di leo mamanak makaluku-makatele soaneu Au-a, neukose Au mai, fo Au ba'e-pala emi.

KELUARAN 24:11

Basa mauli-malangan Israel sila-la lita Manetualain so; leomae leondiak boe, Ana ta tao namopo-namate fas. Basa ndia boema, la'a-linu.

KELUARAN 24:5

Boema Musa nadenu hataholi muli-soluk de'ubee fo leu tunu-hotu tutunu-hohotu nanatunuk soaneu Manetualain, boema ala ta'ti sapi de'ubee soaneu tutunu-hohotu mole-dame.

KELUARAN 3:1

Nai lelek ndia, Musa foo aliaman Yitro, fo imam nai dae Midian-na, bi'ilopo bi'ihiin. Lelek ana foo neni bana sila leo moo solokaek-ka selik neu boema, ana losa Letek Sinai, letek fo malalao-malalafuk.

KELUARAN 33:7

Metema leoina Israel-la ofu soona, Musa ho'in-na Lalaa Temak fo napadedeik-kana dodoo faa neme hataholi Israel-la mamana ofun-na mai. Loke Lalaa Temak ndia soona lae, Manetualain Lalaa Teman-na, de see hii noke Manetualain nanoli-nafa'dan soona, neu leo ndia neu.

DANIAL 10:3

Nai lelek ndia, au ta u'a nana'a mala'da do paa boen; au ta inu angol ma au ta sau au langang-nga boen.

BILANGAN 10:29

Musa nafa'da palan Hobab, fo Rehuel hataholi Midian ndia anan-na nae, “Neukose ami la'o leo mamanak fo tunga Manetualain nafa'dan-na nae, neukose Ana fen neu ami. Manetualain helu basa hata fo malole, soaneu hataholi Israel-la. Da'di, tunga ami leona, te neukose ami tao malole soaneu o.”

LUKAS 14:1

Nai fai Sabat esa boema Yesus nanaka'ik neu na'a nai mauli-malanga Farisi esa uman. Hataholi manai sila la taoafik besa-besa lo Yesus.

LUKAS 14:15

Nai lelek hataholi esa neme hataholi manala'a-linu sama-sama nai ndia, namanene Yesus hala-kokolan ndia boema nae, “Maua-manalek nanseli neu hataholi fo neukose na'a sama-sama no Manetualain, metema Ana mai da'dileo Mane ka!”

1 KORINTUS 10:18

So'ba taoafik neu hataholi Yahudi la. Sila fo mana'a nana'ak manai mamana tutunu-hohotuk lain ndia nde bee na, nde hataholi fo ala da'di esa no mamanak ndia.

1 KORINTUS 10:21

Emi ta bole minu neme Lamatua ka nggala ango la, ma minu neme dula dale mangalau kala nggala ango la mai boen. Emi ta bole mi'a nai Lamatua ka mei na ma nai dula dale mangalau kala mei na fa.

1 KORINTUS 10:31

Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

ULANGAN 12:7

Nai mamanak ndia boe, fo nai emi Manetualaim-ma matan-na, emi sama-sama moo emi teidalem-mala, muse mi'a-minu no namahokok, soaneu emi sosota-mamangum buna-boan, nanahu emi Manetualaim-ma ba'e-pala basa sila-la so.

ULANGAN 27:7

Boeo, emi muse tunu-hotu, emu tutunu-hohotu mole-damem, fo mi'an neme mamanak ndia, boema mamahoko-setelee nai emi Manetualaim-ma matan-na.