KELUARAN 17:13 - Susula Malalaok Hehelu Palak Ma Hehelu Beuk

¹³ Mate'en-na, Yosua sengi hataholi Amalek-kala.

KELUARAN 17:13 ပူးပေါင်းရင်းမြစ်များ

KELUARAN 17:12

Lelek Musa sota-mangu boema, Harun ma Hur ho'i fe Musa batu esa, fo ela ana bisa nangatuuk; Harun ma Hur lapadeik lai Musa boboa kii-konan, fo ala to'ba liman-na, fo ela ana so'uk nahele liman-na, losa le'do tenak.

KELUARAN 17:14

Manetualain nafa'da Musa nae, “Sulak-ma sesengik ia, fo ela nananafandendelek nahele. Mafa'da Yosua, mae neukose Au tao amopo-amate hataholi Amalek-kala.”

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

YOSUA 10:28

Faik ndia Yosua neu sapun-na Makeda, de ana sengi kota ndia no manen-na. Ana taonisa la'iesak kota ndia laun-nala; ana ta po'ilotak hataholi esa boen, naso'da fa. Yosua tao mane Makeda, sama leo ana tao mane Yerikho-a.

YOSUA 10:32

Manetualain fe hataholi Israel-la, sengi Lakhis nai natee-natatik fai ka dua-na. Hata fo ala taon nai Libna, ala taon nai Lakhis boe; ala taolisa la'iesak-kasa, ala ta po'ilotak hataholi esa boen, naso'da fa.

YOSUA 10:37

de langatuu-lan. Ala taolisa kota ndia manen-na, ma ala taolisa la'iesak hataholin-nala, ma hataholi manai kota-kota fe'ek manai titia-tatain-nala. Yosua tao nakalulutuk la'iesak kota ndia, sama leo ana taon neu kota Eglon-na. Ana ta po'ilotak hataholi esa boen, naso'da nai ndia fa.

YOSUA 10:42

Ka'da nai natee-natatik la'iesa mesak-kana, de Yosua sengi basa manek sila-la, ma nangatuun-na, sila nusa paletan-nala, nanahu Manetualain fo Israel Manetualain na, natee-nata'ti soaneu Israel.

YOSUA 11:12

Yosua nangatuun-na la'iesak kota sila-la, ma ana ho'un-na manen-na, de ana taonisan, nandaa no Musa fo Manetualain atan ndia, paletan-na.