KELUARAN 16:31 - Susula Malalaok Hehelu Palak Ma Hehelu Beuk

³¹ Hataholi Israel-la loke nana'ak ndia soona lae, manna Lupan-na, sama leo aide'e lutuanak dula fula, ma la'dan-na, sama leo kokis nanasese'dok fanioe.

KELUARAN 16:31 ပူးပေါင်းရင်းမြစ်များ

KELUARAN 16:14

Lelek dinis ndia, sanga nae mopon soona, hata esa ni'ianak, nananitak nai moo solokaek lain, sama leo hata esa sopuanak, ma mangana'uk nalupa leo ha'desopuk-ka.

KELUARAN 16:15

Lelek hataholi Israel-la litan, tehu ta lalelak beek ndia fa. Boema esa natane esa nae, “Beek ndia?” Boema Musa nafa'das nae, “Manetualain, Ana fe emi nana'ak-ka, nde ndia.

KELUARAN 16:30

Hu ndia de, nai fai ka hitun-na, ala ta tao bela-ba'uk fa.

KELUARAN 16:32

Musa nae, “Manetualain nadenu ita, fo ata ho'i-tala manna, fafa'kama kilo dua, fo ata pe'dan soaneu ita tititi-nonosin, fo ela ala lita nana'ak fo Manetualain fen neu ita nai moo solokaek-ka, nai lelek no ita kalua teme Masir mai.”

KIDUNG AGUNG 2:3

Sama leo ai apel-la nai ai manai nula dale-la tala'da, leondiak boe, au inana susueng-nga nai basa touanak-kala tala'da. Au amahoko au sulu nai huun-na, boan-na makeek nanseli.

ULANGAN 8:16

Ana fe emi koki manna neme moo solokaek-ka, fo ana da'di emi nana'am, fo emi bei-ba'i kaim-mala, beita lalelak nana'ak ndia fa. Manetualain tao basa sila-la, fo Ana so'ba emi, ma Ana taon-na emi makaloe-makadae oam-mala, fo ela neu mate'en-na, Ana tao malole soaneu emi.

ULANGAN 8:3

Ana po'ilotak emi mamala'a-mamandoe, boema Ana fe emi koki manna, fo emi mi'a. Emi, ma emi bei-ba'i kaim-mala, makahulun-na beita mi'a mita nana'ak ndia fa. Manetualain tao leondiak, fo nanoli emi, nae hataholi daebafak-ka, ta hapu naso'da nenik ka'da nana'a-nininuk mesak-kana fa, tehu naso'da neme Manetualain hala-kokolan mai.