KELUARAN 16:3 - Susula Malalaok Hehelu Palak Ma Hehelu Beuk

³ Lafa'da lae, “Malole lenak, leouni'ka Manetualain taonisa ami neme Masir so. Nai naa, ami mangatuuk, fo ami mi'a paa ma loti, losa ami makabete. Tehu emi moo ami leo ia mai, fo ela ami basa-basam-mala, mate no la'as-sa.”

KELUARAN 16:3 ပူးပေါင်းရင်းမြစ်များ

2 SEMUEL 18:33

Manek-ka namanene dede'ak ndia boema, dalen-na he'dis-sa nanseli, de ana kae leo kama manai lelesuina lain neu, de ana kii-makaleleu ma nae, “Oh, au anang-ngonei! Au anang Absalom! Absalom, fo au anang-ngonei! Malole lenak, au nde mate nggati o, anang-ngo! Absalom, anang-ngonei!”

AYUB 3:1

Basa boema, Ayub mulai kokolak ma ana soo-supa fai bobongin-na nae,

AYUB 3:10

Soo-supak ba'eneu le'odaek maneni soe, nai lelek, au inang bongi au-a, ma nanapo'ilotak, lu'a-lepa doidosok-ka.

AYUB 3:20

Tao le'e de, hataholi daebafak-ka, nanapo'ilotak, naso'da no doidosok nakandoo? Tao le'e de, fe mangale'dok, neu hataholi dale he'dik?

MAZMUR 107:5

Ala lamala'a-lamandoe, ma maa ma'da, ma mopo basa namahehenak lala'ena so.

MAZMUR 78:19

Ala la'ban Manetualain, nenik lafa'da lae, “Ade, Manetualainnapalani fe ita ta'a nai moo solokaek-ka do?

MAZMUR 78:25

Ana fes nana'ak makadotok; ala la'a loti ata nusa so'dak.

KELUARAN 14:11

Lafa'da Musa lae, “Ade nai Masir ta hapu lates fa, nalosa o moo ami, fo ela ami mate nai mamanak ia do? Mitak o tatao-nono'im ndia nininin-na dei!

KELUARAN 17:3

Tehu hataholi sila-la maan-nala ma'da nanseli, de beemumu lahele Musa. Lafa'da lae, “Tao le'e de, o moo ami kalua meme Masir mai? Fo ela ami moo ami anam-mala, ma ami bana-manum mate no maa ma'dak-ka do?”

KELUARAN 2:23

Teuk lamalala boema, mate manek Masir-ra. Tehu leoina Israel-la bei hoo-nggu'u, nanahu ala taos da'di ata, nalosa ala nggasi loke tutulu-fafalik. Sila hoo-nggu'un losa Manetualain.

KELUARAN 5:21

Mandol sila-la lafa'da lae, “Manetualain, bubuluk emi tatao-nono'im! Neukose Ana huku emi! Emi nde taom-ma manek-ka no hataholi mana'a ngga'din-nala, ta lahiik ami fa, nalosa ala nau taolisa ami.”

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

RATAPAN 4:9

Ala doi-doso de ala mate faa-faa, hu kande ta lanuu nana'ak faa anak boen; fo manamatek manai natee-natatik-ka dalek bei naua-nanale lena neme manamatek hu kande la'a-ndoes-sa.

BILANGAN 11:15

Metema Manetualain tao nakandoo au leoiak soona, sue-lai au dei; malole lenak, taomisa au no lai-laik fo ela au boso boe lu'a-lepa doidosok ia bai.”

BILANGAN 11:20

tehu emi mi'an bula katemak esa dalen-na, losa emi mamahe'di-mapalau, ma emi muta hu kande nana'ak ndia. Manada'dik ndia ana da'di, nanahu emi tipa Manetualain fo manai emi tala'da heom-ma. Ma boeo, hu kande emi kii basa nai matan, ma emi haladoi mae emi la'oela dae Masir-ra so.”

BILANGAN 14:2

Ala bemumu loo Musa no Harun lae, “Malole lenak, ita mate nai Masir, do nai moo solokaek ia. Nemen-na fo, ata mate leona.

BILANGAN 14:3

Sosoak hata, Manetualain no ita leo nusak ndia neu? Neukose, ita mate nai natee-natatik dale, fo ala foo leni ita sao-anan-nala. Ade ta malole lenak, ata fali te'ut-tala leo Masir teu fa do!”

BILANGAN 16:13

O moo ami kalua meme dae Masir fo maoe-maisik ndia mai, soaneu taomisa ami nai moo solokaek ia, de ndia beita dai fa do? Ade o muse paleta ami boe do?

BILANGAN 16:41

Balahaa boema, basa hataholi Israel-la lala'en-na, tao nasa-nasak mesan loo Musa no Harun. Lafa'da lae, “Emi taomisa Manetualain anan-nala so.”

BILANGAN 21:5

de bemumu loo Manetualain ma Musa. Lafa'da lae, “Tao le'e de, o moo ami kalua meme Masir mai? Ade soaneu taomisa ami, nai moo solokaek ia do? Nai ia, ta hapu nana'ak fa, ma oe boeo, ta. Ami malua mi'a nana'a mamis ia-la!”

HATAHOLI 26:29

Boema Paulus nae, “Nai fai nggenggeloanak do fai manalu boeo, au hule-haladoi neu Manetualain fo ela Ama Manek mo basa ama-ama fo mana mamanene au nai faik ia dale na, da'di sama leo au, ta'dafe'e lange fo nanalangek neu au ia!”

1 KORINTUS 4:8

Memak emi ta paluu seluk hata-hata so'on! Emi mamasu'i so. Emi da'di manek so! Te ami ta. Malole na seli, metema emi te'e-te'e dadi manek so, fo ela ami hapu paleta sama-sama mo emi.

2 KORINTUS 11:1

Fe au loak fo au tao nono'ka bai amanggoa faa anak. Emi nau hetu?

ULANGAN 28:67

Lelek emi mete mita su'di beek-ka soona, emi tenem-ma hako, nanahu mei bii mamates-sa. Nai fai fafain-na, emi mafa'da mae, le'odae leona, ma nai fai le'odaen-na, emi mafa'da mae, fafaik leona.

ULANGAN 8:3

Ana po'ilotak emi mamala'a-mamandoe, boema Ana fe emi koki manna, fo emi mi'a. Emi, ma emi bei-ba'i kaim-mala, makahulun-na beita mi'a mita nana'ak ndia fa. Manetualain tao leondiak, fo nanoli emi, nae hataholi daebafak-ka, ta hapu naso'da nenik ka'da nana'a-nininuk mesak-kana fa, tehu naso'da neme Manetualain hala-kokolan mai.

YOSUA 7:7

Yosua nafa'da Manetualain nae, “Ou Manetualain fo au Manetualaing-nga! O moo ami losa leo Yarden selik ia mai, soaneu beek? Ade, soaneu fe ami neu hataholi Amori-la do? Fo ela ami mate do? Malole lenak, ami leo ka'da naa, fo nai Yarden selik!