KELUARAN 16:21 - Susula Malalaok Hehelu Palak Ma Hehelu Beuk

²¹ Tunga-tunga fafain-na, ala hele nana'ak ndia, de'u sila paluun-na, ma metema le'do-a mulai nahaa soona, nana'a elak manai dae lain ndia, noehenin fo ana faa.

KELUARAN 16:21 ပူးပေါင်းရင်းမြစ်များ

KELUARAN 16:20

Tehu sila de'ubee, ta taoafik neu Musa hala kokolan ndia fa. De ala pe'da nana'ak ndia nggelok boe. Balahaa te, nana'ak ndia ulek-kala, ma naboo pulu so; boema Musa namanasas nanseli.

KELUARAN 16:22

Neu fai ka neen-na soona, ala hele nana'ak ndia, dede'un-na diku la'i dua, fo nde hataholi esa soona, fafa'kama kilo haa. Basa sila mane leon-nala mai, de leu lafa'da dede'ak ndia neu Musa.

PENGKHOTBAH 12:1

Mafandendelek manamakadada'dik o-a, beidai o bei muli-solum-ma, nai lelek teu-teuk fo henuk no doidosok-ka beita losa fa. Nai tepo-lelek ndia, neukose o mafa'da mae, “Au so'dang-nga ua-nalen ta.”

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

YOHANIS 12:35

Boema Yesus nae, “Ka'da ba'ihanak mesa kana, mangale'dok ndia nai emi tala'da. Hu ndia de, leo la'ok beidai mangale'dok ndia bei hapun, fo ela makahatu ka boso tuni na emi. Hataholi manaleo la'ok nai makahatu ka dale ka, neukose ana ta bubuluk leo bee neu fa.

2 KORINTUS 6:2

Nai Susula Malalaok dale Manetualain nafa'da nae, “Nai faik fo Au ahii kana, Au amanene basa o so, ma nai fai so'da-mole ka, Au tulu-fali basa o so.” Mafandendelek matalolole, te besak ia nde faik fo Au ahiik ndia! Besak ia nde faik soaneu emi nanasoi-tefak!