KELUARAN 16:14 - Susula Malalaok Hehelu Palak Ma Hehelu Beuk

¹⁴ Lelek dinis ndia, sanga nae mopon soona, hata esa ni'ianak, nananitak nai moo solokaek lain, sama leo hata esa sopuanak, ma mangana'uk nalupa leo ha'desopuk-ka.

KELUARAN 16:14 ပူးပေါင်းရင်းမြစ်များ

NEHEMIA 9:15

Lelek lamala'a ma ala to'a-ta nana'a-nininuk, O makona loti neme lalai mai. Ma O fe oe manatao namopo maa ma'dak-ka, nasapula neme batuisik matea ma mahelek dale mai, O madenus langatuu-la dae fo O helu neun nenik soo-supa.

MAZMUR 105:40

Ala loke boema, Ana fes manupui kukuhaak, ana fes loti neme nusa so'dak-ka mai, de la'a losa lakabete.

MAZMUR 147:16

Ana nakona salju-a, sama leo abas-sa, ma Ana nggali dinis fo, natea leo batu-a, sama leo afu-a.

MAZMUR 78:24

Ana nakona gandum neme nusa so'dak-ka mai, manna fo da'di sila nana'an-na.

KELUARAN 16:31

Hataholi Israel-la loke nana'ak ndia soona lae, manna Lupan-na, sama leo aide'e lutuanak dula fula, ma la'dan-na, sama leo kokis nanasese'dok fanioe.

ULANGAN 8:3

Ana po'ilotak emi mamala'a-mamandoe, boema Ana fe emi koki manna, fo emi mi'a. Emi, ma emi bei-ba'i kaim-mala, makahulun-na beita mi'a mita nana'ak ndia fa. Manetualain tao leondiak, fo nanoli emi, nae hataholi daebafak-ka, ta hapu naso'da nenik ka'da nana'a-nininuk mesak-kana fa, tehu naso'da neme Manetualain hala-kokolan mai.