KELUARAN 16:10 - Susula Malalaok Hehelu Palak Ma Hehelu Beuk

¹⁰ Lelek Harun bei kola-kola no basa-basas te, ala mete leo moo solokaek-ka neu, de no kaiboik, lita Manetualain ndela-sa'an nai ko'as dale.

KELUARAN 16:10 ပူးပေါင်းရင်းမြစ်များ

KELUARAN 16:11

Boema, Manetualain nafa'da Musa nae,

KELUARAN 16:7

Balahaa fafaik soona, neukose emi mita Manetualain mandela-masa'an. Manetualain namanene emi makamuu-muun; nana ami ia, ka'da tao hata fo Ana paletan.

KELUARAN 24:16

Manetualain ndela-sa'an kona nai letek ndia lain, de hataholi Israel-la litan sama leo ha'i-a pila nai letek-ka poin-na. Faik nee dalen-na, ko'as-sa poti-na letek ndia, de neu fai ka hitun-na boema, Manetualain naloo Musa neme ko'as ndia dalek mai.

IMAMAT 9:23

Basa boema, Musa no Harun leu leo Manetualain Lalaa Teman dale leu. Basa ndia boema, ala kalua falik, de ala ba'e-pala hataholi Israel-la. Boema, basa hataholi Israel-la, lita Manetualain mamain-na ndela-sa'an.

IMAMAT 9:6

Boema Musa nafa'da nae, “Manetualain nadenu emi tao basa ia-la, fo ela emi hapu mita Manetualain mamain-na, ndela-sa'an.”

BILANGAN 14:10

Basa laun-na lala'en-na, ala kekeme, sanga tapa lenik-kasa batu, losa mates. Tehu no kaiboik, hataholi sila-la lita Manetualain masa'an-na to'da mai, nai Lalaa Teman lain.

BILANGAN 16:19

Basa boema, Korah naloo nakabubua basa hataholi Israel-la lala'en-na, de lapadeik lasasalematak loo Musa no Harun, nai Manetualain Lalaa Teman-na lelesun-na bafan-na. No kaiboik, basa hataholi Israel-la lala'en-na, lita Manetualain mandela-masa'an nangale'do.

BILANGAN 16:42

Ala bei lakabubua fo la'ban Musa no Harun, te ala lipa leo Manetualain Lalaa Teman-na neu te, lita ko'as-sa potin-na Lalaa Temak ndia, boema lita Manetualain mandela-masa'an.

MATEOS 17:5

Petrus bei kola-kola te, ko'a fulak bubuak esa fula elu-elu ana poti nalas, ma hala ka nananamanemek neme ko'as ndia dalek mai nae, “Ia nde Au ana susue nga. Nandaa no Au dale nga. Mamanene neun!”