KELUARAN 15:8 - Susula Malalaok Hehelu Palak Ma Hehelu Beuk

⁸ O fuu tasi-a, de lii-a napoponu, napadeik natetu sama leo papala nanadamak-ka, nalosa hapu la'ok tunga tasi buin-na.

KELUARAN 15:8 ပူးပေါင်းရင်းမြစ်များ

2 SEMUEL 22:16

Tasi buin-na nanasilu henik, ma daebafak-ka buin-na natahuka nai lelek Manetualain nasapala musun-na nenik nasa-melun.

AYUB 4:9

Nono'kabai, ani-sangu-a, leondiak boe Manetualain nasa-melun, tao namopo-namates, losa mopos!

MAZMUR 33:7

Ana tao nakabubua tasi oe-a, neu mamanak esa, nakataka nahele tasi maloaina nai te'te dale.

MAZMUR 78:13

Ana fa'a ba'e tasi-a, boema nakalelenak-kasa; oe-a nanabakatetek sama leo te'te-a.

KELUARAN 14:29

Tehu lelek hataholi Israel-la lena tasi-a, ala la'ok nai dae ma'dak lain, ma oe-a nalupa leo papala nanadamak, nai kii ma nai kona.

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

YESAYA 37:7

Neukose, Manetualain taon-na mane Asyur-ra taoafik neu hala anin esa, nalosa ana fali leo nusan-na neu, fo neukose nanataonisak nai naa.”

HABAKUK 3:10

Letek-kala lita O boema, langgengo, u'dan-na neme lalai mai, sama leo nanapo'ak-ka. Tasiina manai daebafak-ka buin-na, oen-na nangguu, de lii-la lapoponu ma nggu-nggu.

HABAKUK 3:15

O heheta-aa'i tasi maloaina nenik O ndalam-ma de tasi fulak no fufu'dek-ka.

2 TESALONIKA 2:8

besa ka Hataholi Mangalauk ndia nananitak. Tehu metema Lamatuak Yesus mai soona, Ana taonisa Hataholi Mangalauk ndia, ninik ani hahae na. Ma neukose nanatao nakalulutuk ninik Lamatua ka mamai mandela-masa'a na.

YOSUA 3:13

Mahani te, metema basa imam-mala fo manandolo Manetualain Peti Hehelu-balataan-na heta ein-nala lala Lee Yarden ndia oen dale soona, oe fo manafaa neme lee langan lain mai-a, neukose nanabakate'te nisak nai mamanak esa.”

YOSUA 3:16

no hatematak ndia boe, lee-a ta faa so'on. Oe manafaa neme lee langan-na mai, ana da'di te'te, tehu nai dook-ka, nai kota Adam fo kota esa nai kota Sartan-na boboan-na. Lee oen manafaa leo Tasi Mates-sa neu, ana ta faa so'on, nalosa hataholi Israel-la, la'ok nai dae ma'dak lain leo selik leu mamanak ndia, nasasalematak no kota Yerikho-a. Basa imam-mala fo manandolo Peti Hehelu-balataak ndia, lapadeik lahele nai lee tala'da heon, losa hataholi Israel-la lala'en-na, lala selik.