KELUARAN 15:20 - Susula Malalaok Hehelu Palak Ma Hehelu Beuk

²⁰ Boema Miryam, fo nabi inak esa, fo Harun ka'ainan-na, ho'in-na rebanan-nala, de basa inak-kala li'u no'u-no'u boema ala longe.

KELUARAN 15:20 ပူးပေါင်းရင်းမြစ်များ

KEJADIAN 31:27

Taole'e de, o ke'di-ma au, de o la'o no denge-dengek, ta no nate'ak fa? Leouni'ka, o mate'a soona, tao leo bee o, au po'i o la'o no namahokok, fo tambur ma kecapi-la lakamee tunga o!

2 SEMUEL 1:20

Sa'di leo been-na, hataholi Gat-tala, ta lamanene manada'dik ndia fa. Sa'di leo been-na, mangalolok Askelon-nala, ta hapu halak la'eneu dede'ak ndia fa. Boso nalosak ina Filistin-nala eeki-latadale boso nalosak, ina dinitiu-la lakalupu-lakasee.

2 SEMUEL 6:14

Basa boema, Dauk foti-longe no namahokok nanseli, fo ana fe ha'da-holomata neu Manetualain. Nai lelek ndia, ana pake ka'da si'di abalutu keke'uk, de ana pa'an nai tala'dan-na.

2 SEMUEL 6:16

Lelek fo leni Peti Hehelu-balataak ndia, masok leo kota dale neu, Mikhal, fo Saul anafe'on-na, ana titino neme jendela mai, boema nita Mane Dauk-ka nakaboboku, ma ana foti-longe, fo ana fe ha'da-holomata neu Manetualain, boema ana mete Dauk soona, ana ta hii mete fan.

2 SEMUEL 6:5

Dauk ma basa leoina Israel-la lala'en-na, ala la'ok nai Peti ndia uluk, boema ala foti-longe su'di bebe'ik, ma lakamee, fo ala fe ha'da-holomata neu Manetualain. Lakaminak kecapi, gambus, rebana, kelentingan, ma simbal.

2RAJA-RAJA 22:14

Boema, Hilkia, Ahikam, Akhbor, Safan ma Asaya leu loke natutu'duk neme inak esa, na'de Hulda. Inak ndia, nabi esa, fo ana leo nai nggolo beuk manai Yerusalem-ma. Saon-na, na'de Salum, fo Tikwa anan-na, ma Harhas upun-na; Salum ia, nde ito-ato papake-ngganggaok makaluku-makatele-a, nai Manetualain Uman. Lelek Hulda namanene, sila hala nafa'dan ndia boema,

1 TAWARIKH 15:16

Dauk boeo nadenu basa mauli-malangan hataholi Lewi sila-la, fo ela ala fe paleta neu hataholi de'ubee leme sila leo na mai fo lakamee ma lakaminak kecapi ma simbal nenik kokoa-kikiok.

1 TAWARIKH 6:3

Amram anatoun 2, fo nde: Harun ma Musa, ma anainak esa, fo nde Miryam. Harun anatoun 4, fo nde: Nadab, Abihu, Eleazar ma Ipopo-tamar.

NEHEMIA 6:14

Au hule-haladoi ae, “Ou Manetualain, mafandendelek hata fo Tobia ma Sanbalat taon ndia. Hukus leona! Leondiak boe, nabi inak fo mana'de Noaja ma nabi-nabi fe'ek fo ala nau lakabibiik au-a.”

MAZMUR 149:3

Koa kio na'den-na, nenik fofoti-lolongek, koa-kion nenik kecapi ma tambur!

MAZMUR 150:4

Koa-kion nenik tambur ma fofoti-lolongek, koa-kion nenik kecapi ma kinuk.

MAZMUR 30:11

Mamanene leon, ou Manetualain, fo sue-lai au. Manetualain, tulu-fali au leona!”

MAZMUR 68:11

Boema O anam-mala leo lai ndia; fo nai O dale malolem-ma dalek, ou Manetualain, O makaboboi hataholi nuu ta-hata tak-ka.

MAZMUR 68:25

Basa-basas lita O sesengim-ma, ou Manetualain, Hataholi-la beenongo, fo loo au Manetualaing-nga, au Maneng-nga leo mamana leleon-na neu.

MAZMUR 68:26

Basa manamakameek-kala, la'ok lai uluk, basa manamakaminak kecapi-la, lai dea; basa anafe'oanak manali'u tambur, lai tala'da; sila nakameen-na leo iak:

MAZMUR 81:2

Makamee nakamee kokoa-kikiok ba'eneu Manetualain, fo ita be'i-balakain, eeki no namahoko-seteleek ba'eneu Yakob Manetualain.

KELUARAN 2:4

Ni'iana ndia, ka'a inaanan-na, napadeik dodooana faa neme mamanak ndia mai, fo ana mete, hata da'di neu fa'din-na.

PENGKHOTBAH 3:4

Manetualain naketu faik soaneu kii ma faik soaneu hika, faik soaneu makaleleu ma faik soaneu foti-longe,

YEREMIA 31:4

Neukose Au tao-a e leoinam-ma malole-nanapu sama leo makahulun-na. Neukose emi ho'i seluk rebana fo emi lolonge-dadape no namahoko-setelek.

MIKHA 6:4

Au o emi kalua meme Masir mai so, ma Au soi heni emi neme ata dalek mai; Au adenu basa Musa, Harun, ma Miryam soaneu hela-nole emi so.

BILANGAN 12:1

Musa saon-na ina Kus esa, de Mariam no Harun tao sasa'ok ndia da'di netes, fo lakamuu Musa.

BILANGAN 12:2

Lafa'da lae, “Ade, Manetualain kokolak ka'da tunga Musa mesak-kana do? Ade, Ana ta kokolak tunga ita boen do?” Manetualain namanene sila hala-kokolan.

BILANGAN 20:1

Nai hataholi Yahudi-la bula ka esan-na dalek boema, basa hataholi Israel-la lala'en-na, losa moo solokaek Zin-na, de ala leo lahele leme Kades. Miryam maten, de latoin neme ndia.

BILANGAN 26:59

Amram sao Yokhebed, fo Lewi anan-na. Yokhebed ndia, bongin neme Masir. Amram no Yokhebed, anatoun dua, fo nde Musa no Harun, boema anainak esa, fo na'de Miryam.

LUKAS 2:36

Nai ndia boe hapu nabi inak esa namalasi nanseli so. Na'de Hana, fo Fanuel neme leo Ase ra, anan ndia. Hana saoana basa teuk hitu boema,

HATAHOLI 21:9

Felipus ia anafe'on ha, de Manetualain fes malelak ma be'ibalakaik, fo ala tui-benga halak maneme Manetualain mai.

1 KORINTUS 11:5

Ma metema inak esa ana ta pake lalaa langak nai lelek ana hule-haladoi do nanduku-nalosak halak maneme Manetualai na nai hataholi ba'u ka matan soona, inak ndia nakamumulu-nakamamaek saotoun fo manda'di malangan neu ndia. Ndia sama leo, nono'kabai de inak ndia langa na nananggeupolik so.

1 KORINTUS 14:34

ina kala muse bedenge nai nakabubua kala dalek. Ta bole fes loak soaneu ala kokolak fa. Ala ta bole da'di mauli-malangan fa; basa sila la nandaa no agama hoholo-lalanen.

HAKIM-HAKIM 11:34

Lelek, Yefta fali ne'un leo Mizpa neu boema, anafe'on-na mai soluk-kana nenik lolongek ma li'u meko-la'bu. Ana kisan-na nde ndia.

HAKIM-HAKIM 21:21

ma manea mahele meme ndia. Mahani te, metema anafe'oana Silo-la, ala kalua mai longe nai fai malole teuk-ka, soaneu Manetualain soona, emi muse kalua meme osi angol sila-la dalek mai. Soona emi esa-esak, ho'u-ma anafe'oanak sila esa, fo malai moon leo Benyamin nusan-na neu, fo taon da'di emi saoinam.

HAKIM-HAKIM 4:4

Nai lelek ndia, manamauli-malanga Israel-la nde been-na, nabi inak esa, na'de Debora, fo Lapidot saon-na.

SEMUEL SUSULAK-KA ESAN-NA 10:5

Basa ndia soona, o muse muu leo Manetualain pupukun-na nai Gibea, fo hataholi Filistin-nala mamana ofun-na. Nai lelesu masok leo kota dale neu, neukose o matongo moo nabi bubuak esa, kona leme pupukuk tutunu-hohotuk lain mai. Ala foti-longe ma ala eki beekao, lakaminak gambus, rebana, seruling ma kecapi.

SEMUEL SUSULAK-KA ESAN-NA 18:6

Lelek Dauk sengi basa Goliat fo hataholi Filistin ndia, de ana fali boema, basa solda'du-la la'ok lakadadalak masok leo kota dale leu, boema basa inak manai kota Israel-la kalua, fo ala soluk Manek Saul-la. Lakamee nakamee namahokok-kala, ma ala foti-longe no lakaminak rebana ma kecapi.