KELUARAN 15:17 - Susula Malalaok Hehelu Palak Ma Hehelu Beuk

¹⁷ Boema O hela-nole Israel leo mamanak fo O helen soaneu O mamana leleom-ma. Ala leo lahele leme O pupuku malalao-malalafum-ma nai Uma fo O nde mapadedeik-kana.

KELUARAN 15:17 ပူးပေါင်းရင်းမြစ်များ

2 SEMUEL 7:10

Bai te, Au sadia basa mamanak soaneu Au anang Israel so, de Au adenus fo ala leo lahele leme ndia, fo ela ala hapu laso'da no nee-nee lino-linok, no ta hapu soso'ba-susu'dik so'on. Mulai neme makahulun-na, ala mai leo dae ia mai, ma Au so'u fes mauli-malangan-na, hataholi fo dale susue-lalai tak-kala, sapu-lalas, tehu neukose tatao-nono'i leondiak-ka, ana ta da'di seluk so'on. Au aheluk, ae neukose o ta hapu makata'ak neme musu lala'en-na mai fa, ma neukose, Au fe o tititi-nonosik.

1RAJA-RAJA 8:13

Besak ia au afofo'a uma mana'ahiik soaneu O, soaneu O mamana leleo ma losa dodoon-na.”

MAZMUR 114:2

Manetualain tao Yehuda da'di mamana malalao-malalafun, ma Israel da'di Ndia nusa paletan.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

MAZMUR 44:2

Ou Manetualain, ami mamanene matam, tutuik fo ami bei-ba'i kaim-mala tuin la'eneu tatao-nono'i matuaina fo O taon nai tepo lelek makahulun-na so.

MAZMUR 68:16

Lete Basan-na nde bee-na, letek fo anseli, letek fo leteanak makadotok lai poin-na.

MAZMUR 76:2

Manetualain nananita-nalelak nai Yehuda; na'den-na nanakoa-nanakiok nai Israel.

MAZMUR 80:15

Ou Manetualain, Fo Manakoasa, fali ma'im-ma leona, mete neme nusa so'dak-ka mai, fo taoafik neu O anam-mala.

MAZMUR 80:8

Ou Manetualain, Fo Manakoasa, tao mabebeu ami; mete ami no dale malole fo ela ami maso'da.

KELUARAN 15:13

O hela-nole leoina fo O soi-tefa-malak ia-la, nanahu O liineka neu O hala hehelum-ma. O masulu-mahapas, no be'i-balakai manituk, ma O hela-noles leo O dae-oem fo malalao-malalafuk-ka.

KELUARAN 23:20

“Neukose Au adenu Au ata nusa so'dang-nga, ana la'ok nai emi uluk, fo nasulu-nahapa emi nai emi leleo-lala'om dale, ma no emi leo mamanak fo Au sadiak-ka.

KELUARAN 25:8

Madenu leoina ndia, fo ana tao fe Au Lalaa Temak esa, fo ela Au hapu leo nai sila tala'da.

KELUARAN 32:34

Besak ia, muu leona, fo moo hataholi sila-la leo mamanak fo Au afa'da basan neu o so. Neukose Au ata nusa so'dang-nga hela nole o, tehu neukose fain-na losa soaneu Au huku hataholi sila nanahu sala-singon-nala.”

YEREMIA 2:21

Au sele-tani o, sama leo ai angol fo Au helen neme bini-ngges malole-a mai. Tehu besak ia, o da'di masafali da'di na'u-aiana dila-nggauk fo sosoa-ndandaan ta.

YEREMIA 31:23

Manetualain Fo Manakoasa, fo Israel Manetualain-na nafa'da nae, “Metema Au tao-a Au anang-ngala lalole-lanapu sama leo makahulun-na soona, nai nusak Yehuda no nggolo-ta'dun-nala neukose hapu lamanene seluk hataholi-la kokolak lae, Sa'di leo Manetualain been-na ba'e-pala pupukuk malalaok-ka nai Yerusalem fo mamanak leleok fo malalaok ba'eneun.

YEREMIA 32:41

Neukose Au hii ka'da tao malole ba'eneu sila, ma Au tao-as leo lahele nai nusak ia soaneu losa dodoon-na.

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

YESKIAL 37:28

Metema, Au Umang-nga nai sila tala'da heon losa dodoon-na, soona besak-ka leoina fe'ek-kala bubuluk, lae Au Manetualain, hele basa Israel da'di Au anang mesang so.”

ULANGAN 33:19

Ala ka'i basa leoinak-kala, ala mai leo sila leten lain mai, fo ala tunu-hotu tutunu-hohotu matetuk-ka nai ndia. Ala hapu su'i-betes neme tasi-a mai, ma neme solokaek manandolo tasi su'un-na mai.”

YOSUA 22:19

Metema, emi nusam ndia manggenggeok, fo ta nandaa taon da'di mamana makaluku-makatele neu Manetualain fa soona, lali heok-kana leo ia mai, fo leo Manetualain nusan-na mai, fo Manetualain Lalaa Teman-na nai ndia. Ami fe emi ami nusam-ma seli, tehu sa'di boso la'ban Manetualain do la'ban ami nenik popo-tama seluk mei tunu-hotu fe'ek esa, te se'kona Manetualain fo ita Manetualain-na nanuu mei tunu-hotuk so.