KELUARAN 15:16 - Susula Malalaok Hehelu Palak Ma Hehelu Beuk

¹⁶ Ala bii-lamata'u lanseli, nai lelek lita matan Manetualain be'i-balakain. Lelek O anam-mala la'ok tunga ndia, tehu musu-a ta napalani kena-ka'i fas; Fe leoina fo O soi-po'i basak-kala lala tasi selik.

KELUARAN 15:16 ပူးပေါင်းရင်းမြစ်များ

KEJADIAN 35:5

Nai lelek Yakob no teidale-bobongin-nala la'o boema, Manetualain fe bibii-namata'uk-ka poti na laun manai kota-kota boboa-kaisun-nala, nalosa ala ta usi tunga Yakob no hataholin-nala fa.

2 SEMUEL 7:23

Nai basa daebafak ia lala'en-na, ta hapu leoina sama leo Israel fa. Ka'da Israel mesa-mesak-kana, nde leoina fo O soi-po'in neme tuni-ndenik-ka dalek mai, fo ana da'di O ana mesam. O tao fes basa tatao-nono'i matuaina, ma manada'di beuk lala'en-na, fo taon-na O na'dem-ma nanakoa-nanakiok nai basa daebafak-ka lala'en-na. O usi heni leoina fe'ek-kala, loo sila lamatua daebafan-nala, nai lelek O anam-mala leu latee-lata'ti.

MAZMUR 105:38

Bibii-namata'u matuaina, la'e hataholi Masir-ra, da'di, ala lamahoko, nai lelek hataholi Israel-lala la'o.

MAZMUR 74:2

Mafandendelek O anam fo, O heles neme makahulun eli mai, O soi-po'i leoina-kala, fo ela ala da'di O nuum. Mafandendelek Pupuku Sion fo, O taon da'di O mamana leleom-ma.

MAZMUR 89:14

O koasam-ma, ba'un-na seli, ma O be'i-balakaim anseli nanseli!

KELUARAN 11:7

Tehu, nai hataholi Israel-la dalek, nau hataholi, do bana-manu boe, neukose soe ndia, ta la'e fas. Soona neukose emi bubuluk, mae Au, Manetualain, ta'da fe'e hataholi Masir-rala, neme hataholi Israel-la mai.’ ”

KELUARAN 15:13

O hela-nole leoina fo O soi-tefa-malak ia-la, nanahu O liineka neu O hala hehelum-ma. O masulu-mahapas, no be'i-balakai manituk, ma O hela-noles leo O dae-oem fo malalao-malalafuk-ka.

KELUARAN 15:5

Tasi oe mademaina, ana ko'do-nalas, de sama leo batu-a, ana tu'da leo tasi oe-a buin-na neu.

KELUARAN 15:6

O be'i-balakaim dodoo doak-kana nanseli, ou Manetualain, O taom-ma musu-a tonggela.

KELUARAN 18:8

Musa tui aliaman-na, basa hata lala'en fo Manetualain taon la'eneu manek-ka ma leoina Masir-ra, soaneu soi-tefa hataholi Israel-la. Boeo ana tuin la'eneu toto'a-sosotak fo leoina Israel-la latongo loon nai eno tala'dak, ma tao leo beek de Manetualain soi-tefas.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

KELUARAN 23:20

“Neukose Au adenu Au ata nusa so'dang-nga, ana la'ok nai emi uluk, fo nasulu-nahapa emi nai emi leleo-lala'om dale, ma no emi leo mamanak fo Au sadiak-ka.

KELUARAN 23:22

Metema emi tungan, ma emi tao basa hata fo Au paletan neu emi soona, neukose Au atee-atati la'ban la'i esak emi musum-mala.

KELUARAN 23:27

Emi meu leo leoina-la meu-a, neukose Au tao-alas ala bii-lamata'u neu Au; neukose Au tao-alas matan-nala kelupuak; neukose basa emi musum-mala ala lepos fali, fo lalai.

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

YESAYA 51:10

O nde tao mama'da tasi-a, tasi maloaina, oe mademainan-na. O tao enok, tunga tasi ndia, fo ela hataholi nanasoi-po'ik-kala, hapu lena leo selik leu.

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

YEREMIA 31:11

Au se'i po'i hataholi Israel, ma Au soi-po'is neme leoina mabe'i-balakaik-ka mai.

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

ULANGAN 11:25

Neukose, emi Manetualaim-ma, taon-na basa hataholi manai nusak ndia lala'en-na, ala bii-lamata'u neu emi, sama leo Ana helu basak-ka, nalosa ta hapu hataholi esa boen, napalani kena-ka'i emi fa.

ULANGAN 2:25

Neme faik ia, neukose Au tao-a leoina fo manaleo su'di lai bee boe, ala bii-lamata'u neu emi. Metema lamanene emi na'dem-ma soona, ala dele-bengge'be, nana bibii-namata'uk-ka.’ ”

ULANGAN 2:4

Basa boema, Manetualain nadenu au, fo au fe emi natutu'duk-ka nde ia nae, ‘Ta dook-ka so'on te, neukose emi masok nusa Edom-ma, fo emi tolanoom-mala, fo Esau tititi-nonosin nusan-na. Neukose ala bii-lamata'u neu emi,

ULANGAN 32:6

Emi balas Manetualain dale malolen-na leondiak hai hataholi nggoak ma dudu'a-aafi tak-kala lemin? Ade, Ndia ta nde emi Amam, fo Manamakadada'dik emi, fo manatao emi da'di leoina esa fa do?

ULANGAN 32:9

Tehu Yakob tititi-nonosin ia-la Manetualain heles da'di Ndia nuu Mesan.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

YOSUA 2:9

de nafa'das nae, “Au bubuluk, Manetualain fe basa emi nusak ia so. Basa hataholi manai ia-la, ala bii emi.

YOSUA 4:24

fo ela basa hataholi manai daebafak-ka bubuluk, Manetualain koasan-na ba'un-na seli. Ma no enok ndia boe, neukose emi fe ha'da-holomata neu emi Manetualaim-ma, losa dodoon-na.”

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

2 PETRUS 2:1

Makahulu na, hapu nabi masapepeko kala, ala mai leo Manetualain hataholi kamahehele nala dalek mai. Leondiak boe, neukose mese pepeko kala, ala mai leo emi tala'da mai boe. Mesen sila la, lanoli nanoli masalak, fo nini ka'da momopo-mamates fe hataholi a. Ma neukose lalelesi Mana Koasa fo mana soi-po'i sila. No enok ndia, sila nde lini momopo-mamates fe sila ao ina na, fo ta doo anak so'on te, ana tuni nalas so.

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.

SEMUEL SUSULAK-KA ESAN-NA 25:37

Balahaa fafaik, de Nabal langan-na lea boema, saoinan-na tuin basa tatao-nono'i mangalauk sila la lala'en-na. Boema, Nabal hapu he'dis-sa nai bade'en-na, de basa aon-na lala'en-na, da'di lu'uk.