KELUARAN 14:4 - Susula Malalaok Hehelu Palak Ma Hehelu Beuk

⁴ Neukose, Au tao-an da'di langa batuk, fo neu usi emi. Tehu neukose, Au atu'du Au koasang-nga neu manek Masir-ra, ma solda'dun-nala, fo neukose ala bubuluk, lae Au nde Manetualain.” Boema hataholi Israel-la taon, sama leo hata fo Manetualain paleta neus.

KELUARAN 14:4 ပူးပေါင်းရင်းမြစ်များ

NEHEMIA 9:10

O tao dede'a matuaina-la soaneu mane Masir-ra, boeo soaneu hataholi mana'a ngga'di-la boema laun manai nusan-na, nana O bubuluk tao leo beek ala fepa-li'u O anam-mala. Boema O na'dem-ma nananita-nalelak losa faik ia.

KELUARAN 10:2

ma, fo ela o hapu tui o upu-anam tao leo beek, de Au tao akamiminak leoina Masir-rala nenik manada'di beuk sila-la. Boema emi basa-basam-mala bubuluk, mae Au nde Manetualain.”

KELUARAN 10:27

Manetualain taon-na manek-ka nalanga batu, nalosa ana ta po'i hataholi Israel-la la'o fa.

KELUARAN 12:28

Boema ala la'o, de ala tao tunga Manetualain, paletan neu Musa ma Harun.

KELUARAN 14:23

Hataholi Masir-ra loo basa ndala, kaleta ma hataholi manasa'ek-kala, ala usi lakandoo, de ala tunga hataholi Israel-la leo tasi tala'da leu.

KELUARAN 14:25

Ana tao nalutu kaleta-la ein-nala, nalosa ala tutulumatak no sosota-mamanguk. Hataholi Masir-ra lafa'da lae, “Manetualain natee-nata'ti nggati hataholi Israel-la, fo la'ban ita. Mai fo talai teme ia mai!”

KELUARAN 14:3

Neukose, manek Masir-ra naedaenga hataholi Israel-la bei laleu-lalaak lai nusak ia, de ala sala nai moo solokaek-ka.

KELUARAN 14:5

Lelek manek Masir-ra namanene lae hataholi Israel-la lalai so boema, ndia ma basa manapaletan-nala lasasale dale, de lafa'da lae, “Ita tao leo beek bai? Tao le'e de, ita po'ilotak hataholi Israel sila-la ala la'o, nalosa ita tamopo ita atan-nala?”

KELUARAN 14:8

Memak, Manetualain tao-na manek Masir-ra da'di langa batuk, nalosa ana usi hataholi Israel-la bei lai leleo-lala'on-nala dalek, nai lelek ala la'oela nusak ndia no Manetualain nasulu-nahapan.

KELUARAN 18:11

Besak ia, au bubuluk ae Manetualain, ba'ulena basa lamatuak lala'en-na, nanahu Ana tao basa sila-la, nai lelek hataholi Masir-ra no koao-ndaeaok nanseli, ala tuni-ndeni hataholi Israel-la.”

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

KELUARAN 7:17

Hu ndia de, Manetualain, nafa'da nae leo ia, ‘Neme hata fo neukose, mahani te Au taon soona, neukose o bubuluk mae Au nde Manetualain. Neukose au fepa aitete'ek ia neu lee-a oen lain, fo oen-na nasafali da'di daak.

KELUARAN 7:3

Tehu neukose, Au tao-a manek-ka da'di nalanga batu. Neukose ana ta taoafik neu o fa, leomae Au fe soe makadotok, da'di nai Masir so.

KELUARAN 7:5

Boema, hataholi Masir-ra neukose bubuluk, lae Au ia Manetualain, nai lelek Au hukus-sala, ma nai lelek Au o Israel kalua neme sila nusan-na mai.”

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

YESKIAL 28:22

Mafa'da laun-nala mae Au, Manetualain Fo Mademaina, nafa'das nae, ‘Hai Sidon, o musum-ma nde Au ia. Neukose hataholi-la, ala koa-kio Au, nanahu Au tatao-nono'ing soaneu o-a. Nai lelek Au huku o laum-mala, neukose ala bubuluk lae Au nde, Manetualain fo malalao-malalafuk-ka.

YESKIAL 32:15

Metema Au tao Masir da'di moo solokae louk, boema Au tao amate-amopo basa hata fo manaleo manai ndia soona, neukose ala bubuluk, lae Au nde Manetualain-na.

YESKIAL 38:16

Boema, o sapu-ma Au anang Israel, sama leo ani-sangu-a sa'e-na daebafak-ka. Metema fain-na losa soona, neukose Au adenu o, fo muu mangatuu-ma Au daeng-nga. Hai Gog, no Au tatao-nono'ing tunga o, de neukose leoina-kala bubuluk, see Au, fo nde Manetualain, fo malalao-malalafuk-ka.

YESKIAL 38:23

No enok ndia, neukose Au atu'du neu basa leoina lala'en-na, ae Au ia matua-madema, ma malalao-malalafuk. Soona besak-ka ala bubuluk, lae Au nde Manetualain-na.”

YESKIAL 39:13

Basa laun manai nusak-ka lala'en-na, latoi-latono hataholi manamatek sila-la, de no sila tatao-nono'in ndia de, neukose ala hapu kokoa-kikiok, nai faik fo, Au atu'du Au mandela-masa'ang-nga. Au, Manetualain Fo Mademaina, nde manakokolak-ka.

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

ROMA 11:8

Nana nai Susula Malalaok dale nanasulak nae leo ia, “Manetualain tao na dale nala ma dudu'a-aafi nala lamanggoa; de losa besak ia, mata nala beita lita ma di'idoo nala ta hapu lamanene fa.”

ROMA 9:17

Nana nai Susula Malalaok dale nanasulak nae, “Manetualain nafa'da mane Masi ra nae, ‘Au so'u o da'di manek soaneu ka'da dudu'ak esa nde ia, fo ela tunga o fo Au atu'du Au koasa nga ma Au na'de nga nananita-nalelak nai basa daebafa ka lala'ena.’ ”

ROMA 9:18

Da'di, Manetualain dale susue-lalain neu hataholi esa, metema nahiik Ana tao leondiak. Ma Manetualain tao na hataholi esa langa batu, metema Manetualain nahiik tao leondiak boe.

YOSUA 11:20

Manetualain tao-na dalen-nala latea soaneu latee-lata'ti loo hataholi Israel-la, fo ela tao lamopo-lamates, ma taolisa la'iesak-kasa, ta no do'o do ampon fa, fo nandaa no Manetualain paletan neu Musa.

HAKIM-HAKIM 4:7

Mahani te, neukose au tao-a Sisera, fo Yabin malanga solda'du matuainan-na, ana mai no solda'dun-nala, ma kaleta musun-nala, fo latee-lata'ti loo emi. Tehu, neukose Au fe emi sengi nai natee-natatik ndia dalek.’ ”