KELUARAN 14:30 - Susula Malalaok Hehelu Palak Ma Hehelu Beuk

³⁰ Nai faik ndia, Manetualain soi-tefa-na leoina Israel-la neme hataholi Masir-ra mai, ma lita hataholi Masir-ra popolan-nala benggela nai tasi su'un-na.

KELUARAN 14:30 ပူးပေါင်းရင်းမြစ်များ

2TAWARIKH 32:22

Enon-na leondiak, Manetualain soi-po'i Manek Hizkia ma laun Yerusalem-mala leme manek Sanherib-pa koasan-na mai ma, ma neme sila musu fe'e-fe'en-nala mai. Manetualain fes maso'da nee nee-lino lino-ka de ala ta hapu nakasese'bok neme nusaina manai sila titia-tatain-nala mai fa.

MAZMUR 106:10

No enok ndia, Ana soi-tefa-nalas, leme musu nook-ka liman mai ma Ana soi-po'is, leme musu koasan-na mai.

MAZMUR 106:8

Tehu Manetualain soi-tefa-nalas, hu kande na'den-na, fo ela napalanin-na, da'di nananitak.

MAZMUR 58:10

Beita lame'da fa te, mopo-mates so, sama leo makatemak fo bei momo'dok ma beita namatua fa, te anin-na fuu nenin nono'kabai bubu'u-palusa tuuk-ka.

MAZMUR 59:10

O nde au be'i-balakaing, de au amahena neu O, O da'di au mamana nalaing-nga ou Manetualain.

MAZMUR 91:8

Metema, o mete leo o boboa-kaisum muu soona, neukose o mita hataholi mangalauk-ka, sipo babalan-na.

KELUARAN 14:13

Musa nataa nae, “Boso bii-mamata'u! Makatatakak mahele! Neukose emi mita hata fo Manetualain taon soaneu soi-tefa-nala emi. Hataholi Masir fo besak ia emi mitak sila-la, neukose emi ta mita seluk-kasa so'on.

YESAYA 63:11

Boema ala nafandele-la, tepo lelek makahulun-na, Musa, fo Manetualain atan-na, tepo lelen-na. Ala latane lae, “Manetualain fo, manahela-nole anan-nala mauli-malangan-nala, tunga tasi dale-a, nai bee? Manetualain fo, manafe koasan-na neus-sala, nai bee?

YESAYA 63:8

Manetualain nafa'da nae, “Te'e-te'e, sila nde been-na, Au anang, anak fo, ala ta tao-la Au daleng-nga ba'ihana fa.” Boema, Ana da'di sila Manasoi-manatefan,

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

HOSEA 1:7

Tehu neukose, Au sue-lai leoina Yehuda. Au Manetualain, fo sila Manetualain-na, neukose soi-tefa alas, tehu ta nenik natee-natatik, boeo ta nenik tafaina do kokouk do manasa'e ndala-la fa.”

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

YUDAS 1:5

Basa sila la, emi bubulu kasa so. Tehu au nau fe seluk emi nasa nene'dak la'eneu, tao leo beek de Amak Manetualain soi-tefa na hataholi Israe la leme dae Masir a mai, tehu makabui na, hataholi Israel bee, ta namahele fa soona, Ana huku nisas.

HAKIM-HAKIM 10:11

Manetualain nataa nae, “Makahulun-na, leoina Masir, Amori, Amon, Filistin, Sidon, Amalek ma leoina Maon-nala paleta emi. Boema, nai lelek ndia, emi maloo bou-bou neu Au, hetu? So'ba mafandele, ade Au ta soi-tefa ala emi neme sila koasan-na mai fa do?

SEMUEL SUSULAK-KA ESAN-NA 11:13

Tehu Saul nafa'da nae, “Ta bole taomisa hataholi esa boen nai faik ia dalen-na, nanahu nai faik ia dalen-na, Manetualain soi-tefa-na Israel so.”

SEMUEL SUSULAK-KA ESAN-NA 14:23

Latee-lata'ti su'di enok-ka nanalun-na, losa ala seli Bet-Awen. Nai faik ndia dalen-na, Manetualain soi-tefa-na Israel.