KELUARAN 14:27 - Susula Malalaok Hehelu Palak Ma Hehelu Beuk

²⁷ Boema Musa leleuk liman-na leo tasi lai neu, de nai lelek dulufula boema, oe-a nakabubua falik leo makasososan-na. Hataholi Masir-ra sanga enok fo laso'da, tehu Manetualain tao-nalas ala bolo nai tasi dale.

KELUARAN 14:27 ပူးပေါင်းရင်းမြစ်များ

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.

MAZMUR 106:11

Tehu oe tao-na, sila musu noon-na bolo; de tae la hataholi esa boen.

MAZMUR 136:15

Tehu Ana tao-na mane Masir-ra, no solda'dun-nala bolo; susue-lalain manaketu-basa tak, losa dodoon-na.

MAZMUR 78:53

Nai hehela-nonolen-na dalek, ala nee-nee lino-lino ma ta bii lamata'u fa, tehu sila musun-na soona, bolo lai tasi dale.

YESAYA 10:26

Au, Manetualain Fo Manakoasa, neukose Au filuk-kasa nenik ue, sama leo Au anoli hataholi Midian-nala leme lete batu Oreb-pa. Neukose Au huku Asyur, sama leo Au huku Masir.

ULANGAN 11:4

Emi mita, tao leo beek de, Manetualain tao namate-namopo solda'du Masir-ra no basa ndalan-nala, ma kaleta musun-nala. Ana taon-na basa-basas bolo leme Tasi Gelagah nai lelek ala usi emi-a.

IBRANI 11:29

Hu ka nde namahehele ka, de hataholi Israe la, ala hapu lena lala Tasi Pila sa selik, nono'ka bai ala la'ok nai dae ma'dak lai na, tehu hataholi Masir ala, tasi ndia ko'do henis nai lelek ala so'ba lena boe.

YOSUA 24:7

boema laloo bou-bou neu Au loke tutulu-fafalik. Boema mamanak manai sila loo hataholi Masir-ra tala'da ndia, Au tao-an da'di makahatuk, ma Au akadofu ketu hataholi Masir sila-la nenik tasi oe, losa basa-basas bolo. Emi bubuluk, basa hata fo Au taon soaneu Masir so. Emi leo meme moo solokaek-ka, doon-na seli.

YOSUA 4:18

Basa imam sila-la losa lee su'un-na tu'tik-ka, lee ndia oen-na mulai faa falik, de oen-na makadotok nanseli, sama leo makahulun-na.