KELUARAN 14:25 - Susula Malalaok Hehelu Palak Ma Hehelu Beuk

²⁵ Ana tao nalutu kaleta-la ein-nala, nalosa ala tutulumatak no sosota-mamanguk. Hataholi Masir-ra lafa'da lae, “Manetualain natee-nata'ti nggati hataholi Israel-la, fo la'ban ita. Mai fo talai teme ia mai!”

KELUARAN 14:25 ပူးပေါင်းရင်းမြစ်များ

2TAWARIKH 20:29

Basa nusaina fe'ek-kala ala bii-lamata'u nai lelek lamanene tao leo beek de Manetualain sengi Israel musu-nala.

NEHEMIA 4:14

Lelek au ita ae laun-na bii lamata'u boema au afa'da laun-nala, basa lasi nggolo kala boema basa mauli-malangan-nala ae, “Boso bii mamata'u neu musu a! Mafandele neu Manetualain fo mabe'i-balakai matuaina, fo matati soaneu tolano mala, ana mala, saoinam-mala ma uma loo mala!”

NEHEMIA 6:16

Lelek ami musu-musum manai leoina titia-tataik sila-la lamanene dede'ak ndia boema, ala bii mopo na'den-nala, nana basa hataholi-la bubuluk lae bela-ba'uk ndia nanataok nenik Manetualain tutulu-fafalin.

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.

AYUB 11:20

Tehu, hataholi mangalauk-ka, neukose ana mete, fo napangamak, nana, ta hapu tutulu-fafalik ba'eneu sila fa. Sila namahehenan-na, ka'da kisak esa mesak-kana, fo nde, mamates-sa, losa lai-lai leona.”

AYUB 20:24

Metema nalai fo dook-ka neme tafaina bai mai soona, neukose kokouisik neme liti-a tolan.

AYUB 27:22

Susa-soe tuni la'en, no ta pake dale kasian fa, de nau do ta nau fa, neu sanga nasulu-nahapak

MAZMUR 35:1

Dauk kokoa-kikiok. Manetualain la'ban hataholi manala'ban au-a, matee-matati no hataholi fo, nasuu natee-natati no au.

MAZMUR 46:9

Mai, fo mete hata fo Manetualain tao-no'in; tatao-nono'in nanadodoo-doak nanseli nai daebafak-ka!

MAZMUR 68:12

Manetualain fe paleta, boema basa inak-kala lini halak lae:

MAZMUR 76:6

Hataholi manakalok-kala, ala kalo hataholi palani-la so; ala sungu, de neukose ala ta fo'a so'on. Solda'du ao makadelek-kala mopo be'i-balakain-nala so.

KELUARAN 14:14

Neukose Manetualain natee-nata'ti nggati emi, de emi pe'daom.”

KELUARAN 14:18

Soona neukose, hataholi Masir-ra bubuluk, lae Au nde Manetualain.”

KELUARAN 14:4

Neukose, Au tao-an da'di langa batuk, fo neu usi emi. Tehu neukose, Au atu'du Au koasang-nga neu manek Masir-ra, ma solda'dun-nala, fo neukose ala bubuluk, lae Au nde Manetualain.” Boema hataholi Israel-la taon, sama leo hata fo Manetualain paleta neus.

KELUARAN 15:3

Manetualain nde palani ta'tibatu, fo makadelek, Na'den-na nde, Manetualain ndia.

YESAYA 31:4

Manetualain nafa'da au nae, “Sama leo singa namanasa, soaneu nanea nana'an-na, ma ta hapu nakabibiik-kana nenik manafoo bubuak esa eekin ma nakadiin, fo ala mai la'ban-nana, leondiak boe Au, neukose Au atee-atati, fo Au anea Pupukuk Sion-na.

YEREMIA 51:21

O nanapeke fo tao makalulutuk ndala-la ma manasa'en-nala, boema kaleta ma mananeni kaleta-nala.

AMOS 1:14

Hu ndia de, neukose Au haitua ha'i-a leo kota Raba papala-nanadaman-nala neu, fo na'a heni basa kota musun-nala. Nai lelek ndia, neukose lamanene musu nangguu mai, ma natee-natatik doto-doto sama leo ani-sangu.

AMOS 5:19

Heo-hilun sama leo hataholi fo nalai neme singa mai, tehu natongo no meoasu-a. Do sama leo, hataholi fo ne'un leo uma neu, de ana to'ba liman-na neu uma papala nanadaman-na, boema menge kaan!

AMOS 9:1

Au ita Manetualain napadeik deka no mei tunu-hotuk-ka. Ana fe paleta nde ia, “Fepa mapane'e basa dii lupek manai Au Uma nga, fo ela basa uma laten-na lala'en-na nanggengo. Soli matu'u dii sila-la leo hataholi-la langan lain neu. Ta mate see fa soona, neukose Au taoisan nai natee-natatik dale. Hataholi esa boen, ta hapu nalai fa, ma neukose ta hapu hataholi esa boen naladeak fa.

ULANGAN 1:30

Emi Manetualaim-ma, neukose nauli-nalanga emi, fo natee-nata'ti soaneu emi, sama leo emi mita matam neme Masir so,

ULANGAN 3:22

Boso bii-mamata'u neu hataholi sila, nanahu o Manetualaim-ma, neukose natee-nata'ti nggati o.”

ULANGAN 32:31

Israel musun-na, ana bubuluk, nae sila manamasulu-mahapan-na, ta sama leo Manetualain, fo Israel manamasulu-mahapan-na fa.

YOSUA 10:14

Manada'di ndia, beita da'di nita fa, ma neukose nai faik esa, ana ta da'di sama leo faik ndia, fo nae Manetualain tunga hataholi daebafak-ka dale hihiin-na. Manetualain natee-nata'ti nok Israel!

HAKIM-HAKIM 4:15

basa boema, ala sapu-la Sisera. Boema, Manetualain tao tapasasala Sisera solda'dun-nala, ma kaleta musun-nala, nalosa Sisera kona neme kaletan lain mai, de nalai no ana la'o eik.