KELUARAN 14:24 - Susula Malalaok Hehelu Palak Ma Hehelu Beuk

²⁴ Sanga deka lolebalahaak boema, Manetualain mete solda'du Masir-ra neme dii ha'ik ma dii ko'as dale mai, de Ana taon-nalas lapokak.

KELUARAN 14:24 ပူးပေါင်းရင်းမြစ်များ

AYUB 22:13

Tehu, o matane mae, “Ndia bubuluk beek? Ndia nai ko'as-sa selik, de Ana ta bisa naketu-nala'di ita fa.”

AYUB 34:20

Fatila'da soona, sila bisa mate no kaiboik, Manetualain huku manakoasa-la, de sila boeo, mopo-mate; Ana taonisa hataholi mabe'i-balakaik ma palani, no mu'dak la'i esak-kana.

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

AYUB 40:12

Hei, mete hataholi manakoao-ndaeaok-ka, fo ne'e maloe langan-na! Tutu makasosopuk, hataholi mangalauk-ka, neme mamanan-na.

MAZMUR 104:32

Ana mete daebafak-ka, de Ana tao-nan dele, ana koila'e letek-kala, nalosa masun-nala kalua.

MAZMUR 48:5

Mete leona, mane-manek-kala lakabubua; ala sanga mai sapu.

MAZMUR 78:14

Ana hela-noles nenik dii ko'as-sa, nai fai lele'don-na, ma nenik dii ha'ik-ka, nai fai le'odaen-na.

MAZMUR 90:4

Ba'eneu O, teuk lifun esa, sama leo faik esa, huas-sa fain-na seli so; fai le'odaen-na, leondiak boe.

KELUARAN 13:21

Nai fai lele'don-na, Manetualain la'ok nai uluk, fo nai dii ko'as dale, ma nai fai le'odaen-na, Ana la'ok nakahuluk-kasa nai dii ha'ik dale, fo natu'du enok-ka. No enok ndia, ala hapu la'ok lele'do le'odaen.

KELUARAN 14:25

Ana tao nalutu kaleta-la ein-nala, nalosa ala tutulumatak no sosota-mamanguk. Hataholi Masir-ra lafa'da lae, “Manetualain natee-nata'ti nggati hataholi Israel-la, fo la'ban ita. Mai fo talai teme ia mai!”

AMOS 9:4

Metema musu-a ho'u nalas soona, neukose Au fe paleta fo taolisas. Au daleng-nga natea basa soaneu tao amopo-amates, de ta hapu manatulu-fali, tulu-fali fas.”

SEMUEL SUSULAK-KA ESAN-NA 11:11

Balahaa fafaik boema, Saul ba'e hataholin-nala neu baba'ek telu. De dulufula boema, ala sapu leo hataholi Amon sila-la mamana ofun-na tala'da heon de latee-lata'ti los. Beita losa le'dohana boen te, Saul solda'dun-nala sengi musu-a so. Hataholi Amon manamalai laladeak-kala, tapasasala, nalosa ta hapu hataholi dua lalaik lakabubua fa.