KELUARAN 14:17 - Susula Malalaok Hehelu Palak Ma Hehelu Beuk

¹⁷ Neukose Au tao-a hataholi Masir-ra lalanga batu, nalosa ala usi lahele hataholi Israel-la, fo neukose, Au atu'du Au koasang-nga neu manek Masir-ra, solda'dun-nala, kaleta musun-nala, boema basa hataholi manasa'e ndalan-nala.

KELUARAN 14:17 ပူးပေါင်းရင်းမြစ်များ

KEJADIAN 50:9

Solda'du manasa'e kaleta ma manasa'e ndala la tunga boe, nalosa nonongok ndia nalu na seli.

KEJADIAN 6:17

Te neukose, Au fe faa tuak-ka mai, fo ana tao namopo-namate basa mahahae maso'dak, fo laso'da nai daebafak-ka. Basa hata lala'en, fo manai daebafak-ka, neukose mate la'iesak-kasa,

KEJADIAN 9:9

“Besak ia, Au tao hehelu-balataak no o, ma no o tititi-nonosim,

KELUARAN 14:23

Hataholi Masir-ra loo basa ndala, kaleta ma hataholi manasa'ek-kala, ala usi lakandoo, de ala tunga hataholi Israel-la leo tasi tala'da leu.

KELUARAN 14:4

Neukose, Au tao-an da'di langa batuk, fo neu usi emi. Tehu neukose, Au atu'du Au koasang-nga neu manek Masir-ra, ma solda'dun-nala, fo neukose ala bubuluk, lae Au nde Manetualain.” Boema hataholi Israel-la taon, sama leo hata fo Manetualain paleta neus.

KELUARAN 14:8

Memak, Manetualain tao-na manek Masir-ra da'di langa batuk, nalosa ana usi hataholi Israel-la bei lai leleo-lala'on-nala dalek, nai lelek ala la'oela nusak ndia no Manetualain nasulu-nahapan.

KELUARAN 4:21

Manetualain, nafa'da Musa nae, “Au fe basa o koasa, soaneu tao manada'di beuk-kala so. Da'di, mahani te, metema o losa Masir soona, tao basa manada'di beuk sila-la nai manek Masir-ra matan. Tehu, neukose Au tao-an nalanga batu, nalosa ana ta po'i leoina ndia la'o fa.

KELUARAN 4:23

de Au paleta basa o so, de po'i Au anang sila fo ala la'o, fo ela ala sene-do'ok neu Au, tehu o ta sipok fa. Besak ia, neukose Au taoissa o ana ulum-ma.’ ”

KELUARAN 7:3

Tehu neukose, Au tao-a manek-ka da'di nalanga batu. Neukose ana ta taoafik neu o fa, leomae Au fe soe makadotok, da'di nai Masir so.

YESAYA 48:15

Au nde mana mafa'dan-nana, ma Au nde manamaloo ndia, fo manahela-nole ndia, nalosa ana hapu buna-boan.

YESAYA 51:12

Manetualain nafa'da nae, “Au nde kokoe-nanasi emi-a. Tao le'e de, o bii-mamata'u neu hataholi daebafak fo, manasapu-manalalok-ka, neu hataholi daebafak fo, nanatapa henik, sama leo na'u-a?

YEREMIA 23:39

Soona, neukose Au ho'u as fo Au tapas leu dook-ka neu, leomae sila ma kota fo Au fe basan neu sila, ma sila bei ba'i kai manamaten-nala.

YESKIAL 28:22

Mafa'da laun-nala mae Au, Manetualain Fo Mademaina, nafa'das nae, ‘Hai Sidon, o musum-ma nde Au ia. Neukose hataholi-la, ala koa-kio Au, nanahu Au tatao-nono'ing soaneu o-a. Nai lelek Au huku o laum-mala, neukose ala bubuluk lae Au nde, Manetualain fo malalao-malalafuk-ka.

YESKIAL 34:11

Manetualain Fo Mademaina nafa'da nae, “Neukose Au sanga Au bi'ilopong-ngala, fo Au akabobois,

YESKIAL 34:20

Hu ndia de Au, Manetualain Fo Mademaina, afa'da emi hai bi'ilopo maao-la lemin, neukose Au mai da'di leo manakee-manafula nai bi'ilopo mabe'i-balakaik-ka no bi'ilopo tapandoes-sa tala'da.

YESKIAL 5:8

Hu ndia de, Au, Manetualain Fo Mademaina, afa'da ae o musum-ma nde been-na, nde Au. Neukose, Au huku o nai leoina fe'ek-kala matan.

YESKIAL 6:3

Madenus, fo lamanene ma ala taoafik neu hata fo Au, Manetualain Fo Mademaina, nafa'dan neu letek sila-la, neu pupukuk-kala, bafak-kala, ma bafak-kala boe. Tete'ek-ka, neukose Au haitua tafaina ne'i, fo ana tao nakalulutuk mamana sosongo-tatangok-kala.

HOSEA 5:14

Sama leo meoasu-a sapu-nalas, leondiak boe, neukose Au sapu-a hataholi Israel-la, ma hataholi Yehuda-la. Au nde, neukose sisii-lulu'is, boema Au la'oelas. Metema Au lele'a-lolosos la'o soona, ta hapu hataholi esa boen, bisa soi-po'i fas.

IMAMAT 10:3

Boema Musa nafa'da Harun nae, “Manetualain dale dodoon-na nde ndia, nai lelek nafa'da nae, ‘Basa manamalalau-maoono Au-a, muse fe ha'da-holomata neu Au malalao-malalafung. Neukose, Au atu'du Au matua-mademang neu basa Au leoinang-nga lala'en-na.’ ” Tehu, Harun ka'da denge-denge.

IMAMAT 26:28

soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

ROMA 9:18

Da'di, Manetualain dale susue-lalain neu hataholi esa, metema nahiik Ana tao leondiak. Ma Manetualain tao na hataholi esa langa batu, metema Manetualain nahiik tao leondiak boe.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

YOSUA 11:20

Manetualain tao-na dalen-nala latea soaneu latee-lata'ti loo hataholi Israel-la, fo ela tao lamopo-lamates, ma taolisa la'iesak-kasa, ta no do'o do ampon fa, fo nandaa no Manetualain paletan neu Musa.

HAKIM-HAKIM 4:7

Mahani te, neukose au tao-a Sisera, fo Yabin malanga solda'du matuainan-na, ana mai no solda'dun-nala, ma kaleta musun-nala, fo latee-lata'ti loo emi. Tehu, neukose Au fe emi sengi nai natee-natatik ndia dalek.’ ”

SEMUEL SUSULAK-KA ESAN-NA 6:6

Sosoak hata, emi malanga batu sama leo makahulun-na, mane Masir-ra ma hataholin-nala boe? Boso mafandele heni, tao leo beek de Manetualain tao nakamiminak-kasa, nalosa lame'da he'din-na boema, ala po'i hataholi Israel sila-la, la'oela Masir.