KELUARAN 14:16 - Susula Malalaok Hehelu Palak Ma Hehelu Beuk

¹⁶ So'uk o aitete'em-ma, fo leleuk-kana leo tasi lai neu. Soona neukose, oe-a ta'tiba'en neu dua, fo hataholi Israel-la hapu lena tasi-a, no ala la'ok nai dae ma'dak lain, nai tasi buin-na.

KELUARAN 14:16 ပူးပေါင်းရင်းမြစ်များ

2RAJA-RAJA 4:29

Elisa lipa leo Gehazi neu, boema nae, “Lai-lai! Ho'i-ma, au aitete'eng-nga, fo la'o tutik leo Inak ia uman muu. Boso mate'e, fo matea su'di see, fo o matongo moon nai enok. Metema, hataholi nate'a o soona, boso tu'u-tapa heni le'do-fai, soaneu balas nate'an-na. O losa tutika, tao au aitete'eng-nga neu ni'iana ndia aon lain.”

KELUARAN 14:15

Manetualain nafa'da Musa nae, “Tao le'e de, o nggasi moke tutulu-fafalik? Madenu hataholi Israel-la, fo ala la'ok lakandoo!

KELUARAN 14:26

Manetualain nafa'da Musa nae, “Leleuk o limam-ma leo tasi lai neu, soona neukose oe fali, fo hataholi Masir-ra, kaleta-la ma hataholi manasa'ek-kala bolo.”

KELUARAN 17:5

Manetualain nafa'da Musa nae, “Maloo-ma, maneleo de'ubee, fo la'ok makabubua moos, nai leoina ia uluk. Boeo ho'i meni aitete'ek fo o paken, nai lelek o fepa Lee Nil-la.

KELUARAN 17:6

Neukose, Au apadeik nai o matam-ma, nai batu matuaina esa lain, nai Lete Sinai-a. Fepa batu ndia, soona neukose oe-a kalua, nalosa hataholi sila-la bisa linu.” Musa tao leondiak, nai basa maneleo Israel-la matan.

KELUARAN 4:17

Ho'i meni aitete'ek ndia, nanahu neukose o tao manada'di beuk, menik aitete'ek ndia.”

KELUARAN 4:2

Manetualain natane Musa nae, “Beek manai o limam-ma ndia?” Musa nataa nae, “Aitete'ek.”

KELUARAN 4:20

Boema, Musa leleko saon-na ma anan-nala, de nakasasa'ek-kasa neu keledei lain, de ala la'o sama-sama leo Masir leu. No Manetualain paletan-na, de Musa ho'i neni aitete'en-na boe.

KELUARAN 7:19

Manetualain, nafa'da Musa nae, “Madenu Harun, fo ana ho'i-na aitete'e-na, fo leleuk-kana leo basa lee-la, oelolok-kala ma lifu-lifu manai Masir-ra. Neukose oen-nala da'di daak, ma neukose hapu daak nai nusak-ka lala'en-na, nakalenak nai tong ai-la dalek, ma nggusi batu-la dalek.”

KELUARAN 7:9

“Metema manek-ka noke emi tao manada'di beuk, fo da'di neu buti soona, madenu Harun, fo ana ho'i-na aitete'en-na, fo ana tapan neu dae lain, nai manek-ka matan. Soona neukose, aitete'ek ndia nasafali da'di menge.”

YESAYA 10:26

Au, Manetualain Fo Manakoasa, neukose Au filuk-kasa nenik ue, sama leo Au anoli hataholi Midian-nala leme lete batu Oreb-pa. Neukose Au huku Asyur, sama leo Au huku Masir.

HABAKUK 3:8

Ou Manetualain, ade, hu ka nde tasi-a de, O nasam-ma fo'a do? Ade, lee-la nde tao-la O mamanasa do? O sa'e ko'as-sa da'dileo ndala ma kaleta musu, nai lelek O fe O anam-mala sesengik.

BILANGAN 20:11

Boema, Musa so'uk ai tete'ek ndia leo lain neu, de ana fepan la'i dua, neu pupuku batu ndia. Boema oe-a nasapoka mai, nalosa basa hataholi-la loo bana-manun-nala hapu linu.

YOSUA 8:18

Basa boema, Manetualain nafa'da Yosua nae, “So'uk o teem-ma, fo matu'dun leo Ai neu; besak ia, Au fe kota ndia leo o neu.” Yosua tao tunga Manetualain paletan ndia.