KELUARAN 14:14 - Susula Malalaok Hehelu Palak Ma Hehelu Beuk

¹⁴ Neukose Manetualain natee-nata'ti nggati emi, de emi pe'daom.”

KELUARAN 14:14 ပူးပေါင်းရင်းမြစ်များ

2TAWARIKH 20:15

de nafa'da nae, “Ama Manek fo Mandela-masa'ak, boema tolano-tolanoong-ngala lemin. Manetualain nafa'da nae ta bole ketu emi namahehena-ma do bii-mamata'u masasalematak moo solda'du makadotok sila-la. Nana manatee-matati-ka ta nde emi fa, te Manetualain dei.

2TAWARIKH 20:17

Emi ta paluu matee-matati nai natee-natatik ia dalek fa. Meu leo mamanak fo nananafa'da basak neu emi so, fo mahani ka'da ndia. Neukose emi mita Manetualain fe emi sengi. Hai laun Yehuda ma Yerusalem-mala lemin, dalem-mala boso ba'ihana do bii-mamata'u. Ka'da masok leo natee-natatik ndia dalek meu, te neukose Manetualain tulu-fali emi!”

2TAWARIKH 20:29

Basa nusaina fe'ek-kala ala bii-lamata'u nai lelek lamanene tao leo beek de Manetualain sengi Israel musu-nala.

NEHEMIA 4:14

Lelek au ita ae laun-na bii lamata'u boema au afa'da laun-nala, basa lasi nggolo kala boema basa mauli-malangan-nala ae, “Boso bii mamata'u neu musu a! Mafandele neu Manetualain fo mabe'i-balakai matuaina, fo matati soaneu tolano mala, ana mala, saoinam-mala ma uma loo mala!”

NEHEMIA 4:20

Da'di metema emi mamanene pupuu ka lii na soona, lai-lai makabubua okofefeo ma ami mai ia. Neukose ita Aman Manetualain natee-natati nggati ita.”

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.

MAZMUR 35:1

Dauk kokoa-kikiok. Manetualain la'ban hataholi manala'ban au-a, matee-matati no hataholi fo, nasuu natee-natati no au.

MAZMUR 50:3

Ita Manetualain-na, Ana mai te Ana ta pe'dak lima-ein fa, Ha'i manapila masalolo'dek-ka, ana mai nakahuluk-kana, ma ani-sangu matuaina, okofefeo-nan.

MAZMUR 83:1

Asaf Kokoa-kikion: nakameek esa.

KELUARAN 14:15

Manetualain nafa'da Musa nae, “Tao le'e de, o nggasi moke tutulu-fafalik? Madenu hataholi Israel-la, fo ala la'ok lakandoo!

KELUARAN 14:25

Ana tao nalutu kaleta-la ein-nala, nalosa ala tutulumatak no sosota-mamanguk. Hataholi Masir-ra lafa'da lae, “Manetualain natee-nata'ti nggati hataholi Israel-la, fo la'ban ita. Mai fo talai teme ia mai!”

KELUARAN 15:3

Manetualain nde palani ta'tibatu, fo makadelek, Na'den-na nde, Manetualain ndia.

YESAYA 30:15

Manetualain Fo Mademaina, Israel Manetualain malalao-malalafun-na, nafa'da anan-nala nae, “Tukatei-saledale, ma pe'daom mahele leona, soona neukose Au soi-tefa-ala emi. Mamahele neu Au no dale mananee-nee lino-linok, soona neukose Au atetea-ahehele emi.” Tehu emi ta nau fa!

RATAPAN 3:26

Da'di, malole lenak ata tahani no nee-nee lino-linok losa Manetualain Ana mai fo fe tutulu-fafalik;

ULANGAN 1:30

Emi Manetualaim-ma, neukose nauli-nalanga emi, fo natee-nata'ti soaneu emi, sama leo emi mita matam neme Masir so,

ULANGAN 20:4

Emi Manetualaim-ma, Ana tunga fo Ana tulu-fali emi, fo Ana fe emi sengi.’

ULANGAN 3:22

Boso bii-mamata'u neu hataholi sila, nanahu o Manetualaim-ma, neukose natee-nata'ti nggati o.”

YOSUA 10:10

Manetualain taon-na hataholi Amori-la nggenge, nai lelek lita solda'du Israel-la. Ala taolisa hataholi Amori makadotok nai Gibeon, ma ala usi bei maso'dak-kala kona leo letek manai Bet-Horon-na huun-na, dodoon-na, losa leo Azeka ma Makeda, nai boboak kona.

YOSUA 10:14

Manada'di ndia, beita da'di nita fa, ma neukose nai faik esa, ana ta da'di sama leo faik ndia, fo nae Manetualain tunga hataholi daebafak-ka dale hihiin-na. Manetualain natee-nata'ti nok Israel!

YOSUA 10:42

Ka'da nai natee-natatik la'iesa mesak-kana, de Yosua sengi basa manek sila-la, ma nangatuun-na, sila nusa paletan-nala, nanahu Manetualain fo Israel Manetualain na, natee-nata'ti soaneu Israel.

YOSUA 23:10

Emi hataholim esa, hapu sengi hataholi lifun esa, nanahu emi Manetualaim-ma nde nata'ti soaneu emi, sama leo Ana helu basak-ka so.

YOSUA 23:3

Emi mita basa emi Manetualaim-ma, tao basa hata lala'en-na soaneu basa leoina manai ia-la, hu ka nde emi. Fo manamatatik soaneu emi nde been-na, Manetualain, fo emi Manetualaim-ma, mesak-kana.

HAKIM-HAKIM 5:20

Nduuk-kala boeo, ala puselaipana tunga la'ban Sisera neme sila enon-na nai lalai.

SEMUEL SUSULAK-KA ESAN-NA 4:7

ala bii ma lafa'da lae, “Hapu lamatua daebafak mai leo hataholi Ibrani-la mamana ofun-na neu! Ita soe! Ita beita la'ola'di tita, manada'dik leo ia-ka fa!