KELUARAN 14:13 - Susula Malalaok Hehelu Palak Ma Hehelu Beuk

¹³ Musa nataa nae, “Boso bii-mamata'u! Makatatakak mahele! Neukose emi mita hata fo Manetualain taon soaneu soi-tefa-nala emi. Hataholi Masir fo besak ia emi mitak sila-la, neukose emi ta mita seluk-kasa so'on.

KELUARAN 14:13 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

KEJADIAN 26:24

Nai le'odaek ndia Manetualain natu'du aoinan-na neun de nae, “Au nde o amam Abraham Manetualain na. Boso bii; te Au asulu-ahapa o. Neukose Au ba'e-pala o ma Au fe o tititi-nonosik makadotok, nanahu Au hehelu-balataang neu Au atang Abraham.”

KEJADIAN 46:3

Manetualain nae, “Au Manetualain, Manetualain fo o amam sene-do'ok-ka. Boso bii soaneu muu leo Masir muu. Neukose Au tao o tititi-nonosim da'di leoina matuaina nai naa.

KEJADIAN 49:18

Ou Manetualain, au ahani talu-talu neu so'da-molek fo, O fee-ka.

2RAJA-RAJA 6:16

Boema Elisa nataa nae, “Boso bii. Te mana nok ita, de'u lena mana nok sila.”

2TAWARIKH 20:15

de nafa'da nae, “Ama Manek fo Mandela-masa'ak, boema tolano-tolanoong-ngala lemin. Manetualain nafa'da nae ta bole ketu emi namahehena-ma do bii-mamata'u masasalematak moo solda'du makadotok sila-la. Nana manatee-matati-ka ta nde emi fa, te Manetualain dei.

2TAWARIKH 20:17

Emi ta paluu matee-matati nai natee-natatik ia dalek fa. Meu leo mamanak fo nananafa'da basak neu emi so, fo mahani ka'da ndia. Neukose emi mita Manetualain fe emi sengi. Hai laun Yehuda ma Yerusalem-mala lemin, dalem-mala boso ba'ihana do bii-mamata'u. Ka'da masok leo natee-natatik ndia dalek meu, te neukose Manetualain tulu-fali emi!”

NEHEMIA 9:9

O mita ami bei-ba'i kaim doi-doson nai fai maneuk-ka; O mamanene kii-makaleleun nai Masir ma nai Tasi Teberau.

MAZMUR 3:8

Ou au Manetualain soi-tefa-mala au leona, huku ma to-ma basa au musung-ngala, da'di lu'u eik.

MAZMUR 68:21

Ita Manetualain nde bee-na, Amak fo manasoi-tefa, Ana soi-po'i ita neme mamates-sa mai.

MAZMUR 78:53

Nai hehela-nonolen-na dalek, ala nee-nee lino-lino ma ta bii lamata'u fa, tehu sila musun-na soona, bolo lai tasi dale.

MAZMUR 91:8

Metema, o mete leo o boboa-kaisum muu soona, neukose o mita hataholi mangalauk-ka, sipo babalan-na.

KELUARAN 14:30

Nai faik ndia, Manetualain soi-tefa-na leoina Israel-la neme hataholi Masir-ra mai, ma lita hataholi Masir-ra popolan-nala benggela nai tasi su'un-na.

KELUARAN 20:20

Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

YESAYA 26:3

Manetualain, O fe mole-dame, ma tetu-temak neu hataholi fo dalen-na, natea-nahele, nana namahele neu O.

YESAYA 30:15

Manetualain Fo Mademaina, Israel Manetualain malalao-malalafun-na, nafa'da anan-nala nae, “Tukatei-saledale, ma pe'daom mahele leona, soona neukose Au soi-tefa-ala emi. Mamahele neu Au no dale mananee-nee lino-linok, soona neukose Au atetea-ahehele emi.” Tehu emi ta nau fa!

YESAYA 35:4

Mafa'da hataholi fo, dale ba'ihanak-ka mae, “Matetea-mahehele o dalem-ma, ma boso bii, te O Manetualaim-ma mai soaneu huku musu-la, Ana mai soi-tefa-nala emi.”

YESAYA 43:11

Au mesang-nga nde, Manetualain, fe'ek neme Au mai, ta hapu manasoi-manatefa fa.

YESAYA 7:4

Mafa'da manek-ka, mae ana muse naheheleaon, tehu dalem-ma boso ba'ihana. Ana ta bole bii-namata'u do napangamak fa. Manek Pekah ma Manek Rezin-na loo solda'dun-nala, fo hataholi Siria sila-la, nasa-melun-nala ta lenak neme ha'ilute makamamasuk dua mai fa.

YEREMIA 3:23

Palsuma la'iesak-kana, ami sama-sama meu sene-do'ok neu sosongo-tatangok, nai letek-kala poin-na! Tutulu-fafalik soaneu Israel, ana mai ka'da neme ami Amam Manetualain mai.

RATAPAN 3:26

Da'di, malole lenak ata tahani no nee-nee lino-linok losa Manetualain Ana mai fo fe tutulu-fafalik;

HOSEA 1:7

Tehu neukose, Au sue-lai leoina Yehuda. Au Manetualain, fo sila Manetualain-na, neukose soi-tefa alas, tehu ta nenik natee-natatik, boeo ta nenik tafaina do kokouk do manasa'e ndala-la fa.”

HOSEA 13:4

Manetualain nafa'da nae, “Au nde Manetualain, fo emi Manetualaim-ma, nde noo emi kalua meme Masir mai. Emi ta manuu Manetualain fe'ek neme Au mai fa. Au nde emi manasoi-manatefam fo kisak.

HOSEA 13:9

Hai leoina Israel-la lemin! Neukose Au tao akalulutuk emi, fo see kande tulu-fali emi-a?

HABAKUK 3:13

O nggani leo uluk muu fo soi-po'i O anam-mala ma soaneu soi-tefa-ma, O hele manek-ka. O fepa mabuu hataholi manatao sala-singok-ka mauli-malangan, O ho'i falik la'iesak basa ana manatungan-nala hahaen-na.

HABAKUK 3:8

Ou Manetualain, ade, hu ka nde tasi-a de, O nasam-ma fo'a do? Ade, lee-la nde tao-la O mamanasa do? O sa'e ko'as-sa da'dileo ndala ma kaleta musu, nai lelek O fe O anam-mala sesengik.

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

MATEOS 28:5

Ata nusa so'dak ndia nafa'da inak sila la nae, “Boso bii! Au bubuluk emi sanga Yesus fo nanalona-nggange basak ndia.

ULANGAN 20:3

‘Tolano-tolanoong-ngala lemin! Mamanene dei! Te faik ia, emi muse meu matee-matati. Boso bii-mamata'u, do dalem-ma boso ba'ihana, do mapangamak.

SEMUEL SUSULAK-KA ESAN-NA 11:13

Tehu Saul nafa'da nae, “Ta bole taomisa hataholi esa boen nai faik ia dalen-na, nanahu nai faik ia dalen-na, Manetualain soi-tefa-na Israel so.”

SEMUEL SUSULAK-KA ESAN-NA 12:16

Besak ia, mamanene seluk! Taoafik neu manada'di beuk matuaina, fo neukose Manetualain taon nai emi matam.