KELUARAN 14:12 - Susula Malalaok Hehelu Palak Ma Hehelu Beuk

¹² Makahulun-na, ami mafa'da basa neme Masir, mae neukose dede'ak ia ana da'di! Ami makaseti o so, fo boso taom-ma ami dalem-ma ta tesa-tama fa, tehu nemen-na, fo ami da'di ata mahele nai Masir. Malole lenak, ami da'di ata nai naa, neme mate ami nai moo solokaek ia!”

KELUARAN 14:12 ပူးပေါင်းရင်းမြစ်များ

MAZMUR 106:7

Lelek ami bei-ba'i kaim-mala leme Masir-ra, ala ta lalelak fa; ala ta lalelak O tatao-nono'i matuainam-ma, sosoa-ndandaan fa. Ala lafandele heni, O susue-lalaim fo, manasasi kao-kaok-ka, ma ala la'ban Manetualain Fo Mademaina paletan-na, nai deka no Tasi Gelagah.

KELUARAN 13:17

Manek Masir-ra, ana po'i basa leoina Israel-la la'o boema, Manetualain ta noos tunga enok manatunga nusa Filistin-na fa, leomae enok ndia eno tetepak. Manetualain dodoo nae, “Boso nalosak hataholi sila-la lasasale dale, metema ala bubuluk, lae sila muse latee-lata'ti, boema ala fali le'us leo Masir leu.”

KELUARAN 3:9

Au amanene leoina Israel-la kikii-makaleleun, ma boeo Au ita leoina Masir-ra, tuni-ndenis tao leo beek so.

KELUARAN 5:21

Mandol sila-la lafa'da lae, “Manetualain, bubuluk emi tatao-nono'im! Neukose Ana huku emi! Emi nde taom-ma manek-ka no hataholi mana'a ngga'din-nala, ta lahiik ami fa, nalosa ala nau taolisa ami.”

KELUARAN 6:9

Basa boema, Manetualain nafa'da Musa nae,

HOSEA 4:17

Hataholi Israel-la, dalen-nala latea lahele neu sosongo-tatangok so. Hu ndia de, po'ilotak-kasa.

YUNUS 4:3

Besak ia, ou Manetualain, nemen-na fo au mate leona, nana malole lenak au mate neme au aso'da.”

YUNUS 4:8

Le'do tii boema, Manetualain fe ani mato'bik-ka neme dulu mai. Isabai-na Yunus sapala'o, nanahu le'do haan-na la'en, de langan-na nono'ka bai nanahotuk-ka. Boema ketu namahehenan-na, de nahiik mate leona. Nafa'da nae, “Malole lenak au mate, neme au aso'da!”

MARKUS 1:24

“Hei Yesus fo Hataholi Nazaret. O sanga tao ami le'e ia? O mai soaneu O tao makalulutuk ami do? Au bubuluk see O. O ia Hataholi nadedenu malalaok neme Manetualain mai!”

MARKUS 5:7

Ana nggasi napane'e nae, “Yesus, Fo Manetualain Mademaina Ana na! O sanga tao au le'e ia? No Manetualain na'de na, au dokodoe fo boso tao doidoso au!”