KELUARAN 14:10 - Susula Malalaok Hehelu Palak Ma Hehelu Beuk

¹⁰ Lelek, hataholi Israel-la lita manek Masir-ra no solda'dun-nala mai boema, ala bii lanseli, de ala nggasi neu Manetualain, fo loke tutulu-fafalik.

KELUARAN 14:10 ပူးပေါင်းရင်းမြစ်များ

2TAWARIKH 18:31

Da'di nai lelek lita Manek Yosafat-ta boema, sila basa-basas laedaenga manek Israel-la nde ndia. Hu ndia de ala sapu-lan. Tehu Yosafat nggasi, boema Manetualain tulu-falin de Ana diluheok sasapuk ndia leo mamana fe'ek neu.

NEHEMIA 9:9

O mita ami bei-ba'i kaim doi-doson nai fai maneuk-ka; O mamanene kii-makaleleun nai Masir ma nai Tasi Teberau.

MAZMUR 106:44

Tehu Manetualain namanene hoo-nggu'un-nala, boema, Ana taoafik neu susan-nala.

MAZMUR 107:13

Nai sila susan-na dalek, ala laloo bou-bou neu Manetualain, de Ana soi-po'is leme makase'ek-ka dalek mai.

MAZMUR 107:19

Nai susa dalek, ala laloo bou-bou neu Manetualain de Ana soi-po'is, leme makase'ek-ka dalek mai.

MAZMUR 107:28

Nai sila susan-na dalek, laloo bou-bou neu Manetualain, de Ana soi-po'is leme makase'ek-ka dalek mai.

MAZMUR 107:6

Nai sila susan-na dalek, ala laloo bou-bou neu Manetualain, de Ana soi-po'is, leme makase'ek-ka dalek mai.

MAZMUR 34:17

Tehu hataholi manatao tatao-nono'i mangalauk-ka, Ana la'ban-nana; metema mates soona, no lai-laik, lafandele henis.

MAZMUR 53:5

Manetualain nafa'da nae, “Hataholi mangalauk sila-la ta lame'da fa do? Laso'da lenik ka'da ala kalo Au anang-ngala, ma ta la'iesa fo ala hule-haladoi neu Au fa.”

MAZMUR 81:7

“Au so'uheni lelepa mabela neme emi alum lain mai so, ma se'iheni olik-ka neme emi limam-ma mai.

KELUARAN 13:17

Manek Masir-ra, ana po'i basa leoina Israel-la la'o boema, Manetualain ta noos tunga enok manatunga nusa Filistin-na fa, leomae enok ndia eno tetepak. Manetualain dodoo nae, “Boso nalosak hataholi sila-la lasasale dale, metema ala bubuluk, lae sila muse latee-lata'ti, boema ala fali le'us leo Masir leu.”

KELUARAN 15:25

Musa hule-haladoi te'e-te'e neu Manetualain, boema Manetualain natu'dun ai nggenggelok esa. Musa tapa ai ndia leo oe dale neu, boema oe ndia nasafali da'di oe mamis, nalosa bisa linun. Nai mamanak ndia, Manetualain fes nakanenetek-kala, ma Ana so'ba-su'dis nai mamanak ndia boe.

YESAYA 26:16

O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

YESAYA 7:2

Lelek manek Yehuda namanene lae solda'du Siria-la masok nusa Israel-la, da'di leo tia-laik boema, ndia no leoinan-na bii-lamata'u lanseli, nalosa ala dele bengge'be, sama leo anin-na fafaek ai-la.

YEREMIA 22:23

Emi leo-mapalasa no nene-lino-linok ma nana okofefeok nenik dii kaiyou Libanon, tehu metema nai lelek hedi-laus la'e emi soona, neukose emi doi-doso sama leo inak fo ana sanga bongi.”

ULANGAN 9:7

Mafandendelek, tao leo beek de emi taom-ma, emi Manetualaim-ma namanasa neme moo solokaek-ka. Nailelek neme emi la'oela Masir, losa emi losa mamanak ia, emi lena-la'ban Manetualain.

YOSUA 24:6

Au o falik emi bei-ba'i kaim sila-la, kalua leme Masir mai, boema hataholi Masir-rala usis lenik kaleta musu ma solda'du manasa'e ndala-la. Ma lelek emi bei-ba'i kaim sila-la losa Tasi Gelagah,

YOSUA 24:7

boema laloo bou-bou neu Au loke tutulu-fafalik. Boema mamanak manai sila loo hataholi Masir-ra tala'da ndia, Au tao-an da'di makahatuk, ma Au akadofu ketu hataholi Masir sila-la nenik tasi oe, losa basa-basas bolo. Emi bubuluk, basa hata fo Au taon soaneu Masir so. Emi leo meme moo solokaek-ka, doon-na seli.

1 YOHANIS 4:18

See naso'da nai Manetualain susue-lalain dalek soona, ana ta bii namata'u fa; nana susue-lalai matetu-mandaak ndia, ana tao namopo bibii-namata'uk manai ita dalen dale a. Hu ndia de, dede'a mangale'do na nae, Metema Manetualain susue-lalai matetu-mandaan ndia beita nai see dalen dale fa soona, hataholi ndia ana bii nasasale matak no Fai Naketu-Nala'di ka.