KELUARAN 13:9 - Susula Malalaok Hehelu Palak Ma Hehelu Beuk

⁹ Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 13:9 ပူးပေါင်းရင်းမြစ်များ

NEHEMIA 1:10

Manetualain, ami ia O atam-mala, O ana mesam, fo O soi-tefa basan nenik O koasam-ma, ma O bei-bakai matuainam-ma.

MAZMUR 136:11

Ana noo Israel kalua leme Masir mai; susue-lalain manaketu-basa tak, losa dodo-na;

MAZMUR 136:12

no lima mabe'i-balakain ma makadelen-na; susue-lalain manaketu-basa tak, losa dodoon-na.

MAZMUR 89:13

O nde makadada'dik kii ma kona, Letek Tabor ma Hermon-na, eeki-latadale ba'eneu O.

KELUARAN 12:14

Emi muse tao faik ndia, da'di faik nasanene'dak, da'di leo fai malole ba'eneu Manetualain. Tunga teuk, emi muse tao faik ndia da'di fai malole, neme bobongik leo bobongik neu.”

KELUARAN 12:41

Nai teuk ka 430-a, fai mate'en ndia, nde basa Manetualain anan-nala lala'en-na, la'oela dae Masir-ra.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:16

Ha'da-tataok ndia, ana da'di nasanene'dak esa ba'eneu ita, sama leo ta'du esa nanapa'ak nai ita liman-na, do nai ita dedein-na. No enok ndia, neukose ana fe ita nasanene'dak tataas esa, nae Manetualain kalua heni ita teme Masir mai, nenik koasa matuainan-na so.”

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 3:20

Tehu, neukose Au pake Au koasang-nga, fo Au huku Masir nenik Au fe soe matuaina leo naa neu. Basa ndia soona, besak-ka ana po'i emi la'o.

KELUARAN 7:4

Hu ndia de, neukose Au huku Masir, nenik huhuku-dodokik mabelaina, basa soona Au o leoina Israel, fo Au anang-ngala lala'en-na, kalua leme nusak ndia mai.

AMSAL 1:9

nana nanoli-nafa'dan-nala, popo-tama o dale malolem-ma, sama leo bulamolik-ka nai o langam-ma, ma henu-a tao nalole-nanapu o mata-panam.

AMSAL 3:21

Hu ndia de anang-ngonei, ho'u mahele manatee-tenok-ka, ma tai-dodook-ka! Boso po'in makandondook,

AMSAL 7:23

Do'dofa te kokou isik-ka neukose tola sapiselik dalen-na. Touanak ndia ta name'da fa, te samanen-na doi-doso samaleo manupui laa nasale leo hihi'ik-ka neu.

KIDUNG AGUNG 8:6

Tao au da'di o inaana susuem, boso holu esa boen, te holu ka'da au mesang-nga; nanahu susue tou-ta'ek ndia balakain-na ba'u mamates-sa, ma dale hihii sao-anan-na, sama leo mamates-sa. Pilan-na sama leo ha'i pilan-na fo ana pila lo'a-lo'a.

YESAYA 27:1

Nai lelek ndia, neukose Manetualain pake tafaina matea ma matanen-na, fo Ana huku Lewiatan, menge fo manaule-po'de ma ana leleke ndia, ma soaneu taonisa buta tasi-a.

YESAYA 40:10

Mitak, Manetualain Ana mai no koasa soaneu Ana tao no makadelek. Hataholi fo, Ana soi-po'i basak-kala tunga loon.

YESAYA 44:5

Neukose hataholi-la, esa-esak manaku nae, ndia aoinan-na, Au nuung ndia, ma ana mai nakabubua no Yakob tititi-nonosin. Esa-esak sulak nai liman-na nae, Manetualain Nuun, ma noke aoinan-na soona nae, Manetualain anan-nala lima-ein.”

YESAYA 49:16

Yerusalem, Au afandele o tataas esa; Au dokik o nadem-ma, nai au limadaleng-nga.

YESAYA 51:9

Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

YEREMIA 22:24

Manetualain nafa'da neu manek Yoyakhin, fo Yoyakim ana manen-na fo manek Yehuda nae, “Neme Au-a mai, Manetualain fo maso'dak, Au afa'da no te'e-te'e ae, leomae o ba'eneu Au soona, sama leo ndeli mamatade'ik nai Au limang konang-nga tehu leomae leondiak boe, neukose Au fe'a heni o

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

BILANGAN 15:39

Fifikok sila-la da'di neu nasanene'dak: Nai lelek emi mitan, soona neukose emi mafandele Au paletang lala'en-na fo emi tao tungan. Ma hu kande fifikok sila-la, de neukose emi mafandendelek Au, fo emi ta tunga emi hihii-nanau mesam-ma fa.

MATEOS 23:5

Ta'ko ala pake kotak bana louk matua ina fo naisi Susula Malalao ka lalane nala, fo ala paken nai dedei nala ma alu nala boema ala tao lamanalu ba'du manalu nala fifiko na!

ROMA 10:8

Dale dudu'a na nae leo ia, “Halak maneme Manetualain mai ndia, ana deka nanseli no emi; nai emi bafam dale, ma nai emi dalem dale.” Halak ndia nde ami tui-benga nana; halak ndia nafa'da nae, hataholi a, muse namahele.

ULANGAN 30:14

Boso matane mae leondia, nanahu paleta sila-la, ala deka lanseli loo emi. Emi bubuluk basan so, ma emi kokolak-kana no ta paluu pake lees susulak so'on, da'di ka'da tao tungan leona.

ULANGAN 5:15

Mafandendelek te, makahulun-na emi da'di ata neme Masir, boema emi Manetualaim-ma soi-po'i emi, nenik be'i-balakai matuainan-na. Hu ndia de, au paleta emi fo tao malalao-malalafu fai Sabat-ta.

ULANGAN 6:21

Soona emi muse mataa mae leo ia, ‘Makahulun-na, ita da'di mane Masir-ra atan-na, boema Manetualain soi-po'i ita nenik be'i-balakai matuaina.

ULANGAN 6:6

Boso mafandele heni paleta fo, faik ia au fen neu emi ndia, makandondook.

ULANGAN 6:8

Pa'a paleta sila-la neu emi limam-ma, ma taon neu emi dedeim-ma, fo ela mafandendelek mahelen.

NINITAK 18:8

Hu ka nde dede'ak ndia de ka'da nai faik esa mesa kana neukose susa-soe – he'di-laus, dale he'dik ma la'andoes lapalunilan. Ma neukose ha'i naputun, nana Amak Manetualain fo manamaketu-mala'di nana nanuu koasa.”