KELUARAN 13:3 - Susula Malalaok Hehelu Palak Ma Hehelu Beuk

³ Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 13:3 ပူးပေါင်းရင်းမြစ်များ

KEJADIAN 15:16

Basa tititi-nonosik 4 soona, besak-ka o upu-anam fali ma'is leo ia mai, nanahu Au ta usi heni hataholi Amori-la fa, nana tatao-nono'i mangalaun-nala beita dai, soaneu ala hapu huhukuk fa.”

1 TAWARIKH 16:12

Hai, Yakob fo Manetualain atan na tititi-nonosin nala lemin! Hai Israel, fo ana hehele nala tititi-nonosin nala lemin! Mafandendelek basa manada'di beuk fo Ana taon, boso mafandeleheni nakeketu nala.

NEHEMIA 1:10

Manetualain, ami ia O atam-mala, O ana mesam, fo O soi-tefa basan nenik O koasam-ma, ma O bei-bakai matuainam-ma.

NEHEMIA 9:10

O tao dede'a matuaina-la soaneu mane Masir-ra, boeo soaneu hataholi mana'a ngga'di-la boema laun manai nusan-na, nana O bubuluk tao leo beek ala fepa-li'u O anam-mala. Boema O na'dem-ma nananita-nalelak losa faik ia.

MAZMUR 105:5

Hai atan Abraham, tititi-nonosin-nala, ma Yakob, fo hataholi hehelen-na, tititi-nonosin-nala, mafandendelek Ana tao basa manada'di beuk-kala, boso mafandele heni nakeketun-nala.

MAZMUR 114:1

Lelek leoina Israel-la kalua leme Masir mai, ma lelek Yakob tititi-nonosin la'oela nusa dea,

MAZMUR 136:11

Ana noo Israel kalua leme Masir mai; susue-lalain manaketu-basa tak, losa dodo-na;

MAZMUR 136:12

no lima mabe'i-balakain ma makadelen-na; susue-lalain manaketu-basa tak, losa dodoon-na.

MAZMUR 89:14

O koasam-ma, ba'un-na seli, ma O be'i-balakaim anseli nanseli!

KELUARAN 12:15

Manetualain, nafa'da nae, “Faik hitu dalen-na, emi ta bole mi'a loti fo kamen pake lauteik fa. Nai fai makasososak-ka, muse kalua heni basa laluteik-kala leme emi umam dale mai, nana metema nai faik hitu dalen-na, hataholi esa na'a loti fo kamen pake laluteik soona, hataholi ndia ta da'di Au anang so'on.

KELUARAN 12:17

Nai faik ndia, Au o la'iesak o leoinam-ma, kalua leme Masir mai. Hu ndia de, tunga teun, emi muse tao faik ndia da'di faik nasanene'dak, da'di neu fai malole, losa dodoon-na.

KELUARAN 12:2

“Tunga teuk soona, bulak ia da'di bula makasososak ba'eneu emi kalua meme Masir mai.

KELUARAN 12:41

Nai teuk ka 430-a, fai mate'en ndia, nde basa Manetualain anan-nala lala'en-na, la'oela dae Masir-ra.

KELUARAN 12:42

Le'odaek ndia, Manetualain, nanea nakandoo, fo nos kalua leme Masir mai. Ma le'odaek ndia boe, nde le'odaek fo ala fen neu Manetualain, losa dodoon-na, fo da'di leo leo'daek nasanene'dak. Nai le'odaek ndia, hataholi Israel-la muse lanea.

KELUARAN 12:8

Le'odaek ndia boe, muse dala paan-na, fo la'an no aidoo makaheduk ma loti fo kamen ta pake laluteik fa.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

KELUARAN 20:8

Mafandendelek, fo tao malalao-malalafu fai Sabat-ta.

KELUARAN 23:15

Nai hataholi Yahudi-la bula Abib-pa dalek, fo nai faik nananaketuk-ka, emi muse tao Feta Loti Fo Ta Pake Laluteik fa, tunga eno-dalak fo Au paleta basan neu emi so, nana emi la'oela Masir nai bulak ndia dalen-na. Boso mi'a loti fo kamen no laluteik, nai feta faik hitu ndia dalen-na. Nai lelek, emi mai sene-do'ok soaneu Au soona, emi muse meni tunu-hotuk.

KELUARAN 3:20

Tehu, neukose Au pake Au koasang-nga, fo Au huku Masir nenik Au fe soe matuaina leo naa neu. Basa ndia soona, besak-ka ana po'i emi la'o.

KELUARAN 34:18

Tao feta Loti Fo Ta Pake Laluteik fa. Sama leo Au paleta basan neu emi so, de emi muse mi'a loti fo ta pake laluteik, faik hitu dalen-na nai bulak Abib dale, nanahu nai bulak ndia dalen-na, emi la'oela Masir.

KELUARAN 6:1

Manetualain kokolak no Musa nae, “Au nde Manetualain.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

KELUARAN 7:4

Hu ndia de, neukose Au huku Masir, nenik huhuku-dodokik mabelaina, basa soona Au o leoina Israel, fo Au anang-ngala lala'en-na, kalua leme nusak ndia mai.

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

MATEOS 10:12

Emi losa uma dale soona, mafa'da uma lamatuak mae, ‘Ela leo bee na, Lamatua ka fe baba'e-papalak neu emi basa-basa mala.’

LUKAS 22:19

Basa ndia boema Yesus ho'i na loti a. Ma Ana hule-haladoi noke makasi basa neu Manetualain, Ana tete'i loti ndia ninik lima na, boema Ana fen neu ana manatunga nala ma nae, “Ia nde Au ao paa nga fo nanafe henik soaneu emi. Tao-no'i ia leona, soaneu mafandendelek Au.”

1 KORINTUS 11:24

de noke basa makasi neu Manetualain soaneu loti ndia boema, Ana tete'i loti ndia ninik lima na ma nae, “Ia nde bee na Au ao paa nga, fo nanafehenik soaneu emi. Tao-no'i ia, soaneu masanene'dak Au.”

1 KORINTUS 5:8

Da'di mai fo ata teu tao ita fetan ndia, ninik loti lalutei ta ka, fo nde loti fo ana dadi ta'du matetu-mandaak esa nae, basa-basan nandaa no Manetualain dale na. Ita boso tao feta Paskah ndia ninik loti fo nanapake laluteipalaak fo nde lalutei sala-singo ka ma tatao-nono'i mangalau ka.

EFESUS 1:19

ma Manetualain tao-no'i no mahelek nanseli, henuk no koasa, nai ita hataholi kamahehele kala dalek. Manetualain koasan ndia, sama na leo Manetualain koasa matua ina na,

ULANGAN 13:11

Boema, basa leoina Israel-la lala'en-na, neukose lamanene la'eneu kanisak ndia, fo ala bii-lamata'u, nalosa hataholi esa boen, ta napalani tao tatao-nono'i mangalauk ndia so'on.

ULANGAN 13:6

Metema, emi tolanom, do emi anatoum do anainam, do emi saoina susue-lalaim-ma, do emi tia-laim-mala, no denge-dengek, ala fufu'di-oodok emi, fo sene-do'ok neu lamatua daebafak fe'ek-kala, fo emi beita malalelak-kasa, ma emi bei-ba'i kaim-mala boeo beita lalelak-kasa fa, leoina fo manaleo deka do manaleo lai dook-ka, lamatua daebafak-nala,

ULANGAN 15:15

Mafandendelek te, makahulun-na emi da'di ata neme Masir boe, boema emi Manetualaim-ma, Ana soi-po'i emi; hu ndia de, au fe emi paleta ndia.

ULANGAN 16:1

“Tao feta Paskah nai hataholi Yahudi-la bula Abib-pa, fo fe ha'da-holomata neu emi Manetualaim-ma, nana nai bulak ndia dalen-na, fo le'odae boema, Ana soi-po'i emi meme Masir mai.

ULANGAN 16:12

Tinga basa paletan-nala, no dalek-katematuak, ma mafandendelek te, makahulun-na, emi da'di ata neme Masir so.”

ULANGAN 16:3

Emi muse mi'a tutunu-hohotuk ndia, no loti fo ta pake laluteik fa. Emi muse mi'a loti fo ta pake laluteik ndia, faik hitu dalen-na, sama leo nai lelek no lai-laik emi la'oela dae Masir-ra. Mi'a loti fo loken lae loti doidosok-ka, fo ela nai emi fai maso'dam-ma dalek, emi mafandendelek, faik fo emi la'oela Masir, fo emi mamana doi-dosom-ma.

ULANGAN 24:18

Mafandendelek te, emi da'di hai ata neme Masir so, de emi Manetualaim-ma soi-po'i emi; hu ndia de, au fe emi nakanenetek ia-la.

ULANGAN 24:22

Mafandendelek te, emi da'di hai ata neme Masir so, hu ndia de au fe emi nakanenetek ia-la.

ULANGAN 26:8

Boema, no O koasam-ma, ma O be'i-balakai matuainam-ma, de O soi-po'i ami neme Masir mai. O tao manada'di beuk-kala, ma ta'du-tana matabeuk-kala, ma manada'dik fo neni bibii-namata'uk fe musu-a.

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

ULANGAN 5:15

Mafandendelek te, makahulun-na emi da'di ata neme Masir, boema emi Manetualaim-ma soi-po'i emi, nenik be'i-balakai matuainan-na. Hu ndia de, au paleta emi fo tao malalao-malalafu fai Sabat-ta.

ULANGAN 5:6

‘Au nde emi Manetualaim-ma, fo mananoo emi kalua meme Masir, fo mamanak emi da'di ata.

ULANGAN 6:12

manea matalolole, fo daenga emi boso mafandele heni Manetualain fo, manasoi-po'i basa emi neme Masir mai, fo mamanak manatao emi da'di ata.

ULANGAN 6:21

Soona emi muse mataa mae leo ia, ‘Makahulun-na, ita da'di mane Masir-ra atan-na, boema Manetualain soi-po'i ita nenik be'i-balakai matuaina.

ULANGAN 7:8

Tehu, Manetualain hele emi, nanahu Ana sue-lai emi, ma nahiik tao natetu, Ana tao hehelu-balataak no emi bei-ba'i kaim-mala. Hu no ndia de, Ana soi-tefa-nala emi, nenik koasa matuainan-na, ma Ana soi-po'i emi neme emi da'di ata neu mane Masir-ra.

ULANGAN 8:14

manea matalolole, fo ela emi boso da'di hataholi manakoao-ndaeaok, ma mafandele heni emi Manetualaim-ma fo manasoi-po'i emi neme Masir mai, fo mamanak manatao emi da'di ata.

ULANGAN 9:12

Boema, Manetualain nafa'da au nae, ‘Kona lai-lai leona, nana o leoinam fo o moos kalua leme Masir mai-a, ala tao tatao-nono'i mangalauk so. Ala ta tunga Au paletang-ngala so'on, de ala tao dodoki-dudulak fo, ala sene-do'ok neun.’

YOSUA 24:17

Manetualain fo ita Manetualain-na, nde soi-po'i ita bei-ba'i kain-nala, ma ita neme ata nai Masir. Ita tita basa, Manetualain tao manada'di beuk-kala so. Manetualain nasulu-nahapa ita tataas esa, nai ita leleo-lala'on-na dalek, tunga nusa dea-la.

HAKIM-HAKIM 6:8

Manetualain nadenu nabi esa neu, de nabi ndia nafa'da nae, “Manetualain, fo Israel Manetualain-na, nafa'da nae leo ia: ‘Au soi-po'i basa emi, neme lelek emi da'di ata nai Masir so.