KELUARAN 13:14 - Susula Malalaok Hehelu Palak Ma Hehelu Beuk

¹⁴ Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:14 ပူးပေါင်းရင်းမြစ်များ

KEJADIAN 30:33

Nai fai makabuin, no mudak la'i esak-kana, To'o bisa bubuluk, ade au tao tunga ndoon-na so do beik. Metema, To'o mai palisak au ngga'ding-nga, fo To'o nita, hapu bi'ihiik fo, ta kokotok do ta keke'ak do bi'ilopo fo ta nggeok fa soona, neukose To'o bubuluk, mae au amanako bana sila-la so.”

1 TAWARIKH 16:12

Hai, Yakob fo Manetualain atan na tititi-nonosin nala lemin! Hai Israel, fo ana hehele nala tititi-nonosin nala lemin! Mafandendelek basa manada'di beuk fo Ana taon, boso mafandeleheni nakeketu nala.

NEHEMIA 1:10

Manetualain, ami ia O atam-mala, O ana mesam, fo O soi-tefa basan nenik O koasam-ma, ma O bei-bakai matuainam-ma.

MAZMUR 136:11

Ana noo Israel kalua leme Masir mai; susue-lalain manaketu-basa tak, losa dodo-na;

MAZMUR 145:4

Neme bobongik leo bobongik neu, neukose ala koa-kio O tatao-nono'im, ma lala tui-benga O palanim-ma.

MAZMUR 78:4

Ami tan au mafuni, soaneu ami anam-mala fa; ami nau tui-bengan neu bobongik makabuik-kala la'eneu Manetualain koasan-na, ma tatao-nono'i matuainan-nala, boema tatao-nono'i matabeun-nala.

KELUARAN 10:2

ma, fo ela o hapu tui o upu-anam tao leo beek, de Au tao akamiminak leoina Masir-rala nenik manada'di beuk sila-la. Boema emi basa-basam-mala bubuluk, mae Au nde Manetualain.”

KELUARAN 12:41

Nai teuk ka 430-a, fai mate'en ndia, nde basa Manetualain anan-nala lala'en-na, la'oela dae Masir-ra.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 13:8

Nai feta ndia faik makasososan-na, emi muse tui emi anatoum-mala, mae emi tao basa ia-la, nanahu Manetualain tao basa hata lala'en-na soaneu emi, nai lelek emi la'oela nusa Masir-ra.

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

KELUARAN 6:1

Manetualain kokolak no Musa nae, “Au nde Manetualain.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

HATAHOLI 13:17

Leoina Israe la Manetualai na hele basa ita bei ba'ikai nala, fo Ana tao leoina ia da'dineu leoina matuaina nai lelek ala bei leo leme Masir, da'dileo hataholi manamai. Basa boema, no Manetualain koasa matuaina na de Ana kaluahenis leme Masir mai.

ULANGAN 5:15

Mafandendelek te, makahulun-na emi da'di ata neme Masir, boema emi Manetualaim-ma soi-po'i emi, nenik be'i-balakai matuainan-na. Hu ndia de, au paleta emi fo tao malalao-malalafu fai Sabat-ta.

ULANGAN 5:6

‘Au nde emi Manetualaim-ma, fo mananoo emi kalua meme Masir, fo mamanak emi da'di ata.

ULANGAN 6:12

manea matalolole, fo daenga emi boso mafandele heni Manetualain fo, manasoi-po'i basa emi neme Masir mai, fo mamanak manatao emi da'di ata.

YOSUA 22:24

Ade, ami dudu'am-ma, ta nde ndia fa, tolano-tolanoong-ngala lemin! Ami mapadedeik mei tunu-hotuk ndia, nanahu ami bii-bii ka'da, mahani te neu fai makabuin te, neukose emi tititi-nonosim lafa'da ami tititi-nonosim lae, ‘Emi ta manuu tututi-nanatok hata-hata moo Manetualain fo Israel Manetualain-na fa!

YOSUA 24:17

Manetualain fo ita Manetualain-na, nde soi-po'i ita bei-ba'i kain-nala, ma ita neme ata nai Masir. Ita tita basa, Manetualain tao manada'di beuk-kala so. Manetualain nasulu-nahapa ita tataas esa, nai ita leleo-lala'on-na dalek, tunga nusa dea-la.

YOSUA 4:6

Neukose batu sila-la, ala fe leoina ia, lafandendelek hata fo Manetualain tao basan so. Nai fai makabuin, metema emi anam-mala latane batu ia-la sosoa-ndandaan hata ba'eneu emi soona,

HAKIM-HAKIM 6:8

Manetualain nadenu nabi esa neu, de nabi ndia nafa'da nae, “Manetualain, fo Israel Manetualain-na, nafa'da nae leo ia: ‘Au soi-po'i basa emi, neme lelek emi da'di ata nai Masir so.