KELUARAN 13:11 - Susula Malalaok Hehelu Palak Ma Hehelu Beuk

¹¹ Musa nafa'da leoina Israel-la nae, “Neukose, Manetualain noo emi leo nusa Kanaan fo Ana helu fen neu emi, ma emi bei-ba'i kaim-mala nenik soo-supak. Metema dae ndia, ana da'di emi nuum soona,

KELUARAN 13:11 ပူးပေါင်းရင်းမြစ်များ

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

KEJADIAN 17:8

Neukose, Au fe dae ia neu o, ma o tititi-nonosim, fo nde dae fo besak ia, o leon da'di leo hataholi manamai. Basa dae Kanaan-na lala'en-na, neukose da'di o upu-anam pusakan, losa dodoon-na, ma neukose, Au da'di sila Manetualain-na.”

KEJADIAN 28:15

Mafandendelek te, neukose Au tulu-fali, ma asulu-ahapa o, su'di o muu leo bee muu, ma neukose, Au o falik o leo nusak ia mai. Neukose, Au ta la'oela o, losa Au tao basa hata lala'en, fo Au helu basan neu o so.”

MAZMUR 105:42

Nana Manetualain nafandele hehelu-balataan neu atan Abraham.

KELUARAN 13:5

No soo-supak, Manetualain helu emi bei-ba'i kaim-mala, fo Ana fe emi leoina Kanaan, Het, Amori, Hewi ma Yebus nusan-na. Manetualain no basa emi leo nusak fo kamasu'i-makabetek, ma maoe-maisik ndia neu so, de tunga teuk, nai hataholi Yahudi-la bula Abib-pa dalek, emi muse tao feta ia.

KELUARAN 32:13

Mafandendelek O atam Abraham, Isak ma Yakob. Mafandendelek mae O maheluk pake sosoo-susupak soaneu O fe sila tititi-nonosin de'u nduuk manai lalai, boeo mafandendelek mae O fe la'iesak dae fo O heluk ndia, fo neukose ana da'di sila tititi-nonosin pusakan losa dodoon-na.”

BILANGAN 11:12

Ade au nde ailu do bongi sila do? Tao le'e de, O madenu au da'di sama leo hataholi manako'o-ifa esa, fo ko'o ni'iana me'doana, nalosa au muse anea aheles, nai leleo-lala'o manalu dalek, leo dae fo O helu fen neu sila bei-ba'i kain-nala do?