KELUARAN 12:49 - Susula Malalaok Hehelu Palak Ma Hehelu Beuk

⁴⁹ Ito-atok matak esa, la'e hataholi Israel isik-kala, ma hataholi nusa dea fo manaleo lahele loo emi-a.”

KELUARAN 12:49 ပူးပေါင်းရင်းမြစ်များ

KELUARAN 12:50

Basa hataholi Israel-la tunga, de ala tao tunga basa hata fo Manetualain paletan neu Musa ma Harun.

IMAMAT 19:34

Taos sama leo emi taon neu hataholi fo emi leoina esa, ma sue-lais, sama leo emi sue-lai emi aoinam-ma mesak-kana. Mafandendelek mae emi boeo, maso'da hai, sama leo hataholi nusa dea nai Masir. Au nde emi Amam Manetualaim-ma.

IMAMAT 24:22

Pake hoholo-lalanek ndia soaneu emi basa-basam-mala, ma soaneu hataholi nusa dea manaleo lahele nai emi tala'da boe, nanahu, Au nde emi Amam Manetualaim-ma.”

BILANGAN 15:29

Nakanenetek ndia boeo, la'e see fo, ta name'da fa te, ana tao sala-singok so, nau ndia hataholi Israel, do hataholi nusa dea, fo ana leo nahele nai sila nusan dale boe.

BILANGAN 35:15

Kota ka neek sila-la, ala da'di kota mananasulu aok ba'eneu emi, hataholi Israel-la, ma ba'eneu hataholi nusa dea fo manamai, do manaleo mahelek nai emi nusam dale. Su'di see, fo ta name'da fa te, ana taonisa hataholi soona, ana bole nalai leo kota sila-la esa neu.

BILANGAN 9:14

Metema nai emi dalek, hapu hataholi nusa dea esa ana nau tunga feta Paskah soona, muse ana tunga basa nakanenetek ma nakeketuk-kala. Nakeketuk sila-la, la'e basa hataholi lala'en-na, nau hataholi Israel, do hataholi nusa dea boe.”

GALATIA 3:28

Nai dede'ak ia dalek, hataholi Yahudi no hataholi ta Yahudi, ata no malanga na, ma tou ka no ina ka, sama so. Emi basa-basa mala da'di esa, hu ka nde Kristus Yesus.

KOLOSE 3:11

Basa dede'ak sila la mate'e na nde, leomae hataholi Yahudi do hataholi ta Yahudi, hataholi nanasunat do hataholi nanasunat beitaak, hataholi manamai do hataholi malela ha'da tak, ata do malangan boeo, basa-basas sama, nanahu Kristus nde basa hata lala'e na, ma Ana da'di esa no basa hata lala'e na!