KELUARAN 12:43 - Susula Malalaok Hehelu Palak Ma Hehelu Beuk

⁴³ Manetualain nafa'da Musa ma Harun nae, “Ito-ato feta Paskah nde ia. Hataholi nusa dea-la, ta bole la'a paa bi'ilopo, fo nana tunu-hotuk nai fai Paskah fa.

KELUARAN 12:43 ပူးပေါင်းရင်းမြစ်များ

2TAWARIKH 30:18

Fe'ek neme ndia mai, nai hataholi Efraim, Manasye, Isakhar ma Zebulon dalek, ba'uk-ka mai, tehu ala beita tao lalalao-lalalafu lakahuluk aoinan-nala fa. Da'di ala tunga feta Paskah ndia, ta nandaa no hata fo nananaketu basak so. Hu ndia de, Manek Hizkia hule-haladoi soaneu hataholi sila-la nae,

KELUARAN 12:11

Nai lelek emi mi'a, emi muse pake-nggao memak, soaneu leo-la'o, pake ta'bueis ma ho'u aitete'ek. Emi muse mi'a lai-lai. Ndia nde feta Paskah soaneu fe ha'da-holomata neu Au, fo Manetualain.

KELUARAN 12:48

Hataholi nanasunat bei taak-kala, ta bole la'a nana'a feta ndia fa. Metema hataholi nusa dea esa leo nahele so, de nai lelek emi hii tao feta Paskah soaneu fe ha'da-holomata neu Au fo Manetualain soona, muse sunat nakahuluk basa touk manai teidalen-na dalek. Basa ndia soona, sipok-kasa da'di leo hataholi Israel isik, fo ala bole tunga feta Paskah.

YESKIAL 44:7

Ala tao langgenggeo Au Umang-nga so, nana ala tunu-hotu fe Au, tutunu-hohotuk minan-na, ma daan-na, ma ala fe loak neu hataholi nusa dea fo, nanasunat beitak-kala, ma ala ta nau tunga neu Au fa, ala bole masok leo dalek leu. No sila tatao-nono'in fo, nanamaluak ndia de, ala la'olena Au hehelu-balataang no sila so.

IMAMAT 22:10

Tunu-hotuk fo nanahele hehelik ba'eneu Au-a, ka'da imam sila-la teidale-bobongin mesak-kasa, nde bole la'an; hataholi fe'ek ta bole fa, leomae hataholi ndia leo no imam-ma nai uma esa dalek, do imam-ma hataholi mana'a ngga'din-na boe.

IMAMAT 22:13

Tehu imam-ma anafe'on-na inafalu so, do ela henin so te anan ta, boema ana fali ne'un leo aman uman neu, de aman mete-nakanaen soona, bole na'a aman nana'a baba'en-na. Ka'da imam-ma teidale-bobongin mesak-kasa nde bole la'a tunu-hotuk ndia.

BILANGAN 9:14

Metema nai emi dalek, hapu hataholi nusa dea esa ana nau tunga feta Paskah soona, muse ana tunga basa nakanenetek ma nakeketuk-kala. Nakeketuk sila-la, la'e basa hataholi lala'en-na, nau hataholi Israel, do hataholi nusa dea boe.”

EFESUS 2:12

Nai lelek ndia, emi ta da'di esa mo Kristus fa. Emi nde bee na, hataholi manamai, fo emi ta masok nai Manetualain hataholi kamahehele nala dalek fa. Emi ta masok nai Manetualain hehelu-balataan fo Ana taon no hataholi kamahehele nala dalek fa. Emi maso'da nai daebafa ka, ta no namahehenak ma ta no Manetualain.

SEMUEL SUSULAK-KA ESAN-NA 2:27

Nai faik esa boema, nabi esa mai leo Eli mai, de nanduku-nalosak Manetualain hala hehelun-na neun nae, “Lelek o bei-ba'i kaim Harun, ma teidale-bobongin da'di mane Masir-ra atan-na, Au atu'du basa Au aoinang-nga neu Harun so.