KELUARAN 12:41 - Susula Malalaok Hehelu Palak Ma Hehelu Beuk

⁴¹ Nai teuk ka 430-a, fai mate'en ndia, nde basa Manetualain anan-nala lala'en-na, la'oela dae Masir-ra.

KELUARAN 12:41 ပူးပေါင်းရင်းမြစ်များ

KEJADIAN 50:24

Nafa'da tolanoon-nala nae, “Au mamateng-nga deka so, tehu tao leo bee o, neukose Manetualain nakaboboi emi ma hela-nole emi kalua meme nusak ia mai, leo nusak fo Ana helu basan pake soo-supak neu Abraham, Isak ma Yakob.”

1RAJA-RAJA 6:1

Salomo mulai nafofo'a Manetualain Uman-na neu bula Ziw, fo nde bula ka dua, nai lelek ana paleta teuk-ka haa na, fo leoina Israel-la la'oela Masir teuk natun haa faluhulu ndia so.

2TAWARIKH 14:12

Boema Asa no solda'du Yehuda-la sapu-la solda'du Sudan-nala. Manetualain sengi solda'du Sudan-nala nalosa lalai.

MAZMUR 102:13

Tehu O, ou Manetualain, Manek losa dodoon-na, nananafandendele nahelek, neme bobongik leo bobongik neu.

MAZMUR 114:1

Lelek leoina Israel-la kalua leme Masir mai, ma lelek Yakob tititi-nonosin la'oela nusa dea,

MAZMUR 136:11

Ana noo Israel kalua leme Masir mai; susue-lalain manaketu-basa tak, losa dodo-na;

KELUARAN 12:17

Nai faik ndia, Au o la'iesak o leoinam-ma, kalua leme Masir mai. Hu ndia de, tunga teun, emi muse tao faik ndia da'di faik nasanene'dak, da'di neu fai malole, losa dodoon-na.

KELUARAN 12:51

Nai faik ndia, Manetualain no basa hataholi Israel-la lala'en-na, kalua leme Masir mai.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:16

Ha'da-tataok ndia, ana da'di nasanene'dak esa ba'eneu ita, sama leo ta'du esa nanapa'ak nai ita liman-na, do nai ita dedein-na. No enok ndia, neukose ana fe ita nasanene'dak tataas esa, nae Manetualain kalua heni ita teme Masir mai, nenik koasa matuainan-na so.”

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 3:10

Besak ia Au adenu o, fo muu leo mane Masir-ra muu, fo ela o mauli-malanga Au leoinang-nga, kalua neme nusak ndia mai.”

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

KELUARAN 6:26

Duas leu loke manek Masir-ra fo daenga ana soi-po'i hataholi Israel-la.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

KELUARAN 7:4

Hu ndia de, neukose Au huku Masir, nenik huhuku-dodokik mabelaina, basa soona Au o leoina Israel, fo Au anang-ngala lala'en-na, kalua leme nusak ndia mai.

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

IMAMAT 23:43

fo ela emi tititi-nonosim bubuluk lae Manetualain nadenu leoina Israel-la, leo lai lalaa ta kandaak-kala dalek, nai lelek Manetualain nos kalua leme Masir mai. Ndia nde emi Amam Manetualaim-ma.

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.

BILANGAN 23:22

Manetualain nde nos kalua leme Masir mai; Ana natee-natati soaneus, sama leo sapi fuik-ka.

BILANGAN 33:1

Hataholi Israel-la, kalua la'oela Masir boema, no Musa ma Harun hehela-nonolen, de ala la'ok tunga esa-esak leoinan, boema ala singa leme mamanak de'ubee.

YOHANIS 7:8

Emi mesa ma meu leo fai matua ndia meu. Te Au ta u fa, nanahu Au fai nga beita losa fa.”

HATAHOLI 1:7

Boema Yesus nafa'das nae, “Au Amang nde naketu le'dofai na. Ta paluu emi bubuluk dede'ak ndia fa, nana Au Amang hak ndia.

HATAHOLI 7:36

Musa ia nde hela-nole leoina Israe la kalua leme Masir mai, ninik ana tao manda'di beuk, ma dede'a matuaina la neme Masir, neme Tasi Pila sa, ma neme mo maloa teuk hahulu dale na.

ULANGAN 16:1

“Tao feta Paskah nai hataholi Yahudi-la bula Abib-pa, fo fe ha'da-holomata neu emi Manetualaim-ma, nana nai bulak ndia dalen-na, fo le'odae boema, Ana soi-po'i emi meme Masir mai.

ULANGAN 4:37

Nanahu, Ana sue-lai emi bei-ba'i kaim-mala, de Ana hele basa emi, nenik koasa matuainan-na, ma noo emi kalua meme Masir mai so.

YOSUA 24:5

Basa boema, Au adenu Musa ma Harun, ma Au fe susa-soe matuaina, tuni la'e Masir, boema Au kalua heni emi meme naa mai.

YOSUA 5:14

Hataholi ndia nataa nae, “Ta tia-laik, ma ta musu boen. Au mai leo ia mai, da'di leo Manetualain malanga solda'du matuainan.” Yosua namanene dede'ak ndia boema, no lai-laik, nakaluku-nakatele neu hataholi ndia. Yosua nae, “Au ia, Tuan atan. Hata fo au bisa taon soaneu Tuan?”