KELUARAN 12:37 - Susula Malalaok Hehelu Palak Ma Hehelu Beuk

³⁷ Hataholi Israel-la la'o, de ala la'o eik leme kota Raamses-sa leo kota Sukot-ta leu. Dede'un-nala, hataholi 600.000 ta leke inak-kala, ma ni'iana-la fa.

KELUARAN 12:37 ပူးပေါင်းရင်းမြစ်များ

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

KEJADIAN 15:5

Manetualain no Abram leo deak leu, boema nafa'dan nae, “Mete leo lalai neu, fo so'ba leke nduuk-kala; neukose o hapu tititi-nonosik de'u nduuk sila-la.”

KEJADIAN 46:3

Manetualain nae, “Au Manetualain, Manetualain fo o amam sene-do'ok-ka. Boso bii soaneu muu leo Masir muu. Neukose Au tao o tititi-nonosim da'di leoina matuaina nai naa.

KEJADIAN 47:11

Yusuf fali aman, ma tolanoon-nala leo lahele lai Masir. Ana fes dae da'dileo pusaka nai dae malolehiik manai nusak ndia, nai deka no kota Rameses, nandaa no manek-ka paletan-na.

KELUARAN 1:11

Boema hataholi Masir-rala so'u manamanea, fo lanea leoina Israel-la, fo tao susa so'dan-nala nenik bela-ba'u mabelaina-la. Lakasetis, fo lafofo'a fe manek Masir-ra kota Pitom ma Raamses, fo da'di mamana pepe'da bua-lo'as.

KELUARAN 10:9

Musa nataa nae, “Ami basa-basam-mala, nau mulik do lasik boe. Neukose, ami moo la'iesak ami anam-mala, ami sapim-mala, ami bi'ilopom-mala, ma ami bi'ihiim-mala, nana ami muse tao fai malole matua esa, soaneu fe ha'da-holomata neu Manetualain.”

KELUARAN 13:20

Hataholi Israel-la la'oela Sukot boema, ala ofu leme kota Etam-ma, fo nai moo solokaek-ka su'un-na.

KELUARAN 38:26

Lilopilas, lilofulak dede'un-na sama no hata fo basa hataholi nanasulak nai leleke samanek ndia dalek, baba'en-nala. Basa hataholi-la bae tunga dede'uk fo nanaketu basak, ma nanataik tunga tatais fo nanapakek nai Manetualain Lalaa Teman-na. Nai leleke samanek ndia dalek, hapu touk fo teun duahulu leo lain neu, dede'un-na hataholi 603.550.

BILANGAN 1:2

“O ma Harun muse leke la'iesak hataholi Israe la dede'un-na, tunga esa-esak leo-ingu ma teidale-bobongin. Sulak-ma, basa touk fo,

BILANGAN 11:21

Boema Musa nafa'da Manetualain nae, “Leoina fo au auli-alangas ia-la dede'un-na, hataholi lifun natun nee. Tao leo beek de, O bisa mafa'da mae neukose O fes paa dai bulak esa dalen-na?

BILANGAN 2:32

Hataholi Israel-la dede'un fo nanasulak tunga sila esa-esak solda'dun-nala nde been-na, hataholi 603.550.

BILANGAN 26:51

Israel toun-nala, basa-basan, touk lifun natun nee esa natun hitu teluhulu.

BILANGAN 33:3

Leoina Israel-la, la'oela Masir, ndek hataholi Yahudi-la bula ka esan-na, fain sanahulu lima, fo ndia te, basa Paskah makasososak-ka, faik esa ndia so. No Manetualain nasulu-nahapan, de ala la'oela kota Rameses-sa, nai leoina Masir-ra matan,

BILANGAN 33:5

Lelek leoina Israel-la, la'oela Rameses boema, ala ofu leme Sukot.