KELUARAN 12:15 - Susula Malalaok Hehelu Palak Ma Hehelu Beuk

¹⁵ Manetualain, nafa'da nae, “Faik hitu dalen-na, emi ta bole mi'a loti fo kamen pake lauteik fa. Nai fai makasososak-ka, muse kalua heni basa laluteik-kala leme emi umam dale mai, nana metema nai faik hitu dalen-na, hataholi esa na'a loti fo kamen pake laluteik soona, hataholi ndia ta da'di Au anang so'on.

KELUARAN 12:15 ပူးပေါင်းရင်းမြစ်များ

KEJADIAN 17:14

Basa touk, nanasunat taak lala'en-na, Au anang ta ndia fa, nanahu, ana ta ho'u hehelu-balataak ndia fa.”

2TAWARIKH 30:21

Faik hitu dalen-na, no namahoko-seteleek nanseli, hataholi fo lakabubua nai Yerusalem sila-la tao feta Loti Lalutei Taak-ka. Tunga faik hataholi Lewi-la ma basa imam-mala koa-kio Manetualain no te'e-te'ek.

EZRA 6:22

Ala tao Feta Loti Ta Pake Laluteik-ka, faik hitu dalen-na, no namahoko-seteleek. Lamahoko lanseli, nana Manetualain taon-na mane Asyur-ra nadale malole neus, nalosa ana falis nai lafofo'a falik, Israel Manetualain, Uman-na.

KELUARAN 12:8

Le'odaek ndia boe, muse dala paan-na, fo la'an no aidoo makaheduk ma loti fo kamen ta pake laluteik fa.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 23:15

Nai hataholi Yahudi-la bula Abib-pa dalek, fo nai faik nananaketuk-ka, emi muse tao Feta Loti Fo Ta Pake Laluteik fa, tunga eno-dalak fo Au paleta basan neu emi so, nana emi la'oela Masir nai bulak ndia dalen-na. Boso mi'a loti fo kamen no laluteik, nai feta faik hitu ndia dalen-na. Nai lelek, emi mai sene-do'ok soaneu Au soona, emi muse meni tunu-hotuk.

KELUARAN 30:33

Hataholi fo ana tao mina matak leondiak-ka, do ana losen neu hataholi fo ta imam fa soona, Au anang ta ndia so'on.”

KELUARAN 30:38

See tao kaboomenik sama-na leondiak soona, Au anang ta ndia fa.”

KELUARAN 31:14

Emi muse fe ha'da-holomata neu fai hahaeaok ndia da'dileo fai malalao-malalafuk. Au fe emi faik 6 soaneu maue-male'di, tehu faik-ka hitun-na nde been-na fai matua fo nanafe hehelik soaneu Au. See ta fe ha'da-holomata neu fan, tehu naue-nale'di nai faik ndia soona, muse nanahukunisak.

KELUARAN 34:18

Tao feta Loti Fo Ta Pake Laluteik fa. Sama leo Au paleta basan neu emi so, de emi muse mi'a loti fo ta pake laluteik, faik hitu dalen-na nai bulak Abib dale, nanahu nai bulak ndia dalen-na, emi la'oela Masir.

KELUARAN 34:25

Nai lelek emi tunu-hotu banan-nanado'dok soona, boso tunu-hotu hata-hata fo taon pake laluteik. Bana-manu fo do'don soaneu feta Paskah, emi muse mi'aheni paan-na le'odaek ndia boe; ta bole ela losa balahaa fafaik fa.

IMAMAT 17:10

Metema, hataholi Israel esa, do hataholi nusa dea esa ana leo nahele nai hataholi Israel-la tala'da, na'a paa daa soona, neukose Manetualain hukun, ma ana ta da'di Manetualain anan-nala so'on.

IMAMAT 17:14

Basa mahahaek lala'en-na, maso'dan-na nai daan dale, hu ndia de, Manetualain kena-ka'i leoina Israel-la, fo boso la'a daak. Ba'eneu hataholi see, fo ana tao tatao-nono'ik nananalulik ndia soona, ana ta da'di Manetualain anan-nala so'on.

MALEAKHI 2:12

Sa'di leo been-na, hataholi manatao leondiak-ka, Manetualain, Ana usi henis leme Israel anan-nala la dalek mai. Sa'di leo been-na, ala ta tunga seluk loo ita leoinan-na, fo ala fe tutunu-hohotuk neu Manetualain Fo Manakoasa so'on.

BILANGAN 28:17

Balahaa, fo bulak-ka fain sanahulu lima soona, mulai Feta Loti fo ta pake Laluteik-ka, de na faik hitu dalen-na, emi ta bole mi'a loti fo taon pake laluteik fa.

BILANGAN 9:13

Nasafalin-na, hataholi manggenggeo ta ka, ma ta nai leleo-lala'o dame doo dalek boen, tehu ana ta tunga feta Paskah fa soona, Au ta sipok-kana da'di Au anang so'on, nanahu ana ta tunu-hotu tutunu-hohotuk fe Au, nai faik fo nananaketuk-ka. Hataholi ndia, muse lu'a-lepa aon sala-singon.

MATEOS 16:12

Neu makabui na boema besa ka Yesus ana mana tunga nala bubuluk lae, Yesus nadenus fo ala i'akouk ndia nde bee soona, ala i'akouk neu lalu teik fo ala paken neu loti a nde ndia fa, te ala i'akouk neu hataholi Farisi la ma hataholi Saduki la, nanoli nala nde ndia.

LUKAS 12:1

Hataholi lifu-lifun lakaseseti ao nalosa nggelok heta la nggelok ei na. Hataholi sila la bei lakamomotu te Yesus nafa'da ana manatunga nala nae, “Manea matalolole neu hataholi Farisi la lalu tei na. Fo Au dudu'a ka nde sila manadea-dale nala.

LUKAS 2:43

Basa feta boema ala fali, tehu Yesus bei elan nai Yerusalem tehu ina aman ta bubuluk fa.

HATAHOLI 12:3

Lelek fo Herodes nita ndia tatao-nono'in ndia nandaa no hataholi Yahudi la dale na boema, ana tao seluk leondiak. Nadenu hataholi la leu ho'u Petrus boe. Dede'ak ndia ana da'di la'e Fai Matua Loti Ta Pake Lalu Tei ka.

GALATIA 5:12

Malole lenak hataholi mana tao tasibu emi dudu'a-aafim sila la, kalua henis tutik leme hataholi kamahehele kala dalek mai!

ULANGAN 16:3

Emi muse mi'a tutunu-hohotuk ndia, no loti fo ta pake laluteik fa. Emi muse mi'a loti fo ta pake laluteik ndia, faik hitu dalen-na, sama leo nai lelek no lai-laik emi la'oela dae Masir-ra. Mi'a loti fo loken lae loti doidosok-ka, fo ela nai emi fai maso'dam-ma dalek, emi mafandendelek, faik fo emi la'oela Masir, fo emi mamana doi-dosom-ma.

ULANGAN 16:5

Emi muse do'do bana soaneu Feta Paskah nai emi Manetualaim-ma hele mamanak-ka, fo boso nai mamana fe'ek, nai emi Manetualaim-ma fe emi nusak-ka. Emi muse tunu-hotu tutunu-hohotuk sila-la, nai lelek le'do-a tenak, sama leo nai lelek emi la'oela dae Masir-ra.

ULANGAN 16:8

Basa feta ndia soona, nai faik nee dalen-na, emi muse mi'a loti fo ta pake laluteik fa. Nai faik ka hitun-na soona, emi muse makabubua fo sene-do'ok neu emi Manetualaim-ma. Nai faik ndia dalen-na, emi ta bole tao ue-le'dis fa.”