KELUARAN 12:12 - Susula Malalaok Hehelu Palak Ma Hehelu Beuk

¹² Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde Manetualain.

KELUARAN 12:12 ပူးပေါင်းရင်းမြစ်များ

1 TAWARIKH 14:12

Lelek fo Filistin solda'du nala lalai boema, ala ta hapu loak ho'ileni sila dodoki-dudula sosongo-tatangon nala fa. Dauk paleta fo ela hotuheni dodoki-dudulak sila-la.

MAZMUR 135:8

Nai Masir, Ana taonisa basa ana uluk-kala, mulai neme hataholi daebafak-ka, losa bana-manu.

MAZMUR 82:1

Asaf Kokoa-kikion. Manetualain nauli-nalanga nakabua malalao-malalafuk-ka, nai nusa so'dak-ka, boema Ana fe naketu-nala'din nae:

MAZMUR 82:6

Au afa'da, ae emi hataholi salanik emi basa-basam-mala nde bee-na, Manetualain Fo Mademaina, anan-nala.

MAZMUR 91:7

Nemen-na fo, hataholi lifun esa, mate nai o boboam-ma, ma lifun sanahulu nai o boboa konam-ma, tehu, neukose o ta makahina fa.

MAZMUR 95:3

Nana Manetualain nde bee-na, Manetualain fo matua-madema, Manek makadelek fo nai lamatua daebafak lala'ena lain.

KELUARAN 12:23

Nai lelek Manetualain, la'ok okofeo nusak ia, fo Ana taonisa hataholi Masir-ra, neukose Manetualain nita daak manai emi umam-ma lelesun-na diin duas, ma nai netes manai lelesu-a lain; soona neukose, Ana la'ok nakandoo, ma Ana ta fe Ata nusa so'dak fo maneni Mamates-sa loak ana masok emi umam-ma, fo ana taonisa emi fa.

KELUARAN 18:11

Besak ia, au bubuluk ae Manetualain, ba'ulena basa lamatuak lala'en-na, nanahu Ana tao basa sila-la, nai lelek hataholi Masir-ra no koao-ndaeaok nanseli, ala tuni-ndeni hataholi Israel-la.”

KELUARAN 21:6

soona tuan-na muse noon leo mamana makaluku-makatele-a neu. Losa naa soona, ladenu ata ndia napadeik nasala'da mamana makaluku-makatele-a lelesun-na do dii lelesu-a, fo tuan-na so'bo ata ndia di'idoon-na. Soona ata ndia, neukose ana da'di tuan-na atan losa dodoon-na.

KELUARAN 22:28

Boso supa-soo Manetualain, ma boso supa-soo o leoinam-ma, mauli-malangan-nala.

KELUARAN 6:2

Au atu'du Au aoinang-nga neu Abraham, Isak ma Yakob da'di leo Manetualain Fo Manakoasa, tehu Au ta fes lalelak Au nenik na'dek ‘Manetualain fa’.

KELUARAN 9:6

Balahaa boema, Manetualain taon sama leo hata fo nafa'da basan so. Mate basa hataholi Masir-ra bana-manun, tehu hataholi Israel-la bana-manun soona, ta mate esa boen.

YESAYA 19:1

Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

YEREMIA 43:12

Neukose Au tao ha'i neu Masir lamatua daebafan-nala uma sosongo-tatangon-nala, ma neukose manek Babel-la hotuheni patong sosongo-tatangok manai uma sosongo-tatangok-ka ado ana ho'i nenis lo nusa-namon neu. Sama leo hataholi nanafoo sa tao balisi bua-lo'an neme utu-tuma, leondiak boe neukose manek Babel-la sasapu balisi Masir boema ana la'o seluk no ta hapu esa nanggengek-kana boen.

YEREMIA 43:13

Batu-lutu sosongo-tatangok manai Heliopolis nai Masir, neukose nanatao nakalulutuk, ma Masir lamatua daebafan-nala uma sosongo-tatangon-nala neukose nanahotu-heni la'iesak-kasa.”

YEREMIA 46:25

Manetualain Fo Manakoasa, fo Israel Manetualain-na, nafa'da nae, “Neukose Au huku-doki Amon, lamatua daebafak manai Tebe-a ma basa Masir no lamatua daebafan-nala ma manen-nala. Manek Masir-ra ma basa hataholi ta lamahena neun nana

YESKIAL 12:16

Neukose Au soi-tefa ala, sila lumanak leme natee-natatik dale, leme la'a-ndoes-sa, ma leme he'di-laus-sa mai, fo ela nai leoina nusa dea sila-la tala'daheon, neukose ala bubuluk, lae sila tatao-nono'in ta kandaak makandondook fa. Soona neukose, ala manaku, lae Au nde Manetualain-na.”

AMOS 5:17

Neukose, hataholi ala kii-makaleleu nai basa osi angol-la dalek, nanahu Au mai fo Au huku emi. Au, fo Manetualain nde manakokolak-ka.”

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

BILANGAN 33:4

fo ndia te, lakalulupu latoi-latono sila anaulun fo, Manetualain taonisak-kala. No manada'dik ndia, fo Manetualain fe buti, nae Ndia be'i-balakain lena heni Masir lamatua daebafak-nala.

SEMUEL SUSULAK-KA ESAN-NA 5:3

Lelek balahaa fafaik, de Asdod laun-nala mai leo uma sosongo-tatangok ndia mai boema, lita lae Dagon dodoki-dudulan tu'da natotonokala, nai dae lain, fo nai Manetualain Peti Hehelu-balataan matan-na! Ala ko'o-la dodoki-dudulak ndia, de ala pe'da falik-kana neu mamanan-na.

SEMUEL SUSULAK-KA ESAN-NA 6:5

Da'di, emi muse nana dulak neme peta-paek ma lafo fo nanataok neme lilopilas, manatao nalutu emi nusam-ma. No enok ndia, emi fe ha'da-holomata neu Israel Manetualain-na. Fafa'kama, neukose Ana hahae huku emi, ma emi lamatua daebafam-mala boema emi daem-ma.