KELUARAN 12:11 - Susula Malalaok Hehelu Palak Ma Hehelu Beuk

¹¹ Nai lelek emi mi'a, emi muse pake-nggao memak, soaneu leo-la'o, pake ta'bueis ma ho'u aitete'ek. Emi muse mi'a lai-lai. Ndia nde feta Paskah soaneu fe ha'da-holomata neu Au, fo Manetualain.

KELUARAN 12:11 ပူးပေါင်းရင်းမြစ်များ

2RAJA-RAJA 23:21

Basa boema, Mane Yosia paleta laun-na, fo ala tao feta Paskah, sama leo nanasulak nai susula Hehelu-balataak no Manetualain-na dalek. No enok ndia, ala fe ha'da-holomata neu sila Aman, Manetualain.

KELUARAN 12:13

Daak manai emi umam-ma lelesu-na, neukose ana da'di ta'du-tana neme uma fo emi mamana leleom-ma. Metema Au ita daak ndia soona, Au la'o seli emi, ma nai lelek Au huku Masir-ra, Au ta tao amopo-amate emi fa.

KELUARAN 12:21

Musa naloo basa maneleo Israel-la de nafa'das nae, “Meu leon-na, fo ho'u-ma bi'ilopoana esa soaneu emi uma isim-ma, ma soaneu feta Paskah.

KELUARAN 12:27

Soona emi muse mataa mae, ‘Ia tutunu-hohotu Paskah, soaneu fe ha'da-holomata neu Manetualain, nana Ana la'ok seli hataholi Israel-la uman-na nai Masir, nai lelek Ana taonisa hataholi Masir-ra anatou ulun-nala, de Ana fe ita taso'da!’ ” Boema hataholi Israel-la senek, ma lakaluku-lakatele.

KELUARAN 12:43

Manetualain nafa'da Musa ma Harun nae, “Ito-ato feta Paskah nde ia. Hataholi nusa dea-la, ta bole la'a paa bi'ilopo, fo nana tunu-hotuk nai fai Paskah fa.

YESAYA 52:12

Neukose emi ta makalupu lala'ok fa, ma ta sama leo, hataholi manamalaik-ka fa. Nana, neukose Manetualain hela-nole emi; Israel Manetualain-na, neukose nasulu-nahapa emi, neme bu'u-bu'uk lala'en-na mai.

YESKIAL 45:21

Nai hataholi Yahudi-la, bula ka esan-na, fain sanahulu haa soona, emi muse tao Feta Paskah. Hataholi-la, ta bole la'a loti fo, ta kamen pake laluteik, faik hitu dalen-na.

IMAMAT 23:5

Tao fai malole Paskah soaneu fe ha'da-holomata neu Manetualain, mulai nai lelek le'do tenak, fo nai hataholi Yahudi-la bula ka esan-na, fain 14.

BILANGAN 28:16

Hataholi Yahudi-la bula ka esan-na, fain sanahulu haa nde been-na, fai Paskah ba'eneu Manetualain.

BILANGAN 9:1

Nai hataholi Yahudi-la bula ka esan-na, nai teu ka dua-na dalek, fo ndia te leoina Israel-la la'oela Masir so, Manetualain kokolak no Musa neme moo solokaek Sinai-a. Manetualain nafa'da nae,

LUKAS 12:35

“Manea fo masasale matak mo basa dede'ak lala'ena. Emi muse maheheleaom tataas esa ma emi banu ma manapilak nahele,

LUKAS 15:22

Tehu aman nalo malalau-maoono nala de nafa'das nae, ‘Lai-lai meu ho'i bua papake neulauk fo fen pake. Boema o'du ndeli neu lima ku'u na, ma fen pake sapatu neu ei na.

LUKAS 2:41

Tunga-tunga teuk, Yesus ina aman leu leo Yerusalem leu, fo ala tunga Feta Paskah.

LUKAS 7:38

Napadeik neu Yesus dea na deka no ei na ma ana kii, boema nakadoe Yesus ei na ninik luu oe na. Basa boema ana lose nama'da Yesus ei na ninik langa doo na, ma ana de'in, boema ana po'a mina kaboomini ka neu.

1 KORINTUS 5:7

Tu'u-tapaheni makahuluk lalutei palaak ndia, fo nde lalutei sala-singo ka, fo ela emi dadi ha'de sopu nanakame beuk fo balisi neme lalutei sala-singo palaa ka mai, fo daenga au bubuluk ae, memak emi leondiak. Nana ita feta Paskah na nanasadia basak, hu ka nde Kristus nde da'dileo ita bi'ilopo Paskah na, fo nanatunu-hotu basak so.

EFESUS 6:15

Ela leo bee na, dale hihiik soaneu tui-benga Hala Malole fo manini so'da-mole ka, ana da'di emi ta'bu ei ma.

ULANGAN 16:1

“Tao feta Paskah nai hataholi Yahudi-la bula Abib-pa, fo fe ha'da-holomata neu emi Manetualaim-ma, nana nai bulak ndia dalen-na, fo le'odae boema, Ana soi-po'i emi meme Masir mai.

YOSUA 5:10

Lelek ala bei ofu leme Gilgal fo nai masadokek manadeka no Yerikho-a, te ala tao feta Paskah nai fai le'donoson-na, nai bulak ndia fain sanahuluhaa.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.