KELUARAN 11:1 - Susula Malalaok Hehelu Palak Ma Hehelu Beuk

¹ Manetualain, nafa'da Musa nae, “Neukose, Au fe soe esa seluk, tuni la'e manek Masir-ra no laun-nala. Basa ndia soona, neukose ana po'i emi la'o. Nakalenak, emi basa-basam-mala, neukose nanausi henik neme ia mai.

KELUARAN 11:1 ပူးပေါင်းရင်းမြစ်များ

KEJADIAN 15:14

Tehu, leoina fo manatao o tititi-nonosim da'di ata ndia, neukose Au hukun, ma nai lelek fo, o tititi-nonosim la'o ela nusak ndia, neukose leni hata-heto makadotok.

AYUB 10:17

O hela sakasii tataas esa, fo la'ban au; ma O nasa-melum, boetai namatuak-ka, soaneu au. O madenu solda'du beuk-kala, fo ala sapu-la au, ma latee-lata'ti loo au.

KELUARAN 12:29

Fatila'dak ndia, Manetualain taonisa basa leoina Masir-ra, anatou ulun-nala, mulai neme manek-ka anan-na, losa hataholi manai bui dale-la anan-nala. Basa bana-manu ana ulun-nala boeo, nanataonisak.

KELUARAN 3:20

Tehu, neukose Au pake Au koasang-nga, fo Au huku Masir nenik Au fe soe matuaina leo naa neu. Basa ndia soona, besak-ka ana po'i emi la'o.

KELUARAN 6:1

Manetualain kokolak no Musa nae, “Au nde Manetualain.

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

IMAMAT 26:21

Metema, emi bei lena-la'ban mahele Au boe, ma ta nau tunga Au fa, soona neukose, Au popo-tama seluk emi huhukum-ma la'i hitu.

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

NINITAK 16:9

Hataholi daebafa ka putus, hu ka nde le'do haa na, ma putu sila fo manasupa-soo Manetualain na'de na, Manetualain fo manakoasa susa-soe sila la. Leomae leondiak boe, ala ta nau tukatei-saledale leme sala-singo nala mai, ma ala ta nau koa-kio Manetualain matua-mademan fa.

SEMUEL SUSULAK-KA ESAN-NA 6:4

Hataholi sila-la latane lae, “Ita muse fen, sosoi-tetefak beek-ka?” Basa imam sila-la lataa lae, “Peta-paek lima nanataok neme lilopilas, ma lafo lima nanataok neme lilopilas, fo nandaa no Filistin manen-nala dede'un-na. Ade, soe fo manatunin-nala emi basa-basam-mala, nau laun do manek boe, ta nalupa peta-paek, ma lafo hetu?