KELUARAN 10:9 - Susula Malalaok Hehelu Palak Ma Hehelu Beuk

⁹ Musa nataa nae, “Ami basa-basam-mala, nau mulik do lasik boe. Neukose, ami moo la'iesak ami anam-mala, ami sapim-mala, ami bi'ilopom-mala, ma ami bi'ihiim-mala, nana ami muse tao fai malole matua esa, soaneu fe ha'da-holomata neu Manetualain.”

KELUARAN 10:9 ပူးပေါင်းရင်းမြစ်များ

KEJADIAN 50:8

Yusuf umaisin-nala, tolanoon-nala, ma tolano ka'a-fa'di fe'en-nala leu boe. Ela ka'da ni'iana kome'do anala ma sila bana manu nala lai nusa Gosyen na.

KELUARAN 10:10

Manek-ka nae, “Au ta bisa po'i emi moo inak-kala, ma emi anam-mala fa! Hata fo emi moken ndia, ka'da sama leo emi mamahena au oke Manetualain, fo Ana ba'e-pala emi. Mangale'dok ba'eneu au so, nae emi manuu dudu'a mangalauk.

KELUARAN 10:26

Ami muse meni la'iesak ami bana-manum; neukose ami ta la'oela esa boen. Neme bana-manu sila-la mai, ami hapu hele beek-ka nde, neukose ami tunu-hotun soaneu Manetualain fo ami Manetualaim-ma. Ami losa naa soona, besak-ka ami bubuluk, ami hele bana beek-ka, fo ami tunu-hotun.”

KELUARAN 12:32

Meni la'iesak emi sapi, bi'ilopom ma bi'ihiim-mala, fo la'o leona! Moke fe au baba'e-papalak boe!”

KELUARAN 12:37

Hataholi Israel-la la'o, de ala la'o eik leme kota Raamses-sa leo kota Sukot-ta leu. Dede'un-nala, hataholi 600.000 ta leke inak-kala, ma ni'iana-la fa.

KELUARAN 12:38

Leni sapi, bi'ilopo ma bi'ihiik makadotok. Hataholi manamai makadotok, ala tunga boe.

KELUARAN 13:6

Nai faik hitu dalen-na, emi muse mi'a loti fo kamen Ta Pake Laluteik fa, ma neu fai ka hitun-na soona, muse tao feta soaneu fe ha'da-holomata neu Manetualain.

KELUARAN 3:18

Neukose Au anang-ngala, lamanene o hala-kokolam. Basa soona, o sama-sama moo basa mane leo Israel-la, muse meu leo manek Masir-ra meu, fo mafa'dan mae, ‘Manetualain, fo hataholi Ibrani-la Manetualain-na, Ana mai, de natu'du basa aoinan-na neu ami so. Besak ia po'i ami, fo ami la'ok faik telu dalen-na leo moo solokaek-ka meu, fo ami tunu-hotu tutunu-hohotuk fe Manetualain, fo ami Manetualaim-ma.’ ”

KELUARAN 5:1

Basa boema, Musa no Harun leu leo manek Masir-ra leu, de lafa'dan lae, “Manetualain, fo Israel Manetualain-na, Ana fe paleta nae leo ia, ‘Po'i Au leoinang-nga, fo ela leu sene-do'ok neu Au nai mook solokaek-ka.’ ”

KELUARAN 5:3

Musa no Harun lafa'da lae, “Hataholi Ibrani-la Manetualain-na, natu'du basa aoinan-na neu ami so. Po'i ami, fo ami meu leo mook solokaek-ka meu, dodoon-na, la'ok faik telu dalen-na, fo ami tunu-hotu tutunu-hohotuk soaneu Manetualain, fo ami Manetualaim-ma. Metema, ami ta tao tunga dede'ak ndia fa soona, neukose Ana taonisa ami nenik he'di-laus do natee-natatik.”

AMSAL 3:9

Fe ha'da-holomata neu Manetualain nenik tunu-hotu fen hata fo malole, neme basa o hata-hetom, ma o dae-oem oe-isin lala'en-na,

PENGKHOTBAH 12:1

Mafandendelek manamakadada'dik o-a, beidai o bei muli-solum-ma, nai lelek teu-teuk fo henuk no doidosok-ka beita losa fa. Nai tepo-lelek ndia, neukose o mafa'da mae, “Au so'dang-nga ua-nalen ta.”

BILANGAN 29:12

Nai hataholi Yahudi-la, bula ka hitun-na, fain sanahulu lima soona, emi muse makabubua, fo makaluku-makatele, ma ta bole maue-male'di ue-le'dis mabela fa. Nai faik hitu dalen-na, emi muse tao feta soaneu fe ha'da-holomata neu Manetualain.

EFESUS 6:4

Tolano-tolanook fo manda'di ama kala lemin! Boso tao lupa-lupa kala mo ana mala, nalosa lamanasa. Dede'a nasafali na nae, tao mamatua dale nala no malole na, ma manolis Lamatua ka nanoli-nafa'dan.

YOSUA 24:15

Leounik-ka, emi ta nau mamahele neu Manetualain fa soona, faik ia boe, ho'i nakeketuk, emi nau mamahele neu see: neu lamatua daebafak, fo makahulun-na emi bei-ba'i kaim-mala sene-do'ok-kasa neme Mesopotamia, do neu hataholi Amori, fo besak ia emi leom-ma nusan-na, lamatua daebafan-nala. Tehu ami – au ma au teidaleng-ngala – neukose mamahele ka'da neu Manetualain.”